وقال صلى الله عليه وآله وسلم :-'من صلى على حين يصبح عشرا وحين يمسى
عشرا أدركته شفاعتي يوم القيامة
~~~~~~~~~~
وجمال الروح يظهر في أن نُحب أُناساً ولم نراهم بأعيننا..بل بقلوبنا رأيناهم..بحسن أخلاقهم وأفعالهم [♥]
الرياض،7صباحاً
دخل وسلم عليهم قبل ما يجلس عالأرض جنب جده ويبوس رأسه وبهدوء/كيف أصبحت يالغالي.
الجد/بخير ونعمه نحمد الله عالعافيه،أنت كيف أمورك..سمعت إنك بتسافر بأبو بدر !!
أبتسم لجدته اللي مدت له فنجان القهوة/سلمتي يمه..أموري زينه الحمد لله ،وحليت السالفة مؤقتاً وبعد الملكة بسافر.
الجده بحنان/زين ماتسوي ياوليدي، أختك يوم درت إنك بتسافر ضاق صدرها وبكت ليش إنك بتخليها وتروح يوم ملكتها.
شرب قهوة ببطء وهو يطالع في الفراغ/وهذاني أجلت وبعدين بمرها وأعطيها هديتها وبتنسى السالفه وتستانس.
الجد بنبره قويه/هي موبمحتاجه هداياك، هي تبي أخوها سندها يكون جنبها وترفع رأسها فيه قدام رجلها.
سند بهدوء/إن شاء الله يبه،وأنت وأبوي وأعمامي وين رحتوا أنتوا الخير والبركه.
الجده/بنيتك موبعاجبتني يمه،تكلم معاه وخلها تنزل وتشوف باقي البنات،ما عاد شافوا يمكن لو قابلوها بمكان مايعرفوها.
سند بجديه/يمه واللي يسلمك خلوها على راحتها ولاتضغطوا عليها،ترى اللي فيها كافيهاومتى ماحبت تقابلهم بتلقوها عندكم.
الجد/ولمتى بتم أنت وهي على هالحال.
سند ببرود/وش فيه حالنا يالغالي،ماأظن شكينا من شيئ.
طالع فيه الجد بعصبيه/أنا موبأعمى ولامدمغ ياسند،لو إنكم تشكون كان أرتحتوا وريحتوا بدل حركاتكم الماسخه ذي،هي حابسه عمرها بين أربع اطوف وماتبي تقابل أحد، وأنت ذابح عمرك بذا الشغل اللي مايخلص ومنت سائل عن عيالك.
أخذ نفس بعمق قبل ما يرد بهدوء/عيالي موقاصرهم شيئ والحمد لله وأنا قاعد أسوي لهم اللي أقدر عليه..وش تبيني أسوي بعد ، أترك شغلي وأقعد بالبيت ويدي على خدي وأجابلهم مثل هالحريم!!
طالعت الجده في زوجها برجاء قبل ماتمسك يد سند بحنان/كلنا ندري إنك مو مقصر عليهم، بس يمه عيالك فاقدينك..أقعد معاهم شوي وخذ مابخاطرهم..شوف بدر وأقعد معاه..تكلم وألعب معاه حاله حال باقي عيالنا..ولدك مابينك وبينه غير السلام، ما يصير يمه.
الجد بحده/ولدك ما يعرف يسوي شيئ مثل باقي العيال..أقعد معه وعلمه عالخيل وذا الدبابات حقهم وباقي خرابيطهم، كود تفتك عقدته ويرضى يقعد معاهم.
سند بهدوء/الأحسن يلتفت لدروسه بدل اللعب اللي مامنه فايده،وش بستفيد لا كسر يد ولارجل،كذا بيكون بإمان،وش يبي باللعب تراه رجال ماهو بزر.
الجد بغضب/خله يتكسر وبيرد يتعافى.. وشلون بيصير رجال وأنت مانعه من كل شيئ.
وقف ببرود علشان ينهي النقاش اللي مو عاجبه وباس رأس جده وجدته وبجمود/يصير خير..أنت لا تشغل بالك بالغالي وما يصير خاطرك إلا طيب.
وطلع بسرعه من غير مايعطيهم فرصه للرد..
