Jonah's Luvoratory (COMPLETED)

Capitulo 25

After 4 months..

Katatapos ko palang maligo ng mapansin kong may nakapatong na bouquet of roses sa kama ko.

"Hmp! Kung akala niya madadala niya ako sa pa flowers pwes hindi."

Hindi ko ito pinansin at dumiretso ako sa walk-in closet para mag bihis. Habang nag bibihis ay hindi ko maiwasan mapansin ang pag babago sa katawan ko lalo na ang medyo pag lapad ng baywang ko.

Four months ago after akong i-recommend ni Dra. De Dios sa kakilala niyang OB/GYN ay nakumpirma namin ni Jonah na buntis na nga ako. Gulat at may halong kaba ang naramdaman ko nung una. Syempre, for a first time mom ayaw mong may mangyari sa baby lalo na't sariwa pa sa isip ko noon ang nalaman ko tungkol kay Trinity. Inalala ko rin na baka hindi pa ready si Jonah emotionally.

Subalit ng tiningnan ko si Jonah ay nakangiti ito. Hindi lang ngiti, tuwang tuwa siya sa sinabi ng doktora kaya naman naka hinga ako ng maayos at ngumiti na rin sakaniya. Naging maayos ang first trimester ko, wala naman talaga akong pinag lihian na pagkain although lumaki ang appetite ko. Kung meron man akong pinag lihian ay si Jonah. Kaya pala tuwang tuwa ako pag nakikita siya. Nang sinabi ko sakaniya 'yun ay umuwi na siya sa bahay at pumapasok lang siya sa opisina kapag kailangan kaya naman naging work from home ang set up niya. Kahit busy siya sa trabaho ay hindi niya ako pinapabayaan at siya rin mismo ang nag aalaga sa'kin. Ngayon ko lang napansin na napaka strikto pala niya to the point na makalimutan ko nga lang uminom ng gatas pinapagalitan niya na ako.

Sinabi na rin namin sa pamilya ko ang kalagayan ko. Syempre nagulat din sila sa balita namin pero inassure ni Jonah na nasa mabuting kalagayan ako. Naalala ko pa nga ang sinabi niya sa mga magulang ko..

"Siya po ang nag silbing lakas ko ng lugmok na lugmok po ako sa UK. Ngayong ako naman ang kailangan niya, makakaasa po kayo na hindi ko po siya pababayaan. Kung wala nga lang pong pandemya ngayon, ngayon po mismo pakakasalan ko na po si Amber. I'm so in love with your daughter Mr. and Mrs. De Jesus and I am so ready to start another chapter of my life with her and our child."

Pareho pa kami noon ni mama nag iyakan at kalaunan ay natanggap na rin nila ang sitwasyon lalo na si Jonah. Nasa edad na raw kami at masaya sila na magkaka apo na raw sila pero ang pinaka bilin nila ay umuwi kami sa probinsya kapag okay na ang kalagayan ng bansa.

"Let's see. Ano kayang susuotin ko ngayon."

Habang pumipili ay napansin ko ang floral dress na sinuot ko matapos ng unang beses akong inangkin ni Jonah. Bigla tuloy may pumasok na kapilyahan sa utak ko kaya napag desisyonan kong isuot 'yun. Pag katapos kong makapag ayos ng buhok ay nag lagay ako ng konting make-up at pang huli ay ang pag spray ng pabango. Nang satisfied na ako sa itsura ko ay ngumiti ako.

"Revenge time."

Umuwi kasi siya kagabi ng lasing. Ang sabi ni Owen, bodyguard slash driver niya, may nangyari raw sa opisina na maganda kaya naman nag celebrate sila. Pauwi na sana si Jonah pero pinigilan siya ni Gloryvale kaya bukod sa hindi siya nakauwi sa napagkasunduan naming curfew niya, maliban sa curfew ng gobyerno, naparami pa siya ng inom.

Pagkalabas ko ng kwarto ay saktong labas din ni Jonah sa kwarto niya. Nagkatitigan pa kami at agad kong napansin ang mga mata niyang nag lakbay mula ulo hanggang paa ko hanggang sa bumalik ulit ito sa balikat at dibdib ko. Halos mangiti-ngiti na ako dahil nag tatagumpay ang plano ko pero agad akong umiwas at bumaba. Hindi man siya nag salita pero ramdam ko na nakasunod siya sa'kin.

Pagkababa namin ay rinig na rinig ko ang pagkanta ni Maya mula sa salas.

"Pag tumingin ka, akin ka.. "

Nakita ko na abala siya sa pag pupunas ng centre table habang nakasuot ng earphones. Hindi niya ata kami napansin dahil tuloy tuloy lang siya sa ginagawa niya habang sumasayaw sayaw pa ng konti kaya naman nag punta nalamang ako ng kusina. Gusto kong uminom ng malamig na softdrinks pero laking dismaya ko nalamang ng walang softdrinks sa ref.