قعدو يحكيو هدرة جيب هدرة و محسوش بالوقت كامل حتى
ايار : اياه خليت الماكلة على النار تكون تحرقت
راحت ايار طفات للنار مزية متحرقتش الماكلة وجدت الطابلة و حطت الفطور عيطت لاسر باش يفطر
اسر : اقعدي تفطري
ايار : لالا منبعد نحط
اسر : اقعدي و حبسي من الجياحة
قعدت ايار فطرو و كملو
اسر : تحبي تفرجي الافلام
ايار : ايه و بزاف
اسر : واشرايك نروحو نتفرجو واحد
ايار : مدابيا بصح نغسل برك الماعن و نجي
اسر : ok
بعدما كملت ايار راحت للصالون لقاتو قاعد
اسر : جيتي ... روحي شوفي واحد يعجبك ديريه
ايار : ايه ... امم ماشي هذا .... ولا هذا .... هذا
دارت ايار فيلم و قعدت بدا الفيلم وهي مندمجة معاه و تعلق على كل حدث فيه واسر عجبو بزاف الحال سورتو كي تبدا تهدر مع ابطال الفيلم المهم في هاذ الفيلم كيما هو كيما اغلب الافلام تكون فيه الشخصيات الشريرة و فهاذ الفيلم كانت وحدة ماشي مليحة شعرها صفر .....
ايار : شو هاذي كيفاش عاملة لوكان غير يمرقولها .... سبحان الله تقول كيما المصفارة تاع كاميليا تشبهلها مظهرا و طبعا ....
ايار كانت مندمجة بزاف مع الفيلم لدرجة انه محستش واش راهي تهدر غير كملت هدرتها باش استوعبت بلي راهي تهدر على كاميليا قدام اسر سكتت شحال دورت راسها بلعقل شافت اسر يخزر فيها و ساكت
ايار : امم ... واقيلا زدت فالهدرة شوية
اسر : شوية !!!
ايار : بزاف ... يعني زلقت فالهدرة مقصدتش نهدرلك على صاحبتك هكذا يعني قدامك
ناض اسر و قعد قدامها يعني هي مالاول قعدت فجهة بعيدة عليه
اسر : تكرهيها لهاذ الدرجة
ايار : اممم ... قصدي ...
اسر : واش قصدك
ايار : يعني مانحبها ما نكرها مي تعجبنيش
اسر : فهمي روحك
ايار : راني فاهمة روحي
دنا عندها اسر كثر رفدلها خصلة من شعرها كانت طايحة على وجهها و دناها للور
اسر : وعلاش متعجبكش
ايار : هكذاك
اسر : بصح حبيت نعرف واش دارتلك باش متعجبكش انا تعجبني
شعلت فيه ايار عينيها و دناتو
ايار : اذا كانت تعجبك انا واش دخلني
اسر : هكذا حبيت نقولك
ايار : متقوليش ... ديجا هي صاحبتك كيفاش حتى متعجبكش
اسر : عندك الحق
ايار : ونزيدلك
اسر : زيدي
ايار : معندكش كامل الغو يعني متعرفش تخير النسا صراحة
اسر : ههه زعما
ايار : امم ديجا واش يضحك
اسر : والو حابك تشفاي برك على هدرتك و مترجعيش فيها
ايار : منرجعش
سمعو لاصونات تاع دار
اسر : شكون لي يجي دوكا ... دوك نجي
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
