بعد مدة رجعوا قعدو و بداو ياكلو ايار حطت راسها مع التبسي كملت كلات و طلعت لشمبرتها محبتش تخرج منها منبعد شوية عيطت لمونيا
مونيا : ايار عيطتيلي
ايار : مونيا سمحيلي على لي صرا لتحت ؛ لوكان ماشي انا متضطريش تسمعي كلام عيان منها
مونيا : وعلاش واش بيناتنا ماشي دايمن تقوليلي ختي ( وعنقتها )
ايار : نطلب منك حاجة
مونيا : اطلبي عينيا اذا حبيتي
ايار : ههه لوكان غير ديريلي كيك بالشوكولا
مونيا : هذا مكان مديلي سويعة يكون عندك
هكذا شوية دخلت مونيا و معاها الكيك حطتهولها ايار كلاتو كامل
مونيا : ههه بعقلك يا بنتي
ايار : جا بنييين بزااف
مونيا : بصحتك
ايار : هكذا اوموان يشدلي منا لغدوة
مونيا : ايار تتقعدي بيا المفروض هذه دارك و هما لي راهم ضياف عندك وعلاش تسمعيلهم و تخلي روحك بالجوع
ايار : نورمال كلش يفوت شفتي صباح هدرت زوج كلمات شفتي واش صرا نورمال مكلاه ندير مشاكل على تبسي ماكلة
مونيا : ايه خلاص
خرجت مونيا من شمبرة غاضتها بزاف ايار اما ايار غلقت التاقة و دخلت تحت لاكوات رقدت
............
تفاطنت ايار جوايه 11 تاع ليل ناضت فتحت التاقة شافت طونوبيل تاع اسر
ايار : جا
هبطت تجري لتحت
ايار : سور راهو فالبيرو
راحت للبيرو و صح كان تما بصح رانيا كانت تما اسر راح عنق ايار هذا كامل تحت نظرات رانيا
اسر : توحشتك
ايار : كي شفت طونوبيل جيت نحوس عليك ؛ وعلاش مطلعتش للشمبرة
اسر : جيت نكمل واحد dossier كان هنا اصلا كنت طالع
رانيا : انا جيت نسقسيه اذا يحب نحطله يتعشا
ايار : كثر خيرك بصح عندو مرتو اذا سحق كاش حاجة انا نديرها
رانيا : قلت برك ..
ايار : دوكا تقدري تخرجي كوم راني هنا
خرجت رانيا
اسر : وعلاش هدرتي معاها هكذا نيتها مكانتش عيانة
ايار : ها زيد دافع عليها محسوب مانيش نشوف فيها ظل لاسقة فيك و نتا عاجبك الحال
اسر : ايار عرفي واش راكي تهدري واشمن عاجبني الحال
ايار : سمحلي انا الغالطة
طلعت ايار للشمبرة راحت للبونك غطات راسها بلاكوات و قعدت تبكي هكذا شوية دخل اسر بدل حوايجو و راح للبونك نحالها لاكوات لقاها مغمضة عينيها
اسر : حلي عينيك علبالي بلي مزال مرقدتي ... ايار متخلينيش انا نفتحلك عينيك
دارت ايار عنده عينيها معمرين بدموع
ايار : واش تسحق
اسر : وعلاش الدموع
ايار : وجهك صحيح تزيد تسقسي
اسر : ههه ... حبيبي علبالك تحبي تكبري الحاجة علبالك بلي رانيا بنت عمتي برك
ايار : بصح لي جاست لي ديرهم يقلقوني قولها تبعد عليك ظل لاسقة فيك
اسر : وعلاش راني نشم في ريحة الغيرة همم
بدا يدغدغ فيها
ايار : ههه ... اسسسر حبس ... ايي .. حبس
اسر : ارواحي هنا ... وحدة متعمرلي عيني من غيرك
ايار : اممم شحال من وحدة قتلها هاذ الكلمة
اسر : ايار
ايار : انعم
اسر : واش راكي تحوسي
