အင်ပါယာရဲ့ အရှင်သခင် ( Myanmar ) The Lord's Empire အတွဲ (၁/၁)

အပိုင်း (၂၇)

အင်ပါယာ ရဲ့ အရှင်သခင် (The Lord's Empire)

အပိုင်း ( ၂၇ )
Chapter 27         စိတ်ဝိညာဉ်ငယ် မြက်

မျက်စိတမှိတ်အတွင်းမှာပဲ မီးခိုးရောင်ဝံပုလွေဘုရင်သည် အလွန်လျင်မြန်စွာနဲ့ပဲ ဒိုင်းကိုင်စစ်သည်တွေရဲ့ ရှေ့ကို ရောက်လာခဲ့ပါပြီ။ သူက ရက်ရက်စက်စက် ကလဲ့စားချေဖို့အတွက် ဒိုင်းကိုင်စစ်သည်ဆီကို ဦးတည်ပြီး ခုန်ဝင်ခဲ့လိုက်သည်။

ဒါပေမဲ့ တစ်ချိန်ထဲမှာပဲ သွေးရောင်မီးဘောလုံးနှစ်လုံးက သူဆီကို ပျံသန်းဝင်ရောက်လာခဲ့သည်။ ဒီကိစ္စက တစ်ချိန်လုံးဘာမှမလုပ်ခဲ့တဲ့ အဖိုးကြီး လို့ဂ် က စတင်တိုက်ခိုက်လိုက်ခဲ့တာပါ။ မီးခိုးရောင်ဝံပုလွေဘုရင်က အတော်လေးအံ့အားသင့်သွားခဲ့ပြီး၊ မီးဘောလုံးတွေရဲ့ တိုက်ခိုက်မူကနေ လွတ်မြောက်ဖို့အတွက် သူ့ခန္ဓာကိုယ်ကို တစ်ပတ်လှည့်ကာ ရှောင်ရှားလိုက်ခဲ့သည်။ မြေပြင်ပေါ်ကို ပြန်ကျကျလာခြင်းမှာပဲ လုမိုင်ရဲ့ ကျာပွတ်ရိုက်ချက်က ကြမ်းတမ်းရက်စက်စွာနဲ့ ကျရောက်လာခဲ့သည်။

ဒီကျာပွတ်ရိုက်ချက်က ဒဏ်ရာအများကြီး မပေးနိုင်ခဲ့ပေမယ့် ဝံပုလွေဘုရင်ကတော့ အတော်လေး  နာကျင်သွားခဲ့ရသည်။ ဒီရိုက်ချက်ကို ခံယူခဲ့ရပြီးနောက် မီးခိုးရောင်ဝံပုလွေဘုရင်သည်သူ့ရဲ့ ရှေ့ခြေထောက်မှ လက်သည်းတွေကို ဆန့်ထုတ်လိုက်ကာ အူဟစ်လိုက်ပြီး၊ လုမိုင်ကို တစ်ဟုန်ထိုး ခုန်အုပ်လိုက်ခဲ့သည်။

ဒါပေမယ့်လည်း ရှေ့ကို ခြေလှမ်းအနည်းငယ်လောက် လျှောက်လှမ်းအပြီးမှာတော့ သူ့ဘေးနားမှာ ပုံရိပ်တစ်ခုက ရုတ်တရက်ဆိုသလို ထွက်ပေါ်လာခဲ့သည်။

ဖောင်း

ဓါးအလင်းတစ်ခုက ထွက်ပေါ်လာခဲ့ကာ သွေးတွေက ပျံကျဲသွားခဲ့သည်။ သူကတော့ ဘိုင်ချီ ပဲဖြစ်သည်။ သူက တိုက်ခိုက်ဖို့အတွက် ချောင်းမြောင်းနေခဲ့တာ အတော်လေး ကြာနေခဲ့ပါပြီ။

  မီးခိုးရောင်ဝံပုလွေဘုရင်ရဲ့ နာကျင်မူကြောင့် အူဟစ်သံက ကျယ်လောင်စွာ ထွက်ပေါ်လာခဲ့ပြီး၊ သူရဲ့ ဦးခေါင်းကို  ဘိုင်ချီဖက် လှည့်လိုက် ကိုက်ဖို့အတွက် ဦးတည်လိုက်ခဲ့သည်။