همسة_أمل

البارت٣

ذهب رعد وجودى لينظروا ماذا هناك، فوجدوا ريما وعمر يصرخان فى بعضهما البعض وزينه تحاول تهدئتهم

اشار رعد لزينه وجودى بالصعود لاعلى ،ففعلتا فورا
رعد:فى ايه يا ريما انتى و عمر مالكم كده،ممكن تهدوا وتفهمونى اللى حصل
عمر بغضب:الانسه اختك المبجله بستناها بقالى اكتر من ساعتين عشان تخلص الشوبنج ونروح ،اطلع الاقيها واقفه تتكلم مع واحد

ريما بغضب مماثل:اهو شفت انت انسان همجى ومتسرع ،انا كنت بدور ع لون معين ومش لاقياه فسالت الشاب المسؤل ايه المشكله ف ده

عمر: المشكلة انك مش شايفه مشكلة اصلا، ليه تروحى محل فيه شباب عشان تشترى حاجتك، المحلات ماليه المول وفيها بنات ولا يعنى محبكتش الا ده
ريما: انت بجد فظيع، روحت عشان ملقتش اللى بدور عليه الا هناك ،لكن اقول ايه فضحتنى قدام الناس وشدتى من ايدى زى اللى عامله مصيبه لحد هنا ،ده تصرف حد عاقل يا استاذ يا متعلم ،انت بجد لا تطاق
تدخل رعد وقال بقوة: ريما ،اعتذرى حالا
جحظت ريما عينيها : بس انا مغلطش عشان اعتذر،ده هوا اللى اهانى
نظر لها رعد نظرة اخافتها فقالت : انا اسفه وصعدت سريعا غرفتها تبكى

اما رعد فامسك عمر من ذراعه:انت غبى وهتفضل طول عمرك غبى ،الغيرة  بتاعتك دى هتضيعك
عمر : غيرة ايه انا مش غيران ،
رعد:لا ياشيخ واللى عملته ده اسمه ايه
عمربلا مبالاه :عادى هيه مسؤله منى لحد اخر الاسبوع
رعد بانزعاج:غور من وشى بدل ما ازعلك يا عمر
عمر: الله،ده بدل ما تشكرنى
رعد وقد قام بلى ذراع عمر : تعالى اوريك الشكر
عمر بالم :خلاص خلاص هغور، وهم بالرحيل

رعد على فين قدامى ياخويا على الشركه
عمر: نعم شركه ايه ،انا جعان لسه ماكلتش
رعد وقد فاض به الكيل: عمر مش هعيد كلامى مرتين

عمر باستسلاام: ماشى جاى ،منك لله يللى ف بالى ضيعت عليا الغدا
رعد: بتقول حاجه
عمر: ها لا طبعا ده انا بقول بلاها غدا
ابتسم رعد: تعجبنى فيك شجاعتك

****
فى الغردقه وخاصه على شاطىء البحر
طارق: صدقى العيال دى بتفهم ،انا كنت محتاج القعدة دى جدا
ثريا بحنان: ربنا يباركلنا  فيك وفيهم يارب ، بس انا خايفه على البنات رعد وعمر متسرعين ومش بيفكروا
طارق: لؤى وزياد معاهم ،متشليش همهم ،احنا  جينا هنا نريح اعصابنا شويه ،وهعوضهم كلهم برحلة احلى من دى
ثريا :صحيح معرفتش عملت ايه بعد ما سبت بيت زينب عشان تدور ع لؤى
طارق: ياااه كانت اصعب ايام ،فضلت اجرى فى الشوارع زى المجنون ابص فى وجوه الناس الناس ادور ع لؤى وخاصه انى تذكرت وملامحه ،لكن لاسف جت عربيه وخبطتنى وقعدت ف المستشفى اسبوع ،ولكن رب ضارة نافعه ،الحادثه رجعتلى ذاكرتى بالكامل وجيت عالقصر علطول
ثريا بتأثر: الحمد لله ان ربنا نجاك ،منه لله شريف ،اهو اخد جزاته

هل فعلا كده سلمو من شر شريف؟؟
**********
ريما ببكاء لتوأمها ريم :
شوفتى الغبى اللى اسمه عمر بيعمل معايا ايه ،والله ما انا مكمله مع الهمجى ده
ريم: ياريما ،عمر شكله من النوع اللى بيغير وده واضح اوى ،فانتى لازم تقعدى معاه وتتفاهموابالراحه،مش تصرخوا ف بعض كده ،لازم تقعدوا وتعرفوا ايه اللى بيضايق كل واحد فيكم ويحاول التانى ميعملوش، لازم يكون فى تفاهم بينكم عشان تقدروا تستمروا

