Jonah's Luvoratory (COMPLETED)

Capitulo 7

Nakailang doorbell na ako sa unit ni Mr. Jang pero walang sumasagot o nag bubukas man lang. Nakakapanibago. Pero di rin alintana sa'kin na kanina pa nakatingin sa direksyon ko si Jonah kaya naaasiwa ako.

"Let's go Amber. Seems like he's still sleeping or maybe he went out."
"Imposible. Alam niyang pupunta ako. Kahit lasing o antok yun pinagbubuksan ako nun. Di rin 'yun umaalis hangga't di ko nakukuha ang kotse niya."
"Fine."

Did he just rolled his eyes on me? Kailang pa natuto 'to ng ganiyan? Nakita kong kinuha niya ang cellphone niya habang nag aantay sa'kin. Ako naman pinag patuloy ang pag do-doorbell.

"Hi Jonah."
"Hi Cassandra."

Tiningnan ko kung sino ang bumati kay Jonah. Maiksi lang ang buhok niya, pixie cut at mukhang isang boss sa isang kumpanya. Dagdag mo pang maganda siya, maganda rin ang tindig at hubog ng katawan na halatang alaga ng gym at matangkad pa, halos abot tenga siya ni Jonah, si Jonah kasi 6'0. Hindi ko tuloy maiwasang maging conscious sa sarili ko.

"What are you doing in Mr. Jang's unit?"
"Sinamahan ko lang girlfriend ko. She needs to talk to Mr. Jang."

Girlfriend?

"Overprotective huh?"

Ngumiti siya ng makahulugan sa'ming dalawa. Mag sasalita sana ako pero nag salitang muli si Cassandra na pareho naming ikinagulat ni Jonah.

"Well, you won't see Mr. Jang anymore."
"Why?"
"We rushed him this morning to the hospital but unfortunately dead on arrival na siya. My team will be checking his unit later to find evidences regarding the illegal drugs. Baka makahanap rin kami ng lead kung saan nanggagaling yung supplies and who runs the laboratory."

Napatakip ako ng bibig sa nalaman. Kausap ko lang kahapon si Mr. Jang tapos ngayon wala na siya? Agad namang lumapit sa'kin si Jonah at hinawakan niya ako sa magkabilang balikat.

"Anyway, you mentioned your girlfriend needs to talk to Mr. Jang? If you don't mind me asking are you related to Mr. Jang?"

Tiningnan ako ni Cassandra. Iniimbestigahan niya ba ako? Naramdaman kong pinisil ni Jonah ang balikat ko kaya tiningnan ko siya. He nods at me giving me an assurance that it's okay to speak and I shouldn't be afraid.

"Grab driver po ako. Ako lang po ang nag mamaneho ng sasakyan niya."
"I see. Would you mind me asking you few questions?"

Kinakabahan ako. Wala naman akong alam sa pagkaka sangkot sa drugs ni Mr. Jang. I swear. Napansin ata ni Jonah na pinagpapawisan ako kaya naman nag salita siya.

"If you'll ask her then ask her in my unit. She's not feeling well as you can see."
"Right. Don't worry Miss, it won't take long. Take a deep breath, I won't bite you."

Ngumiti si Cassandra sa'kin. Ngumiti rin ako ng konti pero hindi pa rin naaalis ang kaba sa'king dibdib. First time ko 'to eh.

"Let's go back to my unit then."

Hinawakan ni Jonah ang kamay ko pabalik sa unit niya habang naka sunod namam si Cassandra sa likod namin. Pagkarating namin ay pinaupo niya muna ako sa couch at umalis. Naupo naman sa single sofa si Cassandra. Hindi rin nag tagal ay bumalik si Jonah may dalang tubig at kape. Inabot niya agad sa'kin ang tubig.

"Drink."

Sinunod ko naman siya. Mukhang nauhaw ako at naubos ko ang tubig kahit di ako mahilig sa tubig. Nang napansin niyang okay na ako ay tumabi siya sa'kin.

"I'm sorry if I have to do this. Part of my job."
"Okay lang po."
"Anyway, I'm Detective Cassandra Almazena. And you are?"
"Amber po. Amber Rose De Jesus."
"Nice to meet you. So shall we start?"