အင်ပါယာ ရဲ့ အရှင်သခင် (The Lord's Empire)
အပိုင်း ( ၉၃ )
Chapter 93 ကောင်းကင် နတ်ဆိုးဓါးရဲ့ ကိုယ်ပိုင် နယ်မြေ
“ ဒါဘယ်လိုလုပ်ဖြစ်နိုင်မှာလဲ”
မရေမတွက်နိုင်တဲ့ အုပ်စုခေါင်းဆောင်တွေဟာ ကောင်းကင်နတ်ဆိုးဓါး ပျောက်ဆုံးသွားတာကို ငေးကြည့်နေခဲ့ကြပါတယ်။ ယခုဆို ထိပ်ဆုံးပစ္စည်းကိရိယာတောင် မရှိတော့တဲ့အတွက် ဒုတိယနဲ့ တတိယ ပစ္စည်းတွေအတွက်ကကော။ သူတို့ ဒဏ္ဍာရီအဆင့် ပစ္စည်းကိရိယာတွေထဲကထိပ်ဆုံး ၁၀ ခုထဲက တစ်ခုကို ရယူနိုင်ပါ့မလားဆိုတာ၊ မသေချာသေးပါဘူး။
“ မြန်မြန်လုပ်ကြကွ၊ ဖြစ်နိုင်သမျှ ပန်းမျက်ရည်စက်တွေကို ရှာကြ။ ငွေကုန်ချင်သလောက် ကုန်ပစေ။ မင်းတို့ ဝယ်လို့ရရင်ရ၊ မရရင် ဖြစ်တဲ့နည်းနဲ့ ယူလာကြ။ ဘာပဲဖြစ်နေဖြစ်နေ ငါ ဂရုမစိုက်ဘူး။ " မရေမတွက်နိုင်တဲ့ ခေါင်းဆောင်တွေဟာ နီရဲတဲ့ မျက်လုံးတွေနဲ့ လက်အောက်ငယ်သားတွေကို အော်ဟစ် ကြိမ်းမောင်း နေခဲ့ကြပါတော့တယ်။
ယခုအခါ ထိပ်ဆုံးအဆင့်ပစ္စည်းကိရိယာဖြစ်တဲ့ ကောင်းကင်နတ်ဆိုး ဓါး ပျောက်ကွယ်သွားတာကြောင့် သူတို့အားလုံးဟာ စိတ်ထိခိုက်သွားခဲ့ကြပါတယ်။ ဒီလို တုန်လှုပ်မှုက သတ္တမ အဆင့် ကောင်းကင်ဘုံရဲ့လေးစားမှု ချပ်ဝတ်ထက် ပိုဆိုးပါတယ်။
ကောင်းကင်ဘုံရဲ့လေးစားမှု ချပ်ဝတ် ပျောက်သွားတဲ့အချိန်ကတည်းက အုပ်စုအဖွဲ့အစည်းေတွ အားလုံးဟာ မယုံနိုင်လောက်အောင် တင်းမာသွားခဲ့ကြတာပါ။ ဒီထိပ်တန်း ပစ္စည်းကိရိယာ ၁၀ ခုဟာ အချိန်မရွေး ပျောက်ကွယ်သွားနိုင်ပြီး၊ လုံခြုံမှု မရှိတော့ကြောင်းကို ဘယ်သူမဆို သိနိုင်ပါတယ်။
ယခုလို ထိပ်ဆုံးအဆင့် ပစ္စည်းကိရိယာဖြစ်တဲ့ ကောင်းကင်နတ်ဆိုးဓါး ပျောက်ကွယ်သွားပြီ ဆိုပါက ကျန်ရှိနေတဲ့ ဒဏ္ဍာရီ အဆင့် ပစ္စည်းတွေဟာ စက္ကန့်ပိုင်းအတွင်း ပျောက်ကွယ်သွားနိုင်ပါတယ်။ ဒါကြောင့် ခေါင်းဆောင်တွေအားလုံး ခေါင်းမီးတောက်နေကြပါပြီ။
ကစားသမား ဂိုဏ်းအများစုကတော့ အစွမ်းထက်တဲ့ ဂိမ်းစနစ်တစ်ခုရဲ့ အစိုးရအဖွဲ့က ဒီလို လုပ်ခဲ့တယ်လို့ မှန်းဆနေကြပါတယ်။ ဒါပေမယ့် အဓိကမြို့ကြီးတွေရဲ့ အရှင်သခင်ေတွ အားလုံးဟာ မယုံနိုင်လောက်အောင် အံ့အားသင့်ေနခဲ့ကြရတာပါ။ သူတို့အားလုံးဟာ ဒီ မော်ကွန်းဝင် တစ်ဝက် အဆင့် လက်နက်ကိရိယာမျိုးကို လိုချင်ေနခဲ့ကြပြီး၊ ထိပ်ဆုံးအဆင့် ပစ္စည်းကိရိယာဖြစ်တဲ့ ကောင်းကင်နတ်ဆိုးဓါး က ဒီလို ရုတ်တရက်ပျောက်ကွယ်သွားလိမ့်မည်လို့ ဘယ်သူမှ ထင်မထားခဲ့ကြပါဘူး။ ဒါကြောင့် သူတို့လည်း အလျင်အမြန်ပဲ လှုပ်ရှားကြပါတော့တယ်။
YOU ARE READING
အင်ပါယာရဲ့ အရှင်သခင် ( Myanmar ) The Lord's Empire အတွဲ (၁/၁)
Fantasyကောင်းကင်ဘုံနိုးထခြင်း ကမ္ဘာ
