همسة_أمل

مقدمه

صافى محدثة : انت روحت فين ياشريف وايه اللى اخرك كل ده بقينا وش الفجر
****
فاقت ريم من اغماءها وبحثت عن لؤى
ريم:هوا فين ،لؤى راح فين،بابا اخده ليه ،هيعمل فيه ايه
نور بحزن:لسه مظهروش ،حتى بابا لسه مجاش متقلقيش هيرجعوا ان شاء الله
كريم :ريم ممكن تحكى لنا ايه اللى بيحصل انتى ولؤى اخواتنا ازاى ،طلبنا من ماما تقولنا مرضتش تقولنا حاجه
قصت ريم لهم كل ما حدث
*****
فى الصباح
لم يذق الاخوة طعم النوم خوفا على لؤى
صافى محدثه نفسها : انا هروح اشوفه بنفسى، ماهوه تلفونه مقفول خرجت من باب القصر ،تفآجأت ب....
لؤى وهو يستند على رعد بعد ما عولج جروح ظهره ووجهه: على فين يا مرات ابويا،ثم نظر لها نظرة عميقه تنم ع كم الغضب الذى يحمله لها
خافت صافى: هوا فين،طارق راح فين
رعد بقوة:قصدك شريف يا ...يا مدام صافى
ارتعبت صافى وقالت بانكار: شريف مين ،،انت بتقول ايه
لؤى: لعبتكم اتكشفت يا مرات ابويا ،شريف اتسجن،وانتى هتحصليه حالا
رعد : مفيش داعى للانكار ،شريف اعترف بكل حاجه
سمع كريم ونور وريم صوت سيارات الشرطه،فخرجوا مسرعين
فوجدوا رجال الشرطه تقوم بالقبض على صافى وهى تأبى الذهاب معهم وتقول :الحقنى ياكريم ،عايزين يسجنونى
كريم موجها كلامه للشرطى ونور تبكى ع امها:فى ايه ياحضرة الضابط ،رد الضابط:معانا أمر بالقبض عليها
لؤى بهدوء :سيبهم يشوفوا شغلهم ياكريم
نورببكاء:لؤى ،لا ،مامى هيخدوها ليه
اخذ لؤى اخته فى حضنه وتنهد بألم : هقولك على كل حاجه بس اهدى عشان تعرفى تسمعينى
علم رعد ان الفتاه الاخرى هى اخته فجرى نحوها ولفها بذراعه وقال: الحمد لله انك بخير
انصدمت ريم بفعلته وحاولت التخلص من ذراعه التى تحيطها بقال بهدوء:متخافيش انا اخوكى رعد مراد الصياد
******
فى هذه اللحظه دخل كل من دكتور ياسر ومعه سمر ،ياسين ومعه ريما وزينه وزياد وعمر
جرت ريم على خالتها بفرحه:ماما سمر جيتى من السفر امتا وحشتينى اوى
احتضنتها سمر بحب وقالت:حبيبتى ياريم ،وحشتينى غصب عنى انى اسيبك
ياسين: مش هتسلمى على توأمك ياريم
صرخت ريما بفرحه :ريم حبيبتى وحشتينى اوى
صدمت ريم مما يحدث ،كيف ان اختها ع قيد الحياه
لؤى ندخل جوة وهقولكم على كل حاجه
*****
قص لؤى كل ما حدث ،فى حين اكمل ياسر
كنت ف لندن فى ساحه الانتظار ف المطار بستنى صديق ليا ،فقابلت سمر هناك كانت جايه من مصر
***
ياسر: بتعملى ايه فى لندن وجايه لوحدك ليه فين زوجك
سمر باشتياق: انا متجوزتش يا ياسر ،استحاله اتجوز حد غيرك

ياسر: بتقولى ايه،شريف قالى انك اتجوزتى ومعاكى بنت ،عشان كده مشيت مستحملتش وسافرت ع لندن ،واقسمت انى طالما متجوزتكيش مش هتجوز ابدا ،واهو انا من يومها عازب

