همسة_أمل

بارت 24

كان عمر يعرف لماذا ركب كريم معهم في هذه السيارة بالذات ولكنه يريد أن يناغشه :اكيمو ،ايه اللى جابك هنا ،انت مش مكانك هناك مع الرعد

كريم محاولة اخفاء امره: براحتي يا عم اركب فى العربيه اللى أنا عايزها

عمر وهو يبتسم فى خبث: طيب احنا راكبين هنا علشان كل واحد معاه زوجته،انت راكب هنا بصفتك ايه،اخواتك هناك مش هنا ،الا اذا انت راكب عشان ..

وضع كريم يده على فم عمر كى لا يكمل: وطى صوتك يخربيت غتاتك ياخى ،البنات ورانا وهتسمعك

ضحك عليه زياد:اها قولتلى بقا ،،،  ومن امتى الكلام ده

كريم وهو فى قمة احراجه :كلام ايه يازيزو،انت هتصدق كلام اخوك ،ده بيقول اى كلام
عمر وهو يحاول فتح باب السيارة: حيث كده بقا انزل من عربيتنا ياض

كريم بخوف: بتعمل ايه يامجنون،العربيه بتمشى ،يخربيتك هتموتنى

ضحكت الفتيات من الخلف على مزاحهم

جودى: عمر حاسب كده غلط ممكن يجراله حاجه

زياد:عمرررر اقفل الباب ،وبطل هزارك ده ،عربية ابوك ورانا ولو شافك هينفخك

كريم: لحظه بس يا زياد،،،جودى انتى خايفه عليا

ضحكت الفتيات في خفوت ،فى حين تحرجت جودى كثيرا،ولم ترد

عمر: اخد بالك انت يا زيزو من المحن بتاعته دى
***

ريما بمرح : جودى ،،ايه الحكاية بقا

جودى بتهرب: حكايه ايه؟

ريما: عليا ياجيجى،كريم بيعمل ايه هنا

جودى: وانا مالى،معرفش ،اساليه

ريما: بصى بقا انا معاكى طول الطريق مش هسيبك غير لما تقولى كل حاجه

جودى بامتعاض من الحاح اختها: كل الحكايه ان كريم قالى انه هيكلم لؤى ورعد بعدين هيكلم عمو طارق وياسين،فهمتى

زينه بفرح: بجد ياجيجى ،،،ربنا يسعدكم

*******
فى الصعيد وخاصه في بيت عائله الجبالى

الجده حسنيه شهلى يا بت انتى وهيه،لازمن نخلصوا الوكل كله ،،الضيوف على وصول

زوجة ناصر فى تذمر: لازمته ايه يا خالتى الوكل ده كله ،،ده وكل يكفى بلد بحالها

الجده: واااه عليكى ،عايزة الناس يقولوا علينا بخلا اياااك ،هملى يلا شوفى وراكى ايه اعمليه

زوجة ناصر فى نفسها وهى تحمل الضغينه والكراهية لهمسه: انى مش عارفه ايه اللى يخليهم يجيبوا بت عبد الحميد اهنه،احنا ناقصين قرف ،، مبجاش انى علية بنت الهوارى ،لو ممشتهاش من اهنه بمصيبه
،ثم ابتسمت لنفسها فى خبث على دهائها وانطلقت تفكر فى حيلة ما
*****
"علية" زوجه ناصر عم همسه ,كانت تكره عبد الحميد لانه فضل فتاه من القاهرة عليها وتزوجها بدل منها ،فقررت الزواج من أخيه لكى تنتقم منه وبالفعل استطاعت بث سمها فى زوجها ناصر وفى والده الجبالى حتى طردوا عبد الحميد وزوجته من الصعيد باكمله ،،والان هى تحاول كالافعى التخلص من ابنته همسه بطريقه او بأخرى حتى لو بالكذب والافتراء عليها
***
وصلت السيارات الى الصعيد بعد مشوار طويل كان الجميع متحمس جدا رغم الارهاق البادى عليهم الا أن متعة وجودهم فى بلد جديده لاول مرة ،ازال عنهم تعبهم
نزلوا جميعا من السيارات فوجدوا المكان على اهبة الاستعداد،الاضواء والمناديل التى تستخدم فى الافراح الشعبيه عادة ،صوان كبير وطويل ملىء بالكراسي والطاولات ،رجال يعزفون الربابة ،والطلقات الناريه التى صدعت فى الاجواء وخاصه عند قدومهم ترحيبا بهم
كان الجبالى بنفسه وولديه ناصر وصبرى يستقبلانهم كان الاستقبال رائع جدا حيث أطلقت العديد من الطلقات النارية وقام بعض الرجال باداء بعض الحركات والرقصات بخيولهم التى كانت تتحرك معهم بسلاسه جدا