ايار : والو
اسر : اممم
جبدها عندو و عنقها حتى رقدو
صباح جديد :
ناض اسر صباح راح دار سبور و دخل دوش خرج لقا ايار مزالها راقدة راح عندها قعد يمسحلها على راسها
اسر : ايار ... ايار
ايار : اممم
اسر : هيا نوضي راح الحال
ايار : دوك شوية
اسر : ايار هيا راح الحال
ايار : اممم هاني نضت .... اسر نطلب منك حاجة
اسر : واش حبيتي
ايار : علبالك وين راهي عايشة ماما نجمة
اسر : ايه
ايار : حابة نروح عندها
اسر : معليش نديك منبعد
ايار : بصح حابة نبات عندها
اسر : ايار عمري نديك و لعشية نجي نرجعك
ايار : وعلاش هكذا حابة نروح نقعد عندهم يامات 😭
اسر : خلاص متبدايش دمعي
ايار : تديني
اسر : قتلك خلاص
ناضت ايار تجري غسلت وجهها لبست جينز و سويت شيرت باسكات مكياج خفيف و هبطت لقاتهم مجمعين فصالون صبحت عليهم و قعدت منبعد هبط اسر لقا وجه جدته مقلب
اسر : غير الخير ماني مشنفة مصباح ربي
شريفة : واش حبيتني ندير اذا ولاو صغارات يهينوني وفي نص دار وليد وليدي
اسر : واش تقصدي
شريفة : سقسي مرتك
فريدة : متقصد والو صرا نقاش بين يما و ايار هذا مكان ماشي هكا يما
اسر : بصح مراهيش تبان حاجة صغيرة
ايار خافت لوكان يبدا يعيط عليها ولا يبهدلها كانت حتنوض لوكان ماشي خزر فيها اسر خزرة قتلتها و خلاتها تقعد ساكتة
اسر : اصلا سمعت بحكايات صرات هنا معجبتنيش
شريفة : كيما
اسر : كيما حكاية لحوايج مدام انا موافق مرتي تلبس هذيك لبسة معنتها لانتي و لا عمتي و لا غيرها هي تزوجت مني انا ماشي من شريفة ولا حسينة و زيد حكاية الرقاد ترقد و قتما تحب و كيما تحب مدامها في دارها بصح لي قلقتني حكاية لعشا ايار تقعد بلا عشاء كثر من سمانة و وعلاش بارسكو انا راني خدام هكا
حسينة : اسر وليدي هاذي عادتنا و مراحش ننساو عاداتنا
اسر : عاداتك رجعت قديمة كيما نتي ؛ مراكيش فالعصر الحجري هنا كامل يمشيو بالقوانين و العادات لي انا نحطها وكي ترجعي لدارك تقدري طبقي عاداتاك هنا لي ما حترمش ايار محترمنيش انا و لي هانها هاني انا و كلمتها من كلمتي و هذا الدار دارها باش نفكركم يعني دير لي تحبو و كيما تحبو
شريفة : مليح اليوم تبهدل فيا على جال بنت البارح
اسر : نتي حسيتيها تبهديلة بارسكو راكي غالطة و اليوم لوكان هي غلطت معاك كنت راح ندير معاها نفس شي ماني فوق العين و الراس بصح كاين حدود منحب حتى واحد يتخطاها معايا و نتي اكثر واحد يعرف بلي كي نتنارفا نولي عبد واحد اخر سما متسيويش تقلقوني و لا تنارفيوني بارسكو راح تشوفو حاجات متعجبكمش ؛ و دوكا تقدرو تروحو تسقهواو
هذا هو بارت نتمنى يكون عجبكم خليولي ارائكم فالبارت و توقعاتك فالاحداث الجاية والى الملتقى انشاءالله 💜
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
