الخادمة و الزعيم _ باللهجة الجزائرية _

بارت 27 و 28

عائلتها فرحو بزاف كملو العشاء و هما بزااف فرحانين لي راح جي عندهم خصوصا روميسة

ايار : انا نروح نجيب حوايجي
روميسة : مكلاه منبعد جيبيهم ولا عاودي شريهم

مريبونداتش عليها راحت رفدت فاليزا حطت فيها حوايجها وخرجت

جا شوفور رفدلها الفاليزا خرجها ايار راحت عنقت مونيا ؛ مونيا كانت تبكي على ايار كي راهي رايحة زادت راحت عنقت جميلة

ايار : مننساش الوقت لي جوزتو معاك جوجو و الماكلة لي تعلمتها من عندك
جميلة : تهلاي في روحك و خطرة على خطرة ارواحي زورينا
ايار : انشاءالله

خرجت ايار ركبت مع هيثم محبتش تركب مع لوخرين طريق كامل وهي غايسة يعني كان علبالها بلي مراحش تقعد في القصر حياتها كامل بصح لوكان لقات بلاصة واحد اخرى تروحلها مكانتش متقبلة عائلتها هاذي حتى تتقبل عيشة جديدة ؛ هيثم كي شافها هكذاك محبش يضغط عليها

Ayar ****

حسيت روحي غلطت كي قررت نجي نعيش معاهم مقدرتش نتقبلهم ولا باي شكل كيفاش راح نقدر نعيش وسطهم محسيتش بالطريق كامل حتى قالي هيثم رانا لحقنا
هبطت كان قصر كبير بزاف دخلت للداخل الداخل شباب الف مرة ملي يبان عليه برا

روميسة : كنت راح نوريلك الدار بصح تكوني عييتي غدوة انشاءالله يفتحها ربي ؛ ارواحي معايا لشمبرتك

طلعت موراها و نور معانا فتحت الباب و دخلت الشمبرة كانت تهببببل روز بالابيض كيما نحبها انا علبالي هيثم هو لي قالهم يديروها هكذا بارسكو هو اكثر واحد يعرفني هنا ؛ عمري ولا حلمت تكون عندي شمبرة هكذا

_ _ _ _ _ _ _ _ _ _ _ _ _ _ _ _ _ _ _ _ _ _

روميسة : يعني وجدناها في وقت قصير ؛ اذا حبيتي تبدلي اي حاجة قوليلنا
ايار : ايه ؛ صحا

راحت عندها روميسة

رومسية : بلامزيتنا هذا حقك و هذا تعويض صغير على لي جاز عليك ؛ حنا نخليوك تريحي دوكا

نور : ايار ختي اذا كشما سحقيتي قوليلي شمبرتي راهي اونفاص

دارتلها ايار براسها ايه ؛ بعد ما خرجو ايار قعدت تشوف فالشمبرة الخزانة لاكوافوز منبعد دخلت للصالدوبان عجبها بزاف راحت قدام تاقة تتفكر فلي جاز عليها منبعد تفكرت اسر

ايار : زعما مزالو مع كاميليا 😞

في الصباح : 

على غير العادة ايار اليوم مناضتش بكري كانت بزاف عيانة

ايار : اياه 9 بفف معلباليش هنا على قداش ينوضو

ناضت ايار غسلت وجهها وهبطت كي لحقت قدام صالون سمعت مراد يهدر

مراد : راح يخلصوا حق ال 21 سنة حق ماسرقو بنتي و بعدوها عليا و حق ماعانات في حياتها بسبتهم
روميسة : دير لي تحبو انا المهم بنتي راهي معايا و حاجة مراح تقدر تفرقنا عليها