الخادمة و الزعيم _ باللهجة الجزائرية _

بارت 36

و اخيرا رجعتلكم ببارت
علبالي بلي وليت نطول بزاف مي الله غالب مرجعش عندي وقت باش نكتب و حتى الدعم منلقاش سما منتحمسحش نكتب ؛ القصة مراهيش واجدة ولا راني ندير فالحكاية و نكتبها و نعيا عليها نتمنى نلقا دعمكم فالجام و التعلييييقات
نتمنى هاذ البارت يعجبكم خليولي ارائكم و توقعاتكم و svp كل وحدة قرات البارت تحطلنا افكار للاجزاء الجاية ان انشاءالله بارسكو الافكار راهي شبه منعدمة و هذا سبب تاني لي خلاني نطول باش نحط
قراءة ممتعة و الى الملتقى انشاءالله 💚

ايار شافت في اسر وهو مرقلها بلي راح تطرطق

اسر : كاميليا سمحيلنا

شد يد ايار و دخلها معاه لشمبرة

.....

اسر : خرجي واش عندك ( بمعنى اهدري )
ايار : واش قعد باش نخرجو ها ... جايب هاذ المصفارة هنا تقعد معاك تحت سقف واحد " نتي تعرفي بلي انا و اسر تربطنا علاقة قوية بزاف وهو كي سمع بلي راح نروح لاوتال مخلانيش و جابني هنا " ( تعوج فهدرة كاميليا )
اسر : مكان ما دخلك اذا جبتها راني جبتها لداري
ايار : نتا عندك انفصام شخصية ؛ هذاك نهار تقول حاجة و اليوم تقولي واش دخلك
اسر : مهما كان لي قلتو بصح ميعطيكش الحق دخلي  روحك فعفايس خاطيينك
ايار : هكذا معليش صحا مراحش نزيد ندخل روحي انا لي حسبتلي
اسر : واش حسبتلك
ايار : والو مراحش نستنى منك تتبدل اصلا
اسر : واش حبيتي يتبدل فيا
ايار : والو انا الحمارة لي جيت عندك

خرجت ايار من الشمبرة و خبطت عليه الباب

بعد مرور اسبوع :

جازت سمانة على الابطال تاعنا اسر مع خدمتو و ايار كانت تعاون في يماها باش يوجدو للحفلة تاع هيثم مي تفكيرها كان كامل عند اسر اما كاميليا كانت لاسقة ظل لاسقة فاسر

المهم اليوم هي الحفلة داروها فالجنان تاع قصر مراد بحكم كبير بزاف عرضو غير شوية من الفاميلية و لحباب

هكذا لبست ايار

كي هبطت و دخلت للجنان كامل كانو يشوفو فيها لي عجباتو و لي غار منها و لي حسدها ؛ مراد كان يعرفهم بيها بحكم مكانوش يعرفوها و ايار عينها غير على الباب تستنى اسر وقتاش يدخل هكذا شوية دخل هو و يماه كي شافتو فرحت بزاف قعدت غايسة فيه هو شباب مي اليوم كان يهبببل هو قعد يشوف فيها تبسم معاها و ياه حبت تطير من بلاصتها بصح كي دخلت كاميليا و واحد المراة معاها ( يماها )  موراهم ايار مطارتش هه تقلقت بزاف دخلو سلمو عليهم كي لحق اسر عند ايار باش يسلم عليها رماتلو يدها سلم عليها غير باليد و هي دورت راسها للجهة الاخرى كانت راح تطرطق رجعت راسها لبلاصتو تلقا المسيو شاد في كاميليا و يضحكو الطفلة ولات مضويش اما يماها و فريدة و يمات كاميليا كانو يقسرو حتى

يمات كاميليا : ايه دوك راح نوليو نساب
روميسة : عيب عليك يا فريدة ختي متقوليلناش
فريدة : الله غالب جا كلش مور بعضو يعني مام انا تفاجات كي قالي اسر بلي راح يخطب كاميليا
يمات كاميليا: انا مالاول علبالي بلي يحبو بعضهم و تمنيت ربي يجمعهم فالحلال و الحمدالله

ايار تسمع في هدرتهم و مشي مامنة كانه ماء بارد و صبوه عليها مرجعت تحس بحتى حاجة خرجت مالجنان بلعقل منبعد راحت تجري لشمبرتها دخلت بدات تبكي و تعيط

ايار : كيفاش هاذي راح يتزوجها ... سما كان يتقعد بيا 😭😭

سمعت الباب تفتحت دارت لقاتو اسر

ايار : وعلاش جيت اخرج
اسر : ايار سمعيني
ايار : معندي منسمع ... اخررج

راح اسر عندها كان راح يزيد يقرب دفعتو

ايار : متحشمش و الله متحشم ... متوقعتكش هكذا تتمسخر ببنات الناس ... اذا مالاول كنت تحبها علاه قتلي نحبك علاه خليتني نحبك
اسر : ربي عالم شحال نحبك
ايار : كذااب ... وعلاش راك ديرلي هكذا اسر وعلاش

طاحت ايار فالارض تبكي اسر هبط عندها شدلها راسها

اسر : مجبور يا ايار لوكان ماشي مجبور لوكان راكي مرتي دوكا بصح
ايار : بصح واش ؛ وعلاش مجبور
اسر : عل جال وليدي
ايار : ..... راهي اونسانت

اسر كان ساكت هي تشوف فيه و تبكي قرب منعندها بزاف و 💏💏💏💏

اسر : سمحيلي بزاف ايار
ايار : روح ربي يهنيكم انشاءالله

ماض اسر و خرج من الشمبرة