بعد مرور شهر و نصف :
جاز شهر و نصف ايه شهر و نصف نحكيلكم على واش صرا كامل في هاذ الشهر و نصف
هيثم و ياسمين ولاو يحبو بعضهم و راهو حاب يخطبها في اقرب وقت يستنى برك تكمل عامها هذا فلفاك ؛ ليث ولا دايمن يجي للقصر يظل يهبل في مونيا يحب يقلقها ههه و مونيا كانت و مزالت تحبو بالنسبة لرياض ولات تتعامل معاه مليح و تقضي وقت بزاف معاه مي تعتبرو صديق مقدرتش تحبو اما البطلة تاعنا فتبدلت 180 درجة مي للاسوء شيانت بزاف وجها صفار دارولها ليسارن ولات متاكلش مليح قرايتها هملتها كامل خصوصا بعدما رفضوها في السبيطار كانت حابة تتعلم و تدي الخبرة من تما خصوصا لي حلمها تكون طبيبة ياست من الحياة ؛ الضحك و اللعب نساته نقصت من الهدرة اغلب كلامها ايه و لالا بصح كانت دايمن تحس بحنان الام لي افتقدته عند جميلة كانت تظل معاها تبكي عندها مي جامي لاحكات على مشاكلها من غير مونيا لي تعرف كلش الحاجة لي تبدلت فيها انها ولات تحب اسر بزاف بزاف كانت دايمن تحذر مونيا من ليث مي اليوم هي ولات تحب راجل تخدم عندو خدامته ؛ كان كي يطول فليل تقعد تستنى فيه مالتاقة و اذا مكلاش توجدلو ماكلته كي يخرج تقعد تشوف فتصاورو و حوايجو بصح اسر زعما يقدر يحب خدامته ؟
Ayar ***
نضت اليوم صباح بكري على صوت الشتاء فتحت الطاقة قعدت نشوف فالشتا طيح رفدت حوايجي و دخلت ندوش كي كملت قعدت نشوف روحي في المراية شحال تبدلت كيفاش كنت كيفاش وليت شينت بزاف وليت مصفارة كثر مالمصفارة تاع كاميليا دخلت للشمبرة لقيت مونيا ناضت
ايار : صباح الخير
مونيا : صباح الخير
قعدت نشف في شعري كملت ؛ روحت نبدا خدمتي عاونت طاطا جميلة وجدت القهوة و طلعت للشمبرة تاع اسر قعدت نفرز فيها حتى خرج من شمبرة تاع الحوايج room dressing
اسر : صباح الخير ايار
ايار : صباح الخير
اسر : ايار كي تكملي خدمتك ارواحي عندي للبيرو
ايار : ايه
كملت نقيت الشمبرة و هبطت للبيرو تاعو طبطبت من بعد دخلت
ايار : مسيو سحقيتني
اسر : ايه اقعدي
.....
اسر : ايار عندك شحال مراكيش تروحي للفاك
ايار : اممم مرانيش حابة
اسر : كنتي تحبي تقراي واش صرالك دوكا
ايار : ما صرا والو
اسر : داكور صحا .... روحي وجدي روحك تروحي للفاك
ايار : مرانيش حابة
اسر : هدرتي نهدرها خطرة ماشي زوج
ايار : مراحش تسيف عليا
اسر خبط البيرو بيدو و عيط عليها
اسر : ايار قلت تروحي يعني تروحي
_ _ _ _ _ _ _ _ _ _ _ _ _ _ _ _ _ _ _ _ _
عشر دقايق كانت خرجت ايار من القصر شافتو يستنى فيها فالطنوبيل تبسمت حست بفرحة كبيرة في قلبها اي جاست مليح وحتى صغير من عندو يفرحها دارلها بيدو ارواحي كملت تمشي حتى وصلت عندو فتحت الباب وقعدت مالقدام وصلها للجامعة
أنت تقرأ
الخادمة و الزعيم _ باللهجة الجزائرية _
Roman d'amourالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
