همسة_أمل

بارت21

خرج لؤى ورعد لينظروا ماذا هناك
فوجدوا ثلاثه رجال يبدوا من هيئتهم انهم لا ينون على خير ويحملون فى يدهم السلاح
رعد: خير يا حضرات، فى حاجه ؟؟
تكلم اصغرهم: بص يا افندى،انت وهو احنا جايين ناخد بنتنا ويادار ما دخلت شر
رعد:بنتكم مين ؟؟
الرجل: اسمع يا افندى انت، احنا متأكيدن أن همسه بت اخوى اهنه، جاعدة عند الجدع اللى ضحك عليها
لؤى: انت بتخرف تقول ايه،وانتوا تعرفوا همسه منين ؟
الرجل وهو يتحسس بندقيته : يبجى انت الجدع اللى ضحك عليها وخلاها تهرب معاه

نظر رعد الى السلاح فعلم انهم متهورن ولن ينفع معهم سوى مسايستهم فقال بحذر: ممكن تفهونا بالراحه فى ايه،احنا مش عارفين بتتكلموا عن ايه ؟

تكلم الرجل الاخر فى حين أن كبيرهم مازال صامتا :من الاخر اكده، احنا جايين نلم عرضنا بعد مامرغته فى التراب وفضحتنا وهربت من بيت ابوها وجات اهنه بعد ما الدكتور ضحك عليها
صعق لؤى مما يقولون فقال بصراخ: انت اتجننت ياجدع انت ،انت جبت الكلام ده منين
رعد: اهدى يا لؤى شويه
لؤى بعصبيه: اهدى ازاى انت مش سامع بيقولوا ايه

الرجل اصغرهم : انت الدكتور لؤى اللى ضحك على بتنا ،ورفع سلاحه وقال اتشاهد على روحك
وقف رعد بسرعه امام لؤى: اهدى يا حج،الكلام ميتاخدش كده ،اتفضلوا ادخلوانتفاهم
الرجل:. وهنتفاهم فى ايه ؟ الحكايه دى ميتسكتش عليها ،كفايا كلام الناس اللى كلت وشنا فى النجع
لؤى: الكلام اللى بتقولوه ده مش صحيح ،جبتم الكلام ده منين
جاء طارق من الخارج هو وياسين فشاهدوا هذا الموقف
ياسين: فى ايه يارعد ومين دول
قص رعد عليه مايحدث سريعا
ياسين : اتفضلوا ياحضرات جوة مينفعش تقفوا كده ،ده انتوا ضيوفنا
دخلوا جميعا بالداخل
قدمت لهم حمديه واجب الضيافه
ياسين :اتفضلوا ياجماعه مدوا ايدكم
الرجل: احنا مش جايين نتضايف ،احنا عايزين همسة والدكتور اللى معاها ،احنا لحد دلوك بنتكلم بهدوء
ياسين: اكيد طبعا ،همسه بنتكم ومقدرش نمنعها عنكم ،روحى يا دادة نادى على همسه

لؤى: تيجى فين ياعمى،همسه مش حمل صدمه جديده،دى لو سمعت اللى بيقولوا عليه ممكن هيجرالها حاجه
الرجل وقد قام من مقعده وامسك سلاحه يخيف به لؤى: طفل الكيل ،انا هجتلك دلوك مش هستنى اكتر من اكده
وقف طارق وياسين امام لؤى ليحمونه :اهدى ياعمنا احنا لسه مخلصناش كلامنا
تكلم كبيرهم اخيرا:اقعد يا ناصر وبطل تهورك ده ،مش هيه دى الاصول

طارق: عليك نور يا حج،ممكن تسمعوا مننا الاول ،بس قبل كده ممكن اسالك سؤال
الرجل: سؤال ايه
طارق: ممكن نعرف انتم جبتم الكلام اللى بتقولوه ده منين؟

الرجل"الجبالى": ولاد الحلال دلونا ولا عايزنا نفضل نايمين على ودانا اياك

ياسين: طيب قالوكم ايه بالظبط

الجبالى: قالوا أن البت بعد ما ابوها سافر طفشت مع حبيبها الدكتور وسابت دار ابوها ولما ابوها عرف الحجيجه مستحملش ومات
طارق :كل الكلام ده مش حقيقى لو تحب اثبت لك