همسة_أمل

بارت20

بعد عدة ايام
تم الحكم على فوزى وسوزى  بالسجن المؤبد مع الأعمال الشاقه على ما اقترفوه من جرائم وسرقه اموال وابتزاز لهمسه وقتل لوالدها

فى هذه الايام ،كانت همسه قد بدأت تستجيب للعلاج وبدأت تفيق من الغيبوبة
كان معها ثريا وطارق

فتحت همسه عينيها تدريجيا، لشده الضوء على عينيها التى بقيت مغلقة لايام ،،حاولت همسه تذكر ما حدث واين هى ،لكنها سرعان ما تذكرت مقتل والدها فدمعت عينيها فى صمت

ثريا بدموع الفرح: حمدا لله على سلامتك يا بنتى،  قلقتينا عليكى ،انتى كنتى عايزة تعرفى غلاوتك عندنا ولا ايه

نظرت لها همسه فى امتنان وقالت بصوت متقطع: شكرا يا طنط

ثريا: انتى بتعيطى ليه بس ،، ادعيله يابنتى،ربنا يرحمه

طارق ممازحا: انسه همسه،يلا شدى حيلك علشان نخرجى من هنا،ولا عاجبك جو المستشفيات ده

فى هذه الاثناء طرق لؤى وسيف الباب
فتحت لهم ثريا

لؤى وهو يبدو عليه السعاده: حمدا لله على السلامه، النهارده تم نطق الحكم فى القضيه

سيف: الحمد لله اخدوا جزاءهم،،،مؤبد،، ،دلوقتي تقدرى تنامى وانتى مطمنه

همسه بفرحه فالآن تم الانتقام لأبيها:الحمد لله
ثريا بلهفه :طيب وهمسه ؟؟

لؤى: سيف مستسلمش غير لما تم الإفراج عنها بعد دفع مائه الف جنيه كفاله

همسه فى سخريه: كده هفضل فى السجن طول حياتى،انا لا املك من حطام الدنيا شىء

لؤى: انا بهزر،بضمان محل اقامتك

همسه بتنهيده الم : حتى ده كمان يا دكتور راح

سيف: همسه  ااحنا حجزنا على كل اموال فوزى ،بعد ما صحتك تتحسن مطلوب منك ،ترجعى كل الاموال لأصحابها ،بنفس الطريقة

همسه: حاضر ياحضرة الضابط

لؤى: ودلوقتي يلا عالبيت مبقاش له لازمه تقعدى هنا ،تقدرى تكملى علاجك هناك

همسه بعدم فهم: هناك فين،،انا معنديش مكان اروحه

لؤى: على القصر طبعا

همسه : لا طبعا

لؤى وقد بدأ يزداد حده:عندك اقتراح تانى

همسه بخفض رأسها: معنديش،بس اكيد هلاقى

لؤى لانهاء الموضوع: تمام اتفضلى ،ونتكلم فى الموضوع ده بعدين

كانت همسه تشعر بالضياع، هى لم تفكر فى الامر،اين ستسكن ومع من،هى لا تملك اى مالا ،،استولت سوزى على كل الأموال التى كان يرسلها والدها،حتى بيتها قامواببيعه،وسكنه اناس اخرون