همسة_أمل

بارت35(الطفل لؤى)

طارق بنتهيده طويلة ليخرج ما به من ضيق،فهاهو يضطر ليبعد ولده الوحيد عن القصر،خوفا عليه من اخيه الذى انتظره منذ فترة طويلة:لؤى عمك ياسين معاه حق ،انت لازم تسيب القصر فى الوقت الحالى،عقل مراد مشوش جدا ،انا ودكتور ياسر هنحاول نساعده،الموضوع هياخد فترة وان شاء الله كل شىء يرجع طبيعى

ثريا بحزن: هيروح فين ياطارق،انا مش هتحمل ابنى يكون بعيد عنى
لؤى:انا مبقتش صغير يا امى ،هتصرف متشليش هم
ثريا :لو مشتلش همك يابنى هشيل هم مين

ياسين:متقلقيش على لؤى ياثريا ،ابنك راجل ويقدر يتحمل المسؤولية
ثريا وهى تعلم ان الامر بات منتهيا لامحالة: لؤى ،روح اقعد فى بيتنا القديم ده انسب حل وانا هاجى معاك ،مش ممكن اسيبك لوحدك

لؤى:لا ياامى خليكى علشان تكونى مع البنات هما محتاجين لك اكتر منى
طارق:لؤى معاه حق
اخذ لؤى حاجياته

نور:لؤى ،هتوحشنا
ريم:معلش يا لؤى ،انا اسفه
همسه:خد بالك من نفسك
ريما:البيت هيكون مضلم من غيرك
جودى وزينه ومروة يقفن حزينات:مع السلامة يا لؤى
لؤى وهو يرسم الابتسامه:ايه يا بنات ليه محسسنى انى ههاجر،،كلها يومين وهرجع تانى يعنى،فرصه هترتاحوا منى

زياد:منتقدرش نستغنى عنك يا صاحبى،رتب لؤى على كتف زياد بابتسامة اخويه صادقه
عمر: مين اللي هيدافع عن الواد كريم وعنى من بين ايدين الوحش،ها
لؤى:ههه متخافش هوصيه عليكم
طارق:يلا يا لؤى،عمك ممكن يصحى في اى وقت

اقترب لؤى من همسه:خدى بالك من نفسك ومن ماما ،هكلمكم اطمن عليكم علطول ،سلام
قبل رأس امه وذهب مع رعد الذى اصر على ان يوصله بنفسه

فى السيارة:مكانش له داعى يا رعد،انا معايا عربيتى

رعد: تفتكر ممكن كنت اسيبك تخرج لوحدك فى موقف زى ده

لؤى بضحك:ايه ياجماعه،ليه اخدين الموضوع جد،فرصه هقعد لوحدى،اذاكر شويه،اخلص البحث اللى بعمله

رعد:ربنا معاك يا صاحبى،انا اسف،كل ده بسبب بابا
لؤى: كل ده بسبب شريف،مش مراد
رعد:انت تعرف حاجه
لؤي:لأ،بس هعرف قريب،لانه شكله لسه حاططنى فى دماغه والدليل الى عمله مع مراد علشان يكرهنى

رعد:استغفر الله العظيم،عايز مننا ايه ده
*****
كان سيف فى غرفته يحاول النوم،فجاءه وجد نفسه يتذكرها وينتظر للسلسلة بعمق ،ياترى ايه حكاية القلب ده والمفتااح مع مين

*****
عاد رعد بعد ما اوصل لؤى

وجد الجميع ان البيت فقد مزاقه الخاص،كان لؤى يضفى عليه طابع غريب،طابع فريد من نوعه فلؤى اثر بشخصيته على كل فرد فى العائلة

استيقظ مراد وظل يبحث عنه ولم يجد،ظل يضرخ: وديته فين ياطارق ،اللى زيه ميستحقش الحياة