ريما: وانا مش هستمر معاه ياريم ،هو ابن عمو وخلاص ع كده ،واخوكى كمان اللى خلانى اعتذر له ،واقف فى صفه ضدى

ريم: ايه يا بنتى هيه حرب ، رعد خلاكى تعتذرى لانك اهانتى عمر ،عمر دلوقتى زوجك ومينفعش تتكلمى معاه كده ولا تتطاولى بالالفااظ زى غبى وهمجى وكده

ريما: يووووه ياريم انا جايه اشكيلك ،هتفتحيلى محاضرة ،انا ماشيه
ريم : ربنا يهديكى ياريما .
********
فى شركه الصياد

كان الجميع يهاب رعد جدا ويعملون له الف حساب فهو لا يعترف بالاخطاء ف العمل ،ولا يسمح بالتهاون فيه

دخل رعد مع عمر الشركه فهم الجميع بالوقوف واظهار الاحترام

رعد ،موجها كلامه لزياد الذى كان يتحدث فى الهاتف ولم يلحظ دخول رعد: انت بتعمل ايه يا زفت انت جاى تشتغل ولا تتكلم فى التلفون
زياد بارتباك: انا كنت بطمن على زينه انها رجعت من المول مش اكتر

رعد: انت هتحكيلى قصه حياتك ،كلام ف التلفون ،اثناء العمل ممنوع فاهم
زياد: مفهوم يارعد
رعد بحده:باشمهندس رعد ،احنا مش بنلعب هنا

زياد وقد فتح فمه من الصدمه اهذا رعد يعامله بهذه الطريقه : مفهوم يا باشمهندس
كان عمر يقف ويكتم ضحكاته فوجد من يصرخ به: وانت واقف عندك بتعمل ايه ،على مكتبك حالا ،واول واخر مرة التاخير ،ورحل لمكتبه

عمر: ايه ده باكابورت واتفتح ،اعوذ بالله

ضحك لؤى الذى استمع لاخر حديث عمر : اتعودوا على كده ،رعد ف الشغل حاجه تانيه معندوش رحمه
عمر : ربنا يستر من اللى جاى

بعد عده ايام
*******
فى الجامعه

نسمة:ايه ده يا  همسة وشك عامل كده ليه،ده متبهدل خالص

همسه وهى تلتفت حولها فوجدت احد الحراس يراقبوها فقالت بخوف: مفيش دى ..دى حادثه بسيطه كده

نسمة : ياحبيبتى،الف سلامه عليكى ،طيب ليه جيتى وانتى تعبانه كده ،كنتى استريحتى فى البيت
همسه محدثه نفسها بألم : البيت ده اكتر مكان بكرهه ومش عايزة افضل فيه ثانيه ،انا بتمنى الجامعه تكون 24ساعه عشان مرجعش البيت
همسه موجهه حديثها لنسمة: انا كويسه ،يلا عشان نلحق المحاضرة

*******
فى المدرسه الثانويه

منه: اروى  لو سمحتى متكلمنيش تانى
تفآجت اروى بما تقوله صديقتها المقربة: منه انتى بتقولى ايه
منه بحده : اللى سمعتيه ،انا مش عايزة اعرفك تانى
اروى: اكيد انتى اتجننتى،انا قلت انى عمرى ما هتخلى عنك مهما حصل
منه ببكاء: ارجوكى يا اروى تبعدى عنى ،انا مستاهلكيش افهمى بقا

مسكت اروى يد منه وهزتها بقوة : منه فوقى انا مش هسيبك ،انا عارفه انتى بتقولى كده ليه ،صدقينى ميهمنيش كلامهم ،هما مش عارفين حاجه ،لكن انا عارفاكى وعارفه اخلاقك

منه ومازالت تبكى: انا مش زعلانه عشانى،انا خلاص اتعودت على كلامهم ،لكن مش هتحمل حد يقول عنك حاجه ،مش هتحمل

اروى : متزعلنيش منك يا منه، يخبطوا دماغهم فى الحيط انا مش مهتمه بكلامهم ،سيبك منهم وخلينا نركز ف مذاكرتنا ،تمام ياحبيبتى واخذتها فى حضنها

منه : ربنا ما يحرمنيش منك ابدا يااروى ،مش عارفه اقولك ايه
اروى بحب صادق: ولا منك يا منون يا عسل انت يلا بقا اضحكى خلى الدنيا تنور