مراد : انا بنتي اشرف منك يا سراقة الرجال
هز يدو باش يضربها شدتهالو
ايار : مزال منولدش الراجل لي يرفع يدو ليا .... مونيا هيا
خرجت ايار وهي تجر في مونيا
هيثم : ايار استناي
ايار : وشنو
هيثم : سمحيلي على لي صرا داخل
ايار : لافوت ماشي تاعك
هيثم : خليني نوصلكم
ايار : لالا صحا
هيثم : اههه يا بابا اه
دخل هيثم عندو
هيثم : نقدر نعرف واش درت مقبيل
مراد : ههه .... مراحش توقف في وجهي على جال وحدة رخيسة
هيثم : خلاص ؛ حسبتلك كامل الدنيا دراهم و مظاهر مغاضوكش زوج بنات قد بنتك تحب يديرو لنور هكذا ( نور هي اخت هيثم )
مراد ( بدا يعيط ) : هيثم هذي اول و اخر مرة لي تزيد فيها الهدرة معايا
_______________________
ناضت ايار صباح راسها يوجع وجدت روحها و خرجت راحت للقصر مع كابتها بحكم انه الويكاند
دخلت سلمت عليهم شافت مونيا سلمت عليها و راحت لخدمتها محبتش تزيد عليها بالهدرة
طلعت نقات شمبرة اسر وهبطت لقات كاميليا في الصالون
كاميليا : ايه نتي
ايار : انعم
كاميليا : جيبيلي كاس جو
ايار : سمحيلي مي خدمتي هنا هي خدمة مسيو اسر ماشي ضيوفه
كاميليا تقلقت كانت راح تعيط عليها دخل اسر
اسر : ايار ديري واش قاتلك عليه كاميليا
ايار : مس....
راحت كاميليا سلمت على اسر
كاميليا : اسر سافا
اسر : ايار هيا
جابت ايار جو لكاميليا بتغزال غير لحقت عندها دفقتو عليها
ايار : اههه مدموزال كاميليا سمحيلي ماشي بلعاني
كاميليا : متشوفيش نتيا عمياء
ايار : ارواحي نديك للصالدوبان
راحت كاميليا تغسل بالزعاف ايار بدات تضحك عليها
ايار : مدموزال خلي نجي نعاونك ...... هههه
دورت راسها شافت اسر يخزر فيها حشمت
ايار : احم مسيو انا لازم نروح نكمل شغلي
اسر : درتيها بلعاني
ايار : واش درت
اسر : مديريش النية فالهبال
دارتلو براسها لالا ؛ راح عندها
و قعد يخزر فيها وهي تاني منبعد شاف في شواربها دنا ليها وهي غمضت عينيها دخلت كاميليا
كاميليا : اس...
كي دخلت عليهم هكذا ايار خرجت تجري من صالون و كاميليا دخلت محسوب مشافت والو هو اصلا ماصرا والو مي كي شافتهم هكذاك قراب غارت
بعد مرور ثلاثة اسابيع
ناضت ايار على غير العادة تغني و توجد في كابتها اليوم يجي اسر عندو سمانة ملي سافر
كانت فرحانة لي راح تشوفو اليوم خرجت من دار تمشي والفرحة مش سايعتها كانت تمشي وتحس واحد موراها كل خطرة تدور و متلقى حتى واحد
شوية هكذا حبست منبعد دارت
ايار : بفف وعلاش راني حاسة بلي واحد راهو يتبع فيا
هي جوست دارت باش تمشي تلقى واحد قدامها
اسامة : ما غلطش احساسك
ايار : اسامة
اسامة : ايه اسامة متوحشتينيش
راح يعنقها دفعاتو
ايار : بلاك تزيد تدنى مني فهمت
اسامة : واش بيك ايار خلاص لي فات مات
ايار : ماليوم تقعد بعيد عليا ايار القديمة ماتت فهمتني
( اسامة كان صاحب ايار تمسخر بيها منبعد راح و خلاها )
راحت ايار للقصر بزربة خافت لوكان يلحقها
غير وصلت لقات اسر تما حبت تروح تسلم عليه مي جاتها عيب هكذا شوية جات كاميليا تسلم و تعنق في اسر ايار تقلقت منها بزاف راحت تبدا خدمتها و الدمعة في عينها
Ayar ****
كنت بزاف فرحانة باش نشوف اسر مفهمتش وعلاش مي في هاذ الخطرة وليت نحب نبقى بزاف قريبة منه مي كي شفت كاميليا جات عندو تعنق فيه داقتلي كملت خدمتي و غصة في قلبي كنت حابة نبكي مي مقدرتش واش دخلني فيهم اصلا لازم نبقى بعيدة كل البعد عليهم
هذا هو البارت علبالي بلي قصير مي لي بارت ماليوم انشاءالله راح يكونو قصار نحب القصة يكونو فيها اجزاء بزاف احسن من اجزاء قلال و طوال
متنساوش تخليولي ارائكم و اقتراحاتكم
الى الملتقى انشاءالله 💚
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
