الخادمة و الزعيم _ باللهجة الجزائرية _

بارت 38

و اخيرا رجعتلكم ببارت نتمنى تعذروني علبالي راني نطول بزاف باش نحط مي الله غالب كل واحد و ظروفه المهم اليوم بارت جديد و احداث جديدة نتمنى يعجبكم و نلقى تفاعل عليه
الى الملتقى انشاءالله 💚💚💚

راحت ايار و اسامة لحقها يجري

اسامة : ايار حبسي وشبيك
ايار : خليني اسامة
اسامة : وعلاش غلطت فكاش حاجة
ايار : كيفاش تحطني فموقف كيما هذا
اسامة : يعني كي نويت الحلال وليت ماشي مليح و حطيتك فموقف ماشي مليح
ايار : بصح ماشي هكذا قدامهم كامل بلاك انا مانيش حابة راح نضطر نبررلهم كامل و ماما و بابا واش راح نقولهم دوك
اسامة : وعلاش متقبليش ولا راكي تستناي فاسر تاعك يجي يخطبك
ايار : واش راك تخلط
اسامة : مرانيش بهلول شفتك كيفاش تشوفي فيه بصح حطيتك عاقلة و تخممي اسر شاف حياتو مع كاميليا و نتي ...

خرجو لي داخل كامل يجريو كل واحد رفد طونوبيلته و راح كي شافتهم ايار راحت عندهم

ايار : واش كاين هيثم
هيثم : اسر و كاميليا دارو اكسيدون و راهم مديينهم لسبيطار

ايار محستش برجليها الدوخة بدات تدي و تجيب فيها طلعت مع هيثم .....

واحد ربع ساعة كانو لحقو ايار راحت تجري تبع فيهم غير لحقت لقات فريدة تبكي و تعنق فاسر

فريدة : يا وليدي هكذا ديرلي الخلايع
اسر : يا يما كيما راكي تشوفي جرح صغير
فريدة : هذا صغير

اسر متقاسش بزاف كانت يدو برك لي مجروحة كملت الطبيبة نقاتلو الجرح و ضمدتهولو كان نايض شاف ايار قدام الباب

ايار : سافا يدك راهي مليحة دوك
اسر : لاباس راهي مليحة

كمل اسر طريقو كي لحق عند ايار شاف فيها مليح و خرج

.....

اسر : كيفاش راهي كاميليا
طبيبة : راهي مليحة دوك ؛ عندها كسر فاليد تاعها
اسر : ايه و البيبي
طبيبة : باردون
اسر : قصدي كيفاش راهي حالة البيبي ياك متاذاش
طبيبة : كاين سوء فهم مسيو مكان حتى بيبي المدام مهيش اونسانت
اسر : راكي سور
طبيبة : ايه سور لوكان كانت كيما راك تقول لوكان عرفنا

لي كانو تما كامل تشوكاو يعني كاميليا كانت تكذب اسر عينيه ولاو حمورا حك لحيتو منبعد دخل عند كاميليا و غلق الباب

كاميليا : اسر كيفاش راك دوك

اسر راح عندها وهي خافت حست بلي راه منارفي

كاميليا : اسر كاشما كاين ... كشما صرا لوليدنا
اسر ( جبدها من شعرها ) : وليدنا .... وين راه وليدنا لي راكي تهدري عليه
اسر : اسسر نحي يدك وجعتني .. اي ... يا اسر واش راك تهدر

اسر جبدها رماها فالارض

اسر : وجهك صحيح وتزيدي تكذبي .... اسر ماشي مراة لي تلعب بيه فهمتي ... زهرك جيتي مراة سينون لوكان راني قتلتك ؛ عندك نهار في يدك وجهك منزيدش نشوفو فالبلاد ترفدي حوايجك و طيري لبلاصة بعيدة بارسكو لوكان نزيد نشوفك وقتها متلومي غير روحك

اسر دار خارج كاميليا راحت لرجلو وتبكي

كاميليا : اسر ... تعيش متخلينيش مكانش عندي حل من غير اني نكذب عليك نحبك لدرجة كبيرة لدرجة منقدرش نعيش بلا بيك

اسر مسمعلهاش خرج راح ديراكت لدارو غير لحق لقا الخدامة تما

الخدامة : كشما تحب نحطلك مسيو
اسر : تقدري تروحي

طلع اسر لشمبرته رما روحو فوق البونك قعد يتفكر كامل واش جاز عليه و كيفاش حتى قدرت تكذب

.......

راحت الخدامة تفتح الباب لقاتها ايار

ايار : اسر راهو هنا
الخدامة : انعم
ايار : ايه خلاص بلاكي
الخدامة : استناي نقولو
ايار : مكالاه

دخلت ايار حوست عليه ملقاتوش لتحت عرفت بلي راهو فشمبرته طلعت عندو كي فتحت الباب لقاتو حاط راسو بين يديه هو غير سمع الباب تفتحت و رجعت تغلقت طلع راسو لقاها واقفة قدامو قعد يشوف فيها حتى لقاها قعدت قدامو

ايار : كيفاش راك دوكا

اسر مريبوندالهاش حط راسو في حجرها و غمض عينيه ايار عرفت بلي مراهوش حاب يهدر قعدت تلعبلو بشعرو حتى رقد

في الصباح :

ناض اسر صباح دوش و هبط لقا ايار وجدت le petit dej و حطاتو فوق طابلة

اسر : صباح الخير
ايار : صباح الخير

قعدو ياكلو فسكات حتى هدر اسر

اسر : صحا على البارح
ايار : مدرتش حاجة كبيرة
اسر : ... كان علبالك بلي اسامة راح يطلب منك زواج
ايار : لالا
اسر : واش خممتي
ايار : معلباليش راني نخمم نمدلو فرصة

ناض اسر و خرج منبعد شوية رجع دنا عند ايار و لبسلها سنسلة

اسر : هذا الكادو تاعك ممديتهولكش لبارح نتمنى يعجبك
ايار : مارسي .... انا لازم نروح دوك

راحت ايار جابت صاكها و راحت قدام الباب اسر راح موراها و شدلها يدها

اسر : متروحيش
ايار : .....
اسر : علبالي غلطت معاك و جرحتك بزاف بصح مكانتش في يدي ايار
ايار : لوكان مكنتش قريب من كاميليا لدرجة انك تخمم و تامن بلي راح ترفد وليدك في كرشها مكناش وصلنا لهاذ الحالة
اسر : علبالي و راني واجد نتحمل نتيجة الغلطة لي درتها بصح
ايار : بصح واش
اسر : بصح ماشي انا لي نشارك ممتلكاتي مع الاخرين ؛ نتي تاعي و مراح تكوني تاع حتى واحد من غيري حبيتي و لا كرهتي