كانت خارجة شدها اسامة بيد و اليد الاخرى خبط بيها اسر ؛ اسر خزر في يدو مليح و اوب خبطو رماه على الطابلة و طاح عليه بالضرب
اسر : قتلك شحال من خطرة متلعبش معايا
كمل اسر يمشي عادي كلي ماصرا والو عاود دار
اسر : واش تسحقي انفيتاسيون باش جي
ايار رفدت ساكها وهو راح شدها و كركرها موراه
لحقو قدام طونوبيل اسر هدر مع شوفور
اسر : خلي انا نسوق
شوفور : كيما تحب مسيو
ركب اسر
اسر : اركبي
ركبت ايار ملور
اسر : راكي تشوفي فيا شوفور تاعك تركبي ملور
هبطت ايار و ركبت مالقدام
ديمارا اسر و راح للقصر كانو ساكتين بين زوج
بعد مدة :
هبط اسر مطونوبيل طلع لشمبرته و ايار هبطت بلعقل دخلت لشمبرتها قعدت في البونك معنقة رجليها و الدموع يهبطو وحدهم فسكات لي جاز عليها بزاف صعيب هكذا شوية دخلت فاتن
فاتن : ايار ؛ اسر راهو يعيطلك
دارتلها ايار ايه براسها خرجت فاتن ايار مسحت عينيها خرجت مالشمبرة شافت ليث بصح مردتش بالها طلعت ديراكت للشمبرة
طبطب 🚪🚪🚪
اسر : ادخل
ايار : مسيو سحقيتني
اسر : ادخلي
......
اسر : منين تعرفي اسامة
ايار : امي عرفتو فلفاك
اسر : بعدي عليه
ايار : وعلاش
اسر : نتي طفلة و صغيرة و اسامة نعرفو مليح مراهوش مالنوع لي تقدري تكون امي تاعو
ايار : علبالي بلي سجل تاعو ماشي مليح
اسر : انا هدرتلك في صلاحك
ايار : نعرف مصلحتي مليح مسيو
اسر : مليح دوكا تقدري تخرجي
_______________________________
هيثم : كيفاش راهي دوكا يما
نور : رقدت بكات بزاف ؛ هيثم خويا حرام عليكم تخبيو عليا بلي عندي ختي
هيثم : نور والديك لليوم متقبلوش فكرة لي ختنا ضاعت مكان حتى فايدة يهدرولك عليها
عنق هيثم ختو قعد فالفوتاي و جبد واحد الالبوم قاعدين يشوفو في تصاورهم كي كانو صغار مع والديهم مع عمومهم خوالهم
هيثم : ههه شوفي هنا ... هاذي لانيفارسار تاعك كي درتي عام تقولي لبارح برك .... بصح في عينيا تقعدي صغيرة
نور : هيثم حبس
كملو يشوفو في تصاور حتى شافو تصويرة تاع بيبية مع مراد
نور : هاذي هي ختنا ؟؟؟
هيثم : واقيلا
قعد يخزر فيها شاف سنسلة في رقبتها
هيثم ( مع روحو ) : وين شايف هاذ السنسلة وين ...
صونا تيليفون هيثم
هيثم : ياسمين سافا
ياسمين : حمدالله ؛ هيثم متلاقيتش بايار
هيثم : عندي واحد اليومين مشفتهاش وعلاش
ياسمين : ايه جوست باش نقولها بلي راح نرجعو للسبيطار غدوة انشاءالله و عيطتلها مراهيش تريبوندي
هيثم : زيدي عاوديلها اذا مريبونداتش نعيط لاسر نقولو يقوللها
ياسمين : اوكي دوك نبعتلها ميساج بلاك تشوفو كي تفتح
هيثم : ياسمين
ياسمين : امم
هيثم : انا مراحش نجي غدوة انشاءالله للسبيطار يما شوية عيانة قلت نقعد معاها الصباح
ياسمين : ااا بشفاء عليها
هيثم : يسلمك قلت اذا ماعندك والو غدوة عشية نخرجو
ياسمين : اه اممم ايه معندي والو
هيثم : ايه خلاص مالا غدوة انشاءالله
كمل هيثم دور راسو شاف نور تخزر فيه و تتبسم
هيثم : واش
نور : اهيه شكون هاذي ياسمين
هيثم : واش دخلك
نور : سفسيت باسكو انا ختك جامي خرجتني و هي ...
هيثم ( ناض ) : خلاص بلعي سماطتي
نور : ههه وين رايح
في اليوم التالي :
ناضت ايار رفدت تيليفونها و شعلتو لحقوها ليزابال و ميساج من عند ياسمين قراتو و ريبونداتلها ب ok
ناضت لبست ووجدت روحها لحقت للسبيطار غير دخلت شافت طبيب المسؤول عليهم
ايار : صباح الخير دكتور
الطبيب : صباح نور ايار
ايار : سمحلي دوكتور لازم نروح
الطبيب : اا...ايار اممم متقدريش تكملي دورة تاعك هنا
ايار : كيفاش قاتلي ياسمين بلي راح نكملو نتدربو هنا
الطبيب : سمحيلي بصح .... متقدريش نتمنى تفهميني
ايار : فهمت اوامر تاع مراد ¤¤¤¤
هبط الطبيب عينيه و سكت و ايار خرجت .....
يتبع ....
هذا هو البارت نتمنى يكون عجبكم
خليولي ارائكم فالبارت
اذا لقيت تفاعل نزيدلك بارت ولا زوج عشية انشاءالله
الى الملتقى انشاءالله 💚
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
