معاون شريف: ياباشا صافى كل شويه بتتصل ،
شريف: اووف مش هنخلص من زنها ،هات لما نشوف اخرتها
شريف:ايوة ياصافى ،خير
صافى : شريف انت مش قلت هتخرجنى ،انازهقت
شريف بملل: يووه ياصافى مش قلت برتب لده ولما اجهز هقولك ،بعدين انتى اصلا مش عارفه تنفذى حاجه من اللى بقولك عليها
صافى : انا مش هنفذ حاجه بعد النهارده ،انت خلتنى اخرب حياة بنتى الوحيدة،ورعد طلقها والبنت كلمتنى ومنهارة حرام عليك
شريف:ماهو اصلك غبيه انتى وبنتك
صافى بغضب : شريف ،هتخرجنى بعد اسبوع وده اخر كلام عندى
شريف : طيب ،سلام دلوقتى
شريف بمكر: فعلا هيكون اخر كلام ليكى وبعدها هنترحم عليكى ،سعود
سعود: تحت امرك ياباشا
شريف بشر:وصى حبايبنا اللى مع صافى يعملوا معاها تشريفه متقومش منها
سعود باستغراب: بس يا باشا دى المدام بردو
شريف يضحك بقوة :لااا دى بقت كارت محروق ،مبقاش ليها لازمه خلاص
*****
كريم: بقولك ايه يارعد،ايه رايك تخلى يوم كتب كتابك غير الخميس
رعد:اشمعنى،!!
كريم:بصراحه ،انا عايز اضمن أن يوم خطوبتى يعدى بسلام
رعد :وكتب كتابى هيمنع ده؟!!
كريم: بصراحة اصلى مش ضامن نور ممكن تعمل ايه
رعد وهو يضحك : لا من الناحية دى اطمن ،انا مأمن نفسى كويس
كريم: ربنا يستر
**
مرت الايام سريعا ولم يحدث جديد ولم يظهر مراد ايضا
حاول لؤى أن يتقرب من مروة ويجعلها تحبه فاحضر لها العديد من الحلوى والهديا
مروة:انا مش عايزة منك حاجه و على فكرة انا مش صغيره ع الشوكولاته دى
ضحك لؤى: هيه الشوكولاته الصغار بس؟!, البنات هنا بيحبوها جدا وخاصه نور ،لو عرفت انى جبت لك وهيه لا هتخلص عليا
نور: بتقول حاجه يالؤى
لؤى وهو يعطى الحلوى لمروة :خبيهم بسرعه ،نور هتشوفهم
مروة بعند: لا ، نور ،لؤى جايب شوكلاته معايا هنا
نور بغضب مصطنع: لؤؤى جايب لمروة وانا لا ،طب والله ما سايباك وجرت وراءه
لاحظ لؤى شبح ابتسامه على وجه مروة تجاهد فى اخفاءها،فعلم أن الامر ينجح،فاستمر فى تمثيله الزائف وانه خائف من نور ،وجرى بسرعه قائلا:الحقينى يامروة ونادى على رعد صاحبى بسرعه ،
نور بمجاراته :تعالى هنا يالؤى ،مش هسيبك،النهاردة
ضحكت مروة كثيرا عليهم ,وهذا ما كان يريده لؤى
أنت تقرأ
همسة_أمل
General Fictionالجزء الثانى من لماذا يا ابى _ وسط قسوة الحياه وتجمد العواطف... وسط كل مساحات الحزن والجمود... هنالك وردة امل تتفتح...... في حسن الظن بالله
