Jonah's Luvoratory (COMPLETED)

Capitulo 15

Alas sinko palang ng umaga pero nakapag ayos na ako ng sarili at handa ng bumaba. Napag desisyunan kong tumulong sa pag luluto ng agahan namin ngayon dahil ilang araw na rin na wala akong ginagawa rito bukod sa panunuod ng KDrama at mag laro ng mobile games. Tinangka ko sanang mag linis ng swimming pool o mag dilig ng halaman pero palagi akong nadadakip nila Aling Mylene, Maya o kaya ni Mang Errol na hardinero ni Jonah. Trabaho raw nila 'yon at baka mapag sabihan sila ni Jonah pag nakita o nalamang nag lilinis ako. Napa iling nalamang ako sakanila. Kailangan kong makausap si Jonah tungkol dito pero palagi naman siyang wala at gabi lang kami kung mag kita. Minsan hindi rin kami sabay kung mag dinner dahil late na siya kung umuwi. Of course, hindi ako nag tatampo. Although may nangyari sa'min hindi ibig sabihin nun may karapatan akong mag tampo o mang himasok sa buhay niya. Wala na nga kami diba. Hmp!

Pagkababa ko ay dumiretso ako ng dining room. Hindi pa man ako nakakapasok ay rinig ko ng may nag uusap sa loob.

"Do we really have to do this?"

Naabutan ko si Aling Mylene na inaayos ang kubyertos sa mesa samantalang nasa kabisera naman nakaupo si Jonah at nandito rin pala si Gloryvale. Nang mapansin nila ang presensya ko ay agad nilang ibinaling ang atensyon nila sa'kin kaya naman hindi ko maiwasang mahiya.

"Hey Amber. You look beautiful early in the morning."

Ngumiti sa'kin si Gloryvale kaya naman napangiti na rin ako sakaniya at nag pasalamat sabay bati na rin ng magandang umaga.

"Hindi lang siya maganda sa umaga, all day. Everyday. Tsk!"

Inirapan ako ni Jonah sabay higop sa kape niya. Aba, loko 'to ah. Irapan ba naman ako. Ang sungit. Kaya inirapan ko rin siya.

"Aling Mylene, tutulong po ako sa pag luluto."
"Huwag na Ma'am Amber. Ako ng bahala rito. Anong gusto mong inumin?"
"Pero Aling Mylene.."

Oo nga pala, andito kasi ang masungit nilang amo. Kakausapin ko na nga 'to tutal nandito na rin siya.

"Hoy Jonah!"

Tiningnan niya ako't pinagtaasan ng kilay. Si Gloryvale naman tahimik lamang na nagpalipat-lipat ng tingin sa'min.

"What Amber?"
"Gusto kong tumulong dito sa bahay."
"Huh? What do you mean?"
"Hindi ako makapag linis, o makapag laba, o makapag luto na palagi ko naman dating ginagawa dahil baka mapagalitan mo sila Aling Mylene."
"You don't need to do that."
"At bakit?"
"Kasi kaya na nila Manang Mylene 'yan."
"Hindi ako sanay Jonah."
"Then get used to it."
"'Yun na nga lang ehersisyo ko pag babawalan mo pa ako? Tumataba na ako."
"I don't mind if you get fat."

"Me too. You're still beautiful Amber."
"Shut up Gloryvale!"

Tumawa si Gloryvale habang napainom na naman ng kape si Jonah. Okay lang naman sa'kin ang tumaba actually, ang kaso nga lang eh sa trabaho ko as bartender, required sa bar namin ang maging physically fit. Sa lockdown ba naman na 'to syempre hindi maiiwasang dumagdag ang timbang natin kaya gusto ko may ginagawa pa rin ako.

"You want to do something? Fine. Get us some coffee then."
"I'll go with you Amber."
"Stay here Gloryvale."

Tumayo siya't pinigilan ang kaniyang kaibigan at inabot sa'kin ang tasa nila. Kinuha ko naman ito at tinalikuran siya kaagad sabay martsa papuntang kusina.

"Sungit!"
"I heard that."

Ang hina na nga ng boses ko narinig pa niya. Ano siya? May jedi powers? Psh. Pagpasok ko ng kusina agad kong nakita si Maya na umiinom ng gatas niya samantalang si Aling Mylene ay abala sa pag luluto.

"Good morning Ate Amber."
"Good morning din Maya."

Pumunta ako sa counter island kung saan nakapatong ang coffee maker saka nag salin sa dalawang tasa.