"كَانَ أَكْثَرُ دُعَاءِ النَبِيِّ : اللَّهُمَّ رَبَّنَا آتِنَا فِي الدُّنْيَا حَسَنَةً، وَفِي الآخِرَةِ حَسَنَةً، وَقِنَا عَذَابَ النَّارِ" متفق عليه من حديث أنس رضي الله عنه
~~~~~~~
ضع يدك في يد الذين يمنحونك الحب في كل الظروف , أولئك الذين يتحملون مزاجك السيء وتقلبات الأيام ! هم من يحبونك بصدق...
(ساره)
الرياض ،قبل الفطور
باسها بشوق وضمها لصدره/أشتقت لك يا قلبي.
باسته بسرعة وفكت نفسها منه، وبدلع/صووم،أنت ماعندك وسط،في الأول كنت بارد والكلمة ما تطلع منك والحين ما تقدر تسكت أبد سعودي.
طالع فيها بنص عين وبملل/ذي مشكلتكم يالحريم،مايعجبكم العجب وش نسوي يالرجال علشان ترضوا علينا.
ساره بضحكة/ياكبرها عند ربي،نرضى مره وحده..الحين أنت ربي هداك وصرت رومانسي ويازينك قمت تحسب كل الرجال مثلك.
جلست جنبه عالكنبه وحطت رأسه علغŒ كتفه وبحب/أنت ما في منك في كل الدنيا لإنك حبيبي أنا وبس.
ضمها بقوة وبهدوء/ ما قلت لك اليوم إني أحبك.
هزت رأسها وبدلع/بس مرتين ياظالم.
ضحك براحة/بس، أنا مدري كيف كنت عايش بدونك،والله كانت حالتي حاله.
اتنهدت بآسى/مايحتاج تقول كله شوفة عيني،المهم الحين كيف صرت،وأنا بعد حياتي من غيرك كانت بارده ومالها طعم الله لا يغير علينا.
سعد بجدية/المهم ترغŒ حولت لك الفلوس وزدت عليهم.
نطت بسرعة وبفرح/مشكور حبيبي والله يعوض عليك،يلا روح بدل وجيب عبودي معك وتعال ما بقي شيئ عالآذان.
راح وهي مسكت جوالها وبمرح/السلام عليكم..كيفك لولو.
لبنى بتعب/وعليكم السلام والرحمة..هلا كيفك يا قلبي.
ساره/الحمد لله،وش فيه صوتك كذا.. سلامات.
لبنى/الله يسلمك،شوية إرهاق تعرفي آخر رمضان تعب كل الشهر يطلع فجأة.
ساره بأسف/ماتشوفي شر حبيبتي،خلاص ارتاحي وأشربي حاجات دافيه.
لبنى بضحكة خفيفة/دوبها جوجو موصيتني لاتشيلوا هم،بسيطه.
ساره/المهم الفلوس اتحولت وعليها زياده عاد أنتي شوفي شغلك ولو إنك تعبانه بس معليش كله بأجره.
لبنى/حلوه الزياده،تعرفي عيد ومصاريفه كثيره يعني بتنفع ،كمان جوجو والبنات اعطوني حقهم، وإن شاء الله بوزعها اليوم بعد الفطور.
ساره/خلاص حبيبتي الله يعطيكي العافية المهم لاتتعبي نفسك في أمان الله.
لبنى/مع السلامة.
جلس سعد ومعاه عبدالله يلعب معاه وبهدوء/حبيت فكرتكم وعرضتها للشباب وكلهم اتحمسوا ووافقوا،وأمس جابوا قائمة بالأسر اللي يعرفوهم ومحتاجين وقسمنا نفسنا وكل مجموعة مسكت ثلاث عوايل..ومن ذا الشهر رح نطبق ذا النظام.
ساره بحماس/مرررره حلو، على كذا بتساعدوا كثير ناس محتاجين،الله يتقبل منكم ويجعلها في ميزان حسناتكم يارب،المهم السرية التامة زي ما قلت لك.
سعد/وانتوا كيف كنتوا تصرفوا الفلوس في جده.
ساره بحزن/في جده ناس محتاجين بالهبل ومانقدر نساعد الكل،بس وقتها قلنا نشوف القريبين في الحارة اللي نعرفهم ونعرف أوضاعهم..بس يا قلبي تقدر تقول جمعنا معلومات وسوينا تصفيات لأكثر ثلاث أسر محتاجة وصار ينصرف لهم راتب شهري ثابت وبيكون قابل للزياده حسب قدرتنا كل شهر.
سعد/ومحد يدري عنكم،يعني الأسر ذي كيف تستلم الفلوس.
ساره بضحكة/في البداية كنا نستجوبهم بطريقة غير مباشرة ونعرف من اللي يفك الأبواب وكل شخص متى يكون موجود في البيت وإذا لقوا شيئ من يعطوه في بيتهم وزي كذا ..سوينا أفلام هندية..بس ففي ناس نحط لهم الظرف من تحت الباب وناس تتسلم ليدها بس مايدروا حنا مين نحطها ونمشي..وطبعاً كل وحده قالت لأهلها الفكره علشان هم يقولوا لغيرهم والكل يقدر يساعد مثل ما حصل معك ومع اللي معاك بالدوام.
باس يدها وبفخر/من الغبي اللي قال إن البنت لاصارت جميلة تصير غبية..شكله ماكان يعرفك ولا ما كان قال كذا.
ضحكت بفرح والآذان ينتشر ويصدح في السماء ودعت إن الله يسعدهم ويحفظه لها من كل شر.
