الخادمة و الزعيم _ باللهجة الجزائرية _

بارت 35

ايار : افتحو .... متحشموش اهئ اهئ واش تسحقو مني

العياط تاعها حبس كي حست عبد معنقها ملور و حاط راسو فرقبتها

..... : اسكتي و حبسي متعيطي

دورت ايار راسها لقاتو ..... اسر

ايار : اسر
اسر : امم شكون راح يقدر يدير هكا من غيري

دناتو ايار و خبطتو

ايار : حمار بغل ... ديرلي هكذا قلبي قريب حبس

دنا عندها و شدها

ايار : بععد
اسر : مراحش نزيد نبعد

حط اسر راسو في راسها

اسر : واش راكي دايرا فيا يا ايار
ايار : واش درت
.....
ايار : وعلاش جبتني هنا
اسر : جبتك باش ... تعرفي شحال نحبك باش تعرفي بلي نعشقك ايار نموت عليك ❤

ايار معرفتش واش تهدر و واش دير

اسر : حبيتك تعرفي ... مراح تقولي والو
ايار : م..ممم...معلباليش
اسر : واش معلبالكش
ايار : متضغطش عليا
اسر : ايه كيما تحبي مراح نسيف عليك حتى حاجة

ايار كي ملقاتش واش تهدر قاتلو

ايار : واش رايك نوجدو الفطور
اسر : ايه

فتح اسر الباب و هبطو للكوزينة

ايار : دارك
اسر : ايه
ايار : بزاف شابة

وجدو الفطور كيفكيف و قعدو يفطرو

ايار : طاطا فريدة كيفاش راهي
اسر : راهي مليحة
ايار : اممم ... اسر كنت حابة نقولك حاجة

صونا تيليفون اسر كان فوق الطابلة شافتو بلي كاميليا

اسر : الو
كاميليا : اسر معليش نشوفك اهئ اهئ
اسر : كاميليا واش بيك
كاميليا : اسر اهئ اهئ نسحقك مرانيش مليحة كامل
اسر : وين راكي دوك نجي .... صحا

< دوك نفهمكم واش صرا كاميليا ضاربت مع والديها فرفدت حوايجها و خرجت ماشي هي مفششة بزاف الور دارتها سبة باش تلسق واسر انسان حنين و زيد عشرة بينو و بين كاميليا ميقدرش يخليها >

اسر : ايار اسمحيلي بصح لازم نروحو عندي شغل
ايار : ايه معليش 😡

راح اسر وصل ايار لدارهم و راح عند كاميليا غير لحق راحت تعنق فيه و تبكي

اسر : فهميني واشبيك
كاميليا : ( حكاتلو بلي ضاربت مع دارهم و رفدت حوايجها و خرجت )
اسر : بصح ماشي علجال بروبلام صغير تخرجي من دار
كاميليا : اسر ياك تعرفني منحبش لي يعيط عليا
اسر : واش حبيتي نقولك
كاميليا : وانا وين نقعد دوك لازم نشوف اوتال
اسر : معليش ارواحي قعدي فالقصر
كاميليا : كي راك تقول هكذا معليش

دخلت ايار للدار تاكل في روحها

روميسة : ايار
ايار : انعم ماما
روميسة : واش رايك نخرجو نشريو كيفكيف خاصيني عفايس لغير غدوة ( هيثم راح يخطب ياسمين )
ايار : ماما اسمحيلي بصح راني عيانة بزااف شوفي نور
روميسة : خلاص معليش
ايار : ياك مزعفتيش
روميسة : لالا نورمال

لحق نهار الخطبة وجدت ايار روحها و راحو خطبو ياسمين لي خرجت تهبل كانت فرحانة بزاف و هيثم ماشي اقل منها المهم جاز نهار شباب و كان بين العائلتين باسكو هيثم كان مزروب مي تفاهمو يديرو حفلة منبعد ايار فاليوم لي موراه حبت تروح تشوف مونيا و الناس لي كانت معاهم فالقصر و منها باش تشوف اسر غير لحقت سلمت عليهم كامل منبعد دخلت مع مونيا للكوزينة لي حالتها كانت عيانة

ايار : واشبيه وجهك هكذا
مونيا : ااه يا ايار ختي راح نموت بتانيب ضمير
ايار : بعيد شر عليك واش كاين
مونيا : ( حكاتلها قاع واش صرا .... )
ايار : هذا كامل صرا ... من جهة رياض يغيظ و من جهة كانت باينة بلي راح يعرف و نتي درتي جهدك باش تحبيه و مقدرتيش
مونيا : بصح عينيه للدوك راهم بين عينيا شوفة هاذيك لي شافها فيا مننساهاش
ايار : لازم تروحي تشوفيه و تفهميه و طلبي سماح منه
مونيا : باما وجه نزيد نقابلو

....

مونيا : ايه مام نتي وجهك مراهوش خير من وجهي
ايار : بففف ( حكاتلها من أ الي ي ) ............
مونيا : دوكا تزيدي تحوسي على كاميليا تاني المهم هو يحبك بصح مام هو يلومك وعلاش مقولتيلوش بلي تحبيه
ايار : معلباليش كيفاش مي تخلطت و كي كنت حنهدر عيطت لمصفارة هذيك ... المهم انا منطولش نطلع نسلم على طاطا فريدة و نروح

كانت خارجة

مونيا : اذا حبيتي تسلمي عليه راهو راقد فالشمبرة
ايار : دوك نجي نخبطك نوريلك ههه

طلعت ايار سلمت على فريدة و منااا منبعد كانت حتهبط قعدت تشوف فشمبرته عاودت ولات كانت رايحة عندو حتى

كاميليا : ايار
ايار : كاميليا !
كاميليا : شحال عندنا مشفناش بعضنا ... قصدي فالقصر
ايار : اممم 😏
كاميليا : الدنيا هاذي دوارة لبارح كنتي هنا بصفتك خدامة و اليوم وليتي بنت عمي مراد يعني .... جاتني شويةبيزار فالاول مي منبعد ...
ايار : انا مسقسيتكش كيفاش جاتك البارح و اليوم بصح مفهمتش نتي لي بصفتك واش راكي هنا
كاميليا : احم صراولي شوية ظروف لي خلاوني نبعد على دارنا و نتي تعرفي بلي انا و اسر تربطنا علاقة قوية بزاف وهو كي سمع بلي راح نروح لاوتال مخلانيش و جابني هنا

ايار حبت تسوطي عليها تقتلها حتى تحل الباب و خرج اسر

اسر : ايار راكي هنا
كاميليا : ايه جات تشوف صحبتها و دوك راهي رايحة
ايار : غير الخير راكي تحاوزي فيا
كاميليا: حاشا بصح نتي مقبيل كنتي رايحة على هذيك

ايار شافت في اسر وهو مرقلها بلي راح تطرطق

اسر : كاميليا سمحيلنا

شد يد ايار و دخلها معاه لشمبرة

هذا هو بارت نتمنى يكون عجبكم خليولي ارائكم فالبارت و توقعاتك فالاحداث الجاية
الى الملتقى انشاءالله 💚