(خوله)
دخلت بيتهم بعد الظهر وهي سانده أمها وسدحتها على سريرها بشويش وبحنان/الحمدلله على سلامتك ياقلبي..أنتي نامي شويه لحد ماجهز الغداء.
مسكت يدها ووببكى/سامحيني ياخوله ماشفتي مني غير التعب يابنتي.
باست يدها وبزعل/أمي ماله داعي دا الكلام الله يهديكي.
أم خوله/مو هذا الصدق،كل كم يوم وأنا ساحبتك معايا للمستشفى علشان الغسيل غير الدواء الغالي ومصاريف البيت وأخوانك..
خوله بإبتسامه/أفا ياأم رشيد..أنا بكرك وأول فرحتك وذا واجبي..نسيتي الليالي اللي كنتي ما تعرفي فيها النوم وأنتي عالمكينه.. ولا حرارة الفرن اللي أستحملتيها بالساعات وأنتي تطبخي لأهل الحارة.. دحين جاء دوري أخد مكانك ولا شايفتني مو قد المسؤولية.
أم خوله/الله يسامح اللي كان السبب.
خوله بتنهيده/خلاص يا أمي اللي راح راح، والحمد لله أهل الحارة صاروا يعرفوا شغلي ويحبوه وبيجوني زباين يدفعوا كويس،غير الفلوس اللي بتجينا من الضمان كل أخر شهر .
دخلت أختها رحمه وبرجاء/خوله ياللا جيعانه،حطي الأكل.
وقفت بسرعه وبمرح /نص ساعه والأكل يجهز حبيبتي.
رحمه بإبتسامه/لااا..في أكل جاهز بس سخنيه وحطيه بسرعه.
خوله بإستغراب/من وين أكل جاهز.
رحمه بعصبيه/قصي جابه..وقعد يخاصمني ..قولي لأمه لاتجيب معاه حاجه مره ثانيه.
خوله بضحكه/وليه خاصمك أكيد سويتي شيئ عارفتك لسانك طويل..وقصي مؤدب.
مدت بوزها بزعل/ماشاء الله مره مؤدب.. واحد ملقوف أيش دخله فيا.
وصارت تقلد صوته/ أنتي كيف تفكي الباب بدون ماتسألي مين، وثاني مره خلي أخوانك يفكوا الباب هما رجال البيت..غبي تراه أصغر مني.
ضحكت خوله وأمها على عصبيتها قبل ما تقول خوله بجديه/لا موغبي،كم مره قلت لك ماتفكي الباب غير لما تعرفي مين فيه، ورشيد ورواد وين كانوا علشان تفكي أساساً.
رحمه بزعل/ماكانوا فيه ..راحوا يصلوا.
دخل رشيد ورواد وشافهم متجمعين عند أمه وسلموا عليهم،خوله بجديه/ليه اتأخرت،كل ذا تصلي.
رشيد/ماتأخرت،يادوب طلعنا من المسجد وقابلت العيال وأنا جاي وماطولت..ليه؟
رحمه بتريقه/صاحبكم جاء يدور عليكم وزعل لما ما لقيكم.
رشيد/صاحبنا مين!
خوله بهدوء/دا قصي جاب لنا غداء من بيتهم وأنتا مو هنا.
عقد حواجبه/علشان كذا قاعد يقول لاتتأخروا عالبيت وتسيبوا أختكم لوحدها.
زفرت بملل/هوا لحق يشتكي لك..شغل بزوره.
خوله بحده/رحمه بلا قلة أدب..أنتي اللي فكيتي بدون ما تعرفي مين عالباب، الولد ماغلط عليكي وقاعد ينصحك.
رشيد بعصبيه/والله محد بزر غيرك،الحق عليه خايف عليكي.
أم خوله بتعب/بس يارحمه عيب..وأنت يا رشيد خلاص روحوا ساعدوا أختكم من الفجر وهيا صاحيه وتعبانه.
هزوا رأسها وطلعوا مع خوله اللي فكت حافظات الأكل وشافت الأكل (برياني دجاج وورق عنب وشوربة حب مع سلطة خضراء)
سخنته وهي مبتسمة ورسلت رساله لجوري تقول لها إنها بتجيها العصر.
(خالد)
الظهر