سمر: ياسر ،ارجوك انا محتاجاك تقف جمبى ،مينفعش اسكت اكتر من كدا ،انت اللى هتساعدنى
وحكت سمر له كل شكوكها ف اخوها شريف
ياسر بجديه: انتى مستعدة تقفى قدام شريف وتشهدى عليه ف المحكمه
سمر بثبات : مستعده ،لازم الحق يرجع لاصحابه طارق ومراد كانوا اكتر من اخواتى
اتفقوا على العودة معا الى مصر
وتم ابلاغ الشرطه ،اخبرهم الضابط ،انهم يعرفون كل شىء فقد كانوا ينتظرون دليل ادانته فقط
عدما رجع وعلم بأمر حامد،كان هذا اول دليل ضد شريف
علم شريف ان ياسر قد عاد من السفر وخاف ع خطته م الانكشاف وخاصه ان ياسر صديق طارق المقرب فبعث عصابته لقتله
كان ياسر محمى من رجال الشرطه ،لكنه خطط مع الشرطه على اعلان وفاته ،حتى يهدأ شريف ويقع فى شر اعماله
جاء الدليل الثانى الذى اثبته ياسين فى شكوكه حول شريف
اما الدليل الثالث فهى المستندات التى قدمها رعد تثبت وهميه الحسابات والصفقات الخفيه التى تقدر بالمليارات
كان شريف يريد عمل كل من رعد ولؤى فى الشركه لتغطيه هذه الحسابات الوهميه ،لكنه استهان بقدرة رعد ووقع فى شر اعماله
وكان الدليل الرابع الذى قدمه لؤى : اعتراف بصوت شريف نفسه
****
بدا الجميع وكأن على رؤوسهم الطير ،غير مستوعبين ما حدث ،اكانوا طيله حياتهم فى خدعه من شريف وصافى
****
اصيبت نور بصدمه عصبيه فلم تتحمل ما حدث وتم نقلها للمشفى

كريم كان فى قمة غضبه وخجله معا: انا .. انا اسف ،بابا اذاكم كلكم ،بس صدقونى مكنتش اعرف حاجه ،اقسم بده وهم بالرحيل وهو يبكى ضياعا مما سببه والده من ظلم وأذى

لؤى: كلنا عارفين ان ملكش دعوى بكل اللى حصل ،انت كريم طارق ومحدش ينكر ده واخذه فى حضنه ،بكى كريم كطفل صغير فى حضن امه وقال: انت انسان جميل اوى يا لؤى ،عشان كده مبقاش ينفع افضل هنا ، صدقنى لازم امشى

رعد: تمشى فين ؛ومين هيسمحلك بده ؛ انت واحد من العيله ؛وبعدين تسمع كلامى والا وغمز للؤى

فاكمل لؤى ممازحا:اسمعها منى ، دى ايده طارشه متحاولش تزعله
******
فرحت ريم بتوأمها كثيرا وكذلك ريما فقد عادت اليها روحها من جديد ،تعرفوا على اخوتهم رعد وجودى
عرفتهم ريما بزينه ، فاحبوها واعتبرها رعد اخت رابعه له
****

بدأت تتحسن حالة نور بوقوف الجميع معها كعائله واحده
***
تزوج دكتور ياسر من سمر اخيرا
عاش ابناء العم جميعا ف القصر بعد احضار لؤى امه ثريا وداده سميه
رفض ياسين المكوث معهم وأصر ان يمكث ف منزله ،والاطمئنان عليهم بين الحين والاخر
***
صادرت الشرطه على كل املاك شريف ماعدا القصر والشركه فهم ملكا لطارق ومراد
****
ذهب لؤى الى بيت زينب ليسأل عن طارق لكنه وجدهم ،لا يعرفون عنه شيئا منذ ان رحل، علم انهم يحبونه ويكنون له كل الاحترام ،فرحوا عندما علم ان ابنه بخير فهو كان قلقا عليه ووعدوه ان عاد سوف يخبرانه
مراد لا يجدون طرف خيط حتى يوصلهم ايه

ومن هنا نبدأ حكاية جديده مع احفاد الصياد