الخادمة و الزعيم _ باللهجة الجزائرية _

بارت 29

ايار : روح منا
احمد : تفكري هدرتي مليح سمعتي
ايار ( عيطت عليه ) : قتلك روح منا ...

راح احمد اسامة كي شافها تعيط راح عندها و هي مرجعت تحس بوالو

اسامة : ايار ... نوضي ايار ....

رفد اسامة ايار حطها فالطونوبيل داها ديراكت لسبيطار

بعد مدة :

خرج طبيب مالشمبرة

اسامة : دكتور طمني كيفاش راهي
طبيب : مالتعب و قلة الماكلة وايضا التوتر صرالها اغماء ( لا علاقة لي بالطب ) خليوها ترتاح دوكا منبعد
اسامة : يعطيك صحة دكتور
طبيب : بشفاء عليها

.....

اسامة : لازم نقول لعايلتها يكونو تقلقو عليها نعيط لياسمين نقولها تقوللهم

حط يدو فالجيب ملقاش تيليفونو تفكر بلي خلاه فالطونوبيل حبط يجيبو و فهاذ الوقت سمع صوت تيليفون الصوت كان خارج من لافاست تاع ايار جبدو لقا هيثم يعيط

هيثم : الو ايار وين راكي مصبح و انا نعيط
اسامة : الو وي...
هيثم : شكون نتا وين راهي ختي
اسامة : انا اسامة لامي تاع ايار ... راهي فسبيطار جبتها كي تغمت
هيثم : اما سبيطار
اسامة : ¤¤¤¤¤ ..... الو .... او ....

بعد ربع ساعة :

هيثم لحق يجري لسبيطار كان اسر معاه فالوقت لي هدر معاه اسامة سما جاو كيفكيف احق للشمبرة لي فيها ايار دخل لقاها مكسلة كانت صفرا باينة عيانة راح هيثم يبوس و يعنق في ختو

هيثم : هكذا ايار تخوفيني عليك

راح اسر عندها حط يدو على راسها

اسر : كيفاش تحسي روحك
ايار : مليحة

قعدو يشوفو في بعضهم شحال منبعد اسر دور راسو باش ميمرقهاش قعد يشوف في اسامة بواحد الخزرة تقتل

هيثم : نتا هو لي هدرت معاك مقبيل ... قتلي اسمك ...
اسامة : اسامة
هيثم : يعطيك صحة خو لي جبت ايار هنا ووقفت معاها
اسامة : بلا مزيتي
اسر : اييه مقلتناش كيفاش حتى تغمت
اسامة : كان....

قطعلو هدرتو الباب كي تفتح دخلت روميسة و مراد و نور راحو يجريو عندها روميسة عينيها تنفخو مالبكاء

روميسة : ياعمري واش صرالك ... راكي مليحة
مراد : ايار راكي مليحة 
ايار : اممم ماشي حاجة تخوف دوخة برك
هيثم : برك
روميسة : ايه واش قال الطبيب
اسامة : بسبة العيا و التوتر فوق هذا راهي هاملة ماكلتها و صحتها كامل
نور : بشفاء عليك ختيتو
ايار : يسلمك
هيثم : برايي نخرجو نخليوها تريح خير

خرجو كامل منعند ايار مراد سقسا اسامة على واش صرا بضبط هو تردد فالاول مي محبش يهدر بارسكو ايار طلبت منو ميبيعش