ايار شدت خدها و بدات تبكي اسر شد شعرو و راح عندها عنقها و زير عليها
ايار : و الله ماتحشم اهئ اهئ ديرلي هكذا واش درتلك انا ؛ علبالك شحال جرحتني كي ... كي فتحتلي كاميليا الباب هذا النهار و اللي شفتو .. وجعني بزاف لهاذ الدرجة تكرهني ...
اسر : و نتي نسيتي روحك ... ماشي زعما نتي و اسامة مكان والو بيناتكم بصح
ايار : بصح واش ... وعلاش نكذب اصلا صح كنت نحبو مي هذيك بكري و انا مكذبتش عليك صح اسامة مجرد صديق وقف معايا بزاف و منقدرش هكذا ننكر خيرو معايا بصح دوكا منضمنلكش
اسر : واش معنتها هاذي
ايار : اقعد بعيد عليا و متزيدش تدخل روحك في حياتي شخصية
خرجت ايار و رجعت لطابلتهم منبعد لحق اسر تعشاو منبعد كل واحد رجع لدارو
دخلت ايار للدار بلعقل كانت طالعة لشمبرتها منبعد شافت هيثم قاعد فالجنان راحت عندو
ايار : نقدر نقعد معاك
هيثم : حتى تسقسي
.....
ايار : ايه كيفاش راك مع ياسمين
هيثم : لباس ؛ راني ناوي نروح نخطبها
ايار : صح
هيثم : ايه حاب نفتح هاذ سوجي مع بابا و يما قبل
ايار : بالبركة ربي يهنيكم انشاءالله
هيثم : يسلمك ختي لعزيزة ؛ و نتي واش راكي دايرة فيها
ايار : والو راني مع القراية و الخدمة
هيثم : خدمة !!!
ايار : ايه عندي مدة ملي بديت نخدم مساعدة في واحد شركة
هيثم : و قرايتك
ايار : عادي مقسمة وقتي بيناتهم مراهيش اول مرة
هيثم : لوكان يسمع بابا يدير حالة
ايار : خليه يسمع معنديش مشكل هيثم قتلكم منقبل مراحش نقدر نتقبلكم بلخف
هيثم ( تنارفا بزاف ) : بلخف ... وعلاش مراكيش حابة تتقبلي بلي حنا معندنا حتى دخل فلي صرا معاك في صغرك ... ايه غلطو معاك و جرحوك بصح طلبو سماح مكانش واحد ميغلطش ... قلنا دوك توالفنا دوك تتاقلم معانا و تتقبلنا و تخلينا نكونو عائلة وحدة بصح ... شهر شهرين ثلاثة ..... شهور و مقدرتيش تسامحيهم و تقبليهم انا نشفق عليهم كي نشوف الندامة و الياس في وجوهم كل صباح يتاملو يسمعوك تعيطيلهم بابا و يما بصح انا متوقعتش بلي نتي هكذا
ايار : وعلاش تشوفو الامور غير من جهتكم و انا ...
هيثم : و علاش نتي متشوفيش من جيهتنا والديك معندهم حتى دخل فلي صرا بصح راني خايف تندمي بزااف منبعد
طلع هيثم و خلاها غارقة في التخمام
صباح جديد :
الخدامة : مسيو هاذو الورق تاعك ؟؟؟ لقيتهم محطوطين فوق الطابلة
مراد : جيبي نشوف .... هاذو ماشي تاعي ... تاعمن
هيثم : وري نشوف .... مالا هذي هيا ...
مراد : وشنو
هيثم : هاذو تاع ايار ... راهي تخدم مساعدة في هاذ الشركة
مراد تقلق بزاف فهاذ الوقت روميسة هبطت و لحقتها ايار
مراد ( بدا يعيط ) : اياار ... واشنو هاذو
ايار : !!!
روميسة : واشبيك تعيط على الطفلة بلا سبة
مراد : هاذ الطفلة خرجت تخدم و حنا معلبالناش
روميسة : .... ايار واش راهو يهدر باباك
ايار : ايه صح لي راهو يقولو
مراد : هكذا نورمال ... لوكان ماشي شفنا الورق مرميين فوق الطابلة منعرفوش
ايار : لالا كنتو راح تعرفو
مراد : وقتاش
ايار : مكانش علبالي بلي راح تعارضو الخدمة
مراد : البروبلام ماشي باسكو نعارض ولا لالا ... البروبلام هو لهاذ الدرجة منهموكش و دايرتينا زيادة فحياتك حنا اخر واحد يعرف بلي راكي تخدمي محسوب حنا غريبين عليك ... ايه صح عندك الحق سمحيلنا حنا تاملنا بزاف و مكانش لازم
أنت تقرأ
الخادمة و الزعيم _ باللهجة الجزائرية _
Romansaالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
