إن الله وملائكته يصلون على النبي،، ياإيها الذين أمنوا صلوا عليه وسلموا تسليما..
---------------
لرب نازلة يضيق بها الفتى ذرعاً، وعند الله منها المخرج..
ضاقت ولما ولما أستحكمت حلقاتها فرجت.. وكنت أظنها لا تفرج...
(أم معاذ)
صنعاء 11 ظهراً
أعطت جوالها لناديه وبهدوء/أتصلي على جوري يا بنتي وخليني أشوفها.
ناديه بإبتسامة/عادك كلمتيها الفجر يمه.. مسرع فقدتيها.
حطت كاسة قهوة القشر من يدها وبشرح/ أشتي أطمن كيف حلت في الأختبار..
ناديه/لاتخافي عليها أنتي داريه إنها شاطره..
دخل صالح وباس رأس جدته وأمه/السلام عليكم.
أم معاذ وناديه/وعليكم السلام ورحمة الله وبركاته.
صالح/من الشاطره؟
ناديه بنظرة/حبيبتك..
صالح بضحكة/أنفداها والله حبيبتي.. أصلاً مافي منها.
طالعت أم معاذ في نادية الغيرانه وبإبتسامة/ياقلة عقلك بس..ماتبطلي حقك الهباله.
ناديه بضيق/يمه شوفي كيف بيتكلم عنها..والله لو إنها مرته مايجلس يكلمها كذا.
أم معاذ/هم كذا من زمان أيش اللي تغير.
ضربته ناديه على كتفه وبقهر/يمه بيكلمها أكثر مايكلمني ولهم كم يوم مدري أيش بينهم..كل ما دخلت وهويكلمها يغير كلامه علشان ما أعرف أيش بيقولوا.
كتفها صالح بين أيديه وباس خدها وبضحكة/انفداها اللي تغير عليا من عمتي..أنتي بعقلك عد أحبها أكثر منك يانونو..أنتي متربعة في القلب،لكن هي غير وبيننا أسرار .
فك أمه وطلع جواله وأتصل عليها وفك الإسبيكر وبمزح/يامرحبا بحبيبتي وعمري.. آآآآآي يمه أصبري..
جوري بضحكة/السلام عليكم..ناديه حلي عن صلوحي بيجيه إرتجاج من كثر ماتضربيه في رأسه..
ناديه بإبتسامة/وعليكم السلام..خليه يمكن ينساكي شويه وينتبه لي..
أم معاذ/بشري يا روحي،كيف الأختبار.
جوري/الحمدلله تمام يا نور عيوني..أنتي بس لاتنسيني من دعاكي.
صالح/شوفي لك حل مع مرة أخوكي هذي.. أخاف تصادر جوالي بسببك.
جوري بضحكة/ماتسويها حبيبة معاذ .. مايهون عليها تحرمني منك..صح نونو.
نادية بتنهيدة/خلاص مادام ذكرتي الغالي.. الله يصبرني عليكم بس.
أم معاذ/ماقلك معاذ متى بيحجز لي..
جوري/يمه قلت له يأجل الحجز لرمضان علشان تجي تعتمري ونرجع سوا بإذن الله.
أم معاذ/والله أنتوا مدري مالكم بتماطلوني في السفرة هذي،حاسه فيكي حاجه .
جوري بضحكة/أقول ياجنتي وناري، لا تتفرجي كونان مع العيال وتجي تطبقي عليا..مافيني إلا العافية..أنتي أرتاحي بس ياقلبي،والله يجمعنا على خير.
واصلوا كلامهم وسط تعصيب ناديه اللي طفشوها صالح وجوري بحركاتهم لين قفلوا معاها..
(سند)
الرياض 4 فجراً
صحي مفزوع وهو يصرخ بأسمها كعادته كل ما حلم بنفس الكابوس اللي مافارقه من خمس سنوات.. كانت دقات قلبه متسارعه بشكل كبير كما لو كان متسلق جبل ماله نهاية..حرارته مرتفعة وجسمة يفرز العرق بشكل مو طبيعي وحاس بثقل غريب جاثم على صدره، جلس عالسرير الضخم وهو ويتمتم بأيات قرآنية لعلها تهدى خفقان قلبه وتنفسه المضطرب..وبعد دقائق أخذ أول نفس ليه بهدوء نسبي وبيد مرتجفه مسح دمعه فلتت من أسوار عيونه شديدة السواد.. وقف قدام المرايه وماعليه غير بوكسر قصير باللون الأسود أتناقض بشدة مع طوله المهيب اللي يقارب 180سنتيمتر ،طالع في وجهه للحظات قبل ماتمتد أصابعه وتلمس الجرح الساكن في طرف حاجبة الأيمن بإرتجاف بسيط وبهمس/ماهو عدل إني أطلع بذا الجرح وأنتي تغيبي للأبد ياسمر..
غمض عيونه وذكريات الحادث اللي حرمه من حبيبة طفولته وزوجته يمر قدامه بدون رحمة..كانوا راجعين من حفلة عيد ميلاد وحدة من صديقات بتول بعد ما تجاوزت الساعة 11 الليل ،كانت بتول نايمة عالكرسي الخلفي بعد ماحكت له أحداث الحفلة للمرة العاشرة بكل حماس،مسك يد سمر وباسها بحب وشوق/أشتقت لك حيل ياقلبي،ما صارت حفلة.
قربت منه وباسته على خده بقوة بدون أهتمام بوجودهم في شارع عام وبدلع/وأنا بعد أشتقت لك بيبي..
أخذ نفس يتمالك نفسه من لمستها اللي تلخبط كيانه وأشر لها تغطي وجهها بحركة من يده خلتها تزفر بضيق/بيبي لاتصير معقد..السيارة مظلله وحنا ماشيين ،مين اللي بينتبه إذا كنت كاشفه.
أتنهد وهو يتأمل وجهها الفاتن بمكياجها الكامل والمتقن وخصلات شعرها المجعدة باللون الأحمر الناري ذي المرة وأظافرها الطويلة والمصبوغة بعناية، وبهدوء/مايكفي أنا أنتبه لذا الشيئ؟ حبيبتي أنا إنسان غيور وما أحب أحد يتفرج على أملاكي الخاصة!
عقدت أيديها على صدرها وبغرور/ومن قال إني من أملاكك..أنا ملك نفسي وبس..
طالع فيها بنظرة تهديد/متأكدة من كلامك؟
إبتسمت بدلال تعرف تأثيرة عليه ومررت أصابعها على ذراعه العاري بحركة مدروسة وبدلع/أأممممم..مو مررره إذا وصلت البيت أقرر.
إبتسم وباس يدها ،وبمكر /بحركاتك ذي مارح نوصل البيت ممكن نروح الفندق لإنه أقرب،أيش رأيك حبيبتي .
قبل ما ترد عليه لقي نفسه بيخرج من مساره للمسار المعاكس بعد ما فاجأته سيارة مسرعة من الخلف صدمته وزاحته عن طريقها،حاول يسيطر عالسيارة ويتفادى السيارات اللي صارت في مواجهته في محاولة فاشلة قبل ماتظلم الدنيا في عينه ويفقد الوعي..
