Ayar ****
كنت بزاف فرحانة باش نشوف اسر مفهمتش وعلاش مي في هاذ الخطرة وليت نحب نبقى بزاف قريبة منه مي كي شفت كاميليا جات عندو تعنق فيه داقتلي كملت خدمتي و غصة في قلبي كنت حابة نبكي مي مقدرتش واش دخلني فيهم اصلا لازم نبقى بعيدة كل البعد عليهم
كملت خدمتي عادي اسر مخرجش من البيرو تاعو لخدمات لوخرين وجدو العشاء و حطوه وانا خرجت للجنان كان الحال يهبل من صغري نحب نخرج فالليل قعدت نتمشى فيه بحكم كان بزااف كبير لقيت شيخ كبير قاعد قدام واحد الشجرة
ايار : السلام عليكم
مصطفى : وعليكم السلام بنتي
ايار : نقدر نقعد
مصطفى : بيانسور
_______________________
قعدت ايار مع مصطفى محستش بالوقت وهي معاه عرفت بلي هو جاردينيي يعني هو لي يهتم بالجنان و الشجر فالقصر
مصطفى : عندي بنت وليدي سمية قدك فالعمر جي عندنا مرة مرة
ايار : و وليدك
مصطفى قعد ساكت
ايار : سمحلي جدي اذا هدرت عفسة قلقاتك ؛ دخلت روحي ...
مصطفى : لالا ؛ عندي وليدي واحد هذاك واش كان عندنا حبيناه كثر من كلش مي منبعدتزوج و تخلى علينا حتى مرتو ماشي مراة مليحة دوكا راهو بدارو و ولادو و سمية مرة مرة جي مي بتخبية يماهم متحبش
ايار : ربي يهديهم انشاءالله
مصطفى : ونتي
ايار : واشبيني
مصطفى : عينيك يبانو حزان وعلاش طفلة صغيرة قدك تخدم هنا
ايار : الظروف يا جدي انا عايشة مع ماما و ماني ماني كبرت و مرضت و ماما متقدرش تامنلنا كلش على هذيك كان لازم نخرج نخدم
مصطفى : و باباك
ايار ( تبسمت بوجيعة ) : ههه بابا راح وخلانا ملي كنت صغيرة
مصطفى : الله يهديه و يرجعو لعايلته
ايار : منسحقوش في حياتنا دوكا عشت حياتي بلا اب ونقدر نكمل نعيشها فالوقت لي كنت مسحقة اب قدامي مكانش و دوكا وعلاش يرجع بالنسبة ليا ماما هي الام وهي الاب
مصطفى : مهما كان متقدرش تعوضلك بلاصة الاب
نروحو دوكا لنهار جديد :
ناضت ايار صباح و بدات خدمتها و بمانه كملت خدمتها بكري ودعت مونيا و خرجت هي غير خرجت من القصر شافت اسامة
اسامة : واش راكي تخدمي في قصر ¤¤¤¤
ايار : اسامة بعد من طريقي
اسامة : واذا ما بعدتش
ايار : قلت بعد
اسامة محبش يبعد على هذيك ايار خبطتو و راحت لسبيطار عند هيثم من نهار الحفلة وهو يعيطلها وهي ماشي حابة تهدر معاه
طبطب 🚪🚪🚪
هيثم : ادخل
.......
ايار : نقدر نقعد
هيثم : ايار
راح عندها عنقها
هيثم : هاذي غيبة
ايار : الله لا تغيبك
هيثم : ايه واش راكي دايرة فيها
ايار : والو مكان حتى جديد ؛ وشبيك تبان مقلق
هيثم : والو عيان برك
هكذا شوية دخلت روميسة ام هيثم ناضت ايار سلمت عليها و قعدو
روميسة : هيثم سافا وليدي
هيثم : لباس يما
روميسة : هيثم وليدي تعيش ياك تجي لعشية
هيثم : يما .....
صونا تيليفون هيثم
هيثم : الو ..... صحا راني جاي .... سمحولي نروح يسحقوني دوك نجي يما كي نجي نكملو هدرة
خرج هيثم من البيرو قعد سكات حتى نطقت روميسة
روميسة : ايار
ايار : انعم
روميسة : حبيت نطلب منك طلب نتمنى ماتخيبينيش
ايار ( استغربت ) : ايه اذا قدرت
روميسة : على جال واش صرا فالحفلة ؛ نتمنى تفهميني ايار هيثم و باباه مراهومش يتهادرو على جالك حتى دار و مراهوش يقبل يجي ليها مراد بزاف واعر و مراحش يسامح هيثم ولا هيثم راح يقبل يراضي بباه
ايار : سمحيلي مدام بصح هما مضاربوش على جالي مي على جال واش دارو راجلك
روميسة : راجلي عندو الحق يخاف على وليدو حتى اذا معندكش نية سيئة
هذا هو البارت نتمنى يكون عجبكم
خليولي ارائكم و تعليقاتكم
شوية تفاعل نزيد نحطلكم بارت اخر دوكا باسكو راني نكتب فيه
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
