هذا هو بارت اليوم نتمنى نلقا تفاعل باش نكمله باسكو فالاجزاء السابقة التفاعل نقص المهم خليولي ارائكم في احداث البارت و دوكا نخليكم تقراو البارت 💜❤💜
روميسة كانت تهدر مع ايار بصح ايار كانت تشوف في جيهة اخرى نجمة ايه نجمة جات اليوم للعرس باش تشوف بنتها لي رباتها راحت ايار تمشي بلعقل عندها حتى لحقت عندها سوطات عنقتها و طرطقت بالبكاء و نجمة كيفكيف
نجمة : مبروك عليك بنتي ... ههه مزال مرانيش مامنة بلي راكي عروسة اليوم البارح برك كنتي صغيرة
ايار ( قاعدة تمسح في دموع نجمة ) : هه لوكان غير جيتي قبل ميبدا لعرس حبيت نجي نجيبك بصح معلباليش وين رحتو بالضبط 😔 قوليلي كيفاش عرفتي بلي عرسي اليوم
نجمة : اسر ... اسر هو لي جا قالي
ايار قعدت تشوف فاسر بعينين مدمعين
ايار : ارواحي نعرفك عليهم
شدت ايار يد نجمة و داتها نجمة سلمت عليهم واحد واحد حتى لحقت عند روميسة لي دورت راسها عليها
ايار : ماما
روميسة : ايار مرانيش حابة نخسرها عليكم اليوم في عرسك خليني ساكتة
نجمة : مدام راني فاهمتك بصح ...
روميسة : نتي سكتي ؛ واش راح تفهمي من ام حرمتيها من بنتها عشرين سنة
نجمة : ايار انا لازم نروح اتهلاي في روحك و فراجلك و ربي يهنيكم انشاءالله ؛ هاكي هاذا كادو صغير نتمنى يعجبك
ايار عنقت نجمة منبعد ماراحت زادو شوية و راحو هما
بعد مرور شهر :
ايار : بفف مرانيش حابة نولي
اسر : ايار عمري لازم نولو اصلا غبت شهر على الخدمة
ايار : بففف
اسر : خلاص نبروميلك بلي نرجعو في اقرب وقت
ايار : صح
اسر : اممم
كيما شفتو جاز شهر على ابطالنا راحو فواياج ايار مخلات حتى بلاصة محوستش فيها عجبها بزاف الحال سورتو مع اسر جوزو يامات يهبلو غير رومنسية و تحواس و اليوم مراهيش حابة ترجع المهم وجدت لي فاليز تاعهم و بعد ساعات كانو لحقو للدار فريدة كانت تسلم و تعنق و ليلى تاني دخلة ديراكت للشمبرة رقدوا
في الصباح :
ناضت ايار صباح دارت دوش خفيف لبست بيجامة شابة مشطت شعرها مكيات خفيف و راحت تنوض اسر
ايار : اسر ... اسر
اسر : امم
ايار : هيا نوض هذاك هو
في ثانية كانت ايار تحتو
ايار : اسر طلقني خليني نروح
اسر : منطلقش
ايار : اسسر ( غضته من يدو و هربت تجري ) كي نقولك طلقني طلقني 😝
اسر : ياو لوكان نحكمك
هبطت ايار لتحت صبحت عليهم
حسينة : هذوين تنوضي سياداتك ناضو و كملو شغلهم
فريدة : حسينة ختي خليها يكونو عياو من الفواياج
مدتلهم ايار لي كادو لي كانت شراتهم لهم
ايار : نتمنى يعجبوكم
ليلى : يعطيك صحة ايار يهبلو
ايار : يسلمك
حسينة قاعدة غير تعوج بفمها ما يعجبها عجب
حسينة : يما حنا من وقتاش نلبسو بيجامات هكذا فدار
شريفة : ..... عندك الحق ايار روحي نحي هاذ اللبسة
ايار محبتش تزيد عليها بالهدرة طلعت بدلتها لبست جبة وهبطت مع اسر قعدوا يستقهواو كي كملو
اسر : مكلاه تستناوني لعشية للعشاء راح نطول شوية فشركة الخدمة كامل تلمت عليا
رانيا : اسر لوكان غير توصلني معاك لعند صاحبتي راح عليا الحال دوكا نخاف نطول فالبوس
اسر : كاين شوفور نقولو يوصلك
حسينة : اسر وليدي علبالك نخاف عليها طفلة هنا فبلاصة غريبة عليها و خاوتها ميحبوش تروح مع شوفور اوموان نتا وليد عمتها
اسر : ايه خلاص مطوليش برك
رانيا : نجيب ساكي و نجي
حسينة ( بدات دمع ) : شحال تغيضني اهه كانت متعلقة بزاف بباباها كل يوم نسمعها تبكي في شمبرتها حتى باباها رجع ميحوس ميسقسي عليها ... اسر هنا نتا الراجل الوحيد نتمنى تكون واقف مع رانيا مدامنا هنا
اسر : كوني مهنية عمتي
جاز نهار عادي حتى لحق وقت العشاء هبطت ايار باش تتعشا لقاتهم قاعدين فطابلة جات حتقعد
شريفة : حبسي ... وعلاش راح تقعدي
ليلى : حتقعد تتعشا واش حابتها دير
شريفة : نتي مدخليش روحك في امورنا العائلية ؛ و نتي كيفاش راح تقعدي و راجلك مكانش معندناش مراة تتعشا و راجلها مزال مرجع للدار
ايار : كيفاش
شريفة : كيما سمعتي
فريدة : يما خلينا من العادات هذوما تاع بكري
شريفة : متزيديش تناقشيني يا عروستي الحبيبة احسنلك تعلمي عروستك
فريدة : يما ...
ايار : خلاص مكالاه مراحش نتعشى اصلا مرانيش جيعانة
أنت تقرأ
الخادمة و الزعيم _ باللهجة الجزائرية _
Любовные романыالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
