همسة_أمل

بارت 28

فى الأتوبيس

رعد :شايفك يعنى اول واحدة محضره شنطتها وبتستعد علشان تمشى ،ايه غيرتى رأيك كنتى عايزة تقعدى هناك شهر

نور مسرعه: شهر لااا ولا يوم واحد بعد اللى شوفته ،انا كرهت البلد دى

ريم: انتى بتقولى كده ،همسه حبيبتى تعمل ايه

نور بتأثر : كانت صعبانه عليا اوى،بس الحمد لله،ربنا جابلها حقها من الحيه دى

****

لؤى بخبث: جدك شكله كان بيقولك حاجه مهمه اوى لدرجه أن وشك يحمر بالشكل ده

همسه بارتباك: لا...ا..مكانش بيقول حاجه مهمه لؤى

بغمزه: يعنى مكانش بيقولك خدى بالك من الراجل الحيلوة اللى انتى متجوزاه

همسه بضحك: حليوة هههه

لؤى: تنكرى ده
همسه بحرج: احم .لا منكرش انك على قدر عالى من الوسامة ،بس مش ده اكتر حاجه عجبتنى فيك لؤى

بمرح : الله اكبر دى طلعت معجبه بيا ،،ها وايه تانى

همسه وقد أصابها الخجل الشديد : لؤى لو سمحت متحرجنيش

لؤى بابتسامة عذبه زادته جمالا: بجد انتى عملة نادرة ،نادر اوى لما نلاقى بنات حييه وخجولة بالشكل ده ،ها قولى ايه اللى عجبك فيا
صمتت همسه وقد بلغ الخجل اقصاه
لؤى بتسلية: هتقولى ولا اروح اجيب الاستاذ صرصور اللى ضيع النوم من عينى امبارح

همسه بضحك:هقول هقول

لؤى بنبرة جادة مصطنعه: ايوة كده بنات مش بتيجى غير بالصراصير

همسه: احم ،اللى عجبنى فيك ،انسانيتك يالؤى معايا من اول ما شفتنى ،طيبتك وقلبك الكبير فى التعامل مع اللى اكبر منك واحترامك ليهم ،جديتك وطيبتك فى نفس الوقت فى التعامل مع الممرضات ،حنيتك مع اخواتك وبنات اعمامك اللى بتعتبرهم اخواتك ،غض بصرك وتدينك ،،شجعاتك وحمايتك ليا .. حاجات كتيرة اوى يا لؤى ،صعب الاقى حد باخلاقك دى ،انا بجد بحسد نفسى عليك

لؤى : ياااه كل ده فيا ،،عينيكى اللى جميلة علشان كده شايفانى كده ياهمسه،انا حد عادى جدا

همسه: مهما اتكلمت مش هقدر اوفيك حقك بجد ،

ومن هنا نبتت اقصوصه عشق عفيف بين زوجين فى الحلال

قاطعت حديثهم ريم التى قالت بمرح:قاعدين تتكلموا ف ايه وسايبنى لوحدى

لؤى بامتعاض فقد قطعت عليهم ريم لحظه لن تتكرر مرة اخرى: ايه يا ريمو ياحبيبتى،عندك الاتوبيس كله ،تتكلمى معاه مش سايبنك لوحدك ولا حاجه

ريم: الظاهر ان حضرتك مش واخد بالك الكل هنا ،قاعد مع زوجته ،وانا اللى قاعدة لوحدى
لؤى : جودى راحت فين ،اقعدى معاها