السلام عليكم ورحمة الله وبركاته
صباحكم عفو وعافيه ورضا من الرحمن..
صباح جميل كجمال أرواحكم الرائعه ياأحلى متابعين، ويارب تكونوا جميعا بخير وصحه وين ماتكونوا.. وبتمنى تكون معنوياتكم مرتفعه ومشاعركم إيجابيه وإن شاء الله تظلوا متحفظين بتفائلكم بغض النظر عن الحاله اللي بنمر فيها حالياً واللي بتستلزم منا الصبر والهدوء وعدم الهلع والتذمر بسبب الإجراءات الوقائية اللي فرضت عالكل، بل بالعكس لازم نلتزم الحذر ومانستهون بالموضوع ونساهم في تثقيف أولادنا وأفراد أسرتنا وننشر الوعي بينهم بخصوص الوباء وطرق الوقاية منه للمساهمه في الحد من إنتشاره وثم السيطرة عليه بإذن الله..
نجي للرواية واللي قد نوهت قبل كذا لأكثر من مرة إنها طوووووووويلة…
لانها بتحكي عن فترات واحداث متفاوته لابطالنا لذلك قسمتها لجزئين، الجزء الأول اللي اتناول أحداث مرت على جوري وسند وعرفتنا على حكايتهم وشخصياتهم اللي اتأثرت بكل اللي مروا فيه في حياتهم لين مااتقاطعت طرقهم واتقابلوا في النهاية..
أما الجزء الثاني فهو بداية قصتهم مع بعض وكيفية تعاملهم مع واقع زواجهم والأحداث اللي هيمروا بيها علشان يأسسوا حياتهم ويوصلوا للي بيتمنوه ..
وهرجع اعيد وأذكر وأشرح بإن الرواية مكتوبة بطريقة (الفلاش باك) يعني بتحكي فترات واحداث متفاوته زمنيا بتأخذ وقت كبير في ترتيبها وصياغتها وذا اللي بعمله لما اكتب البارت في الجهاز غير إني بعيد قراءة النص وبعدل فيه اكثر من مره يعني كإني بكتب البارت من اول وجديد لذلك البارت بيتطلب مني مجهود ووقت طويل اكثر مما تتخيلوا !
يعني مو معنى إنها مكتوبه إنها سهله في النقل، الشغله مو نسخ ولصق زي ماانتوا مفكرين!
وأنا إنسانه عندي حياة والتزامات مااقدر الغيها علشان اتفرغ لتنزيل الرواية بشكل اسرع..
أولا هكون بظلم الرواية وأنزل من محتواها وقيمتها بشكل مايرضيني..
وثانياً هظلم نفسي وعيلتي اللي هتتأثر من تقصيري معاهم بسبب إنشغالي عنهم بالرواية..
يعني لا هوا من باب عدم الاهتمام ولا عدم الاحترام للمتابعين زي ماالبعض اتهمني لكنها مجرد ظروف بتمر بكل إنسان ..
لذلك بتمنى منكم تفهموا وضعي وتعذروني على تأخيري في التنزيل الغير متعمد، وبطلب منكم بكل الحب إنكم تصبروا عليا وتتحملوا تأخيري علشان اطرح الرواية بشكل يرضيني ويرضي ذوقكم كقراء لهم ذائقة أدبية راقية.
وأنا بوعدكم ياجميلات إني هحاول قدر المستطاع انزل البارتات في أقرب فرصة بما في ذلك البارت القادم بإذن الله..
لذلك حتى نلتقي التزموا بيوتكم واتبعوا إجراءات الوقاية والسلامة المتبعة وأكثروا من الإستغفار والصلاة على النبي ودمتم في حفظ الله ورعايته..
دمتم لي ولأحبتكم بخير
أختكم /خياله
