همسة_أمل

بارت15

ما ان انتهت همسه من قص حكايتها حتى وجدت ريم وماما ثريا فى حالة يرثى لها من التأثر والبكاء،حتى دكتور لؤى قد انفعل وتغيرت تعابير وجهه الى الحزن والغضب فى آن واحد،لما حدث معها

ثرياوهى تأخذ همسه فى حضنها بحنان: ياه يابنتى كل ده حصلك ،كل ده وانتى لوحدك مفيش حد جنبك يهون عليكى ،منهم لله المجرمين دول ،ربنا ينتقم منهم

ريم وهى تقاوم البكاء:حبيبتى يا همسه انتى عانيتى كتير اوى،متلوميش نفسك ياهمسه انتى كنتى ضحيه،انا لو كنت مكانك كنت هضعف وهعمل كل اللى يطلبوه مكنتش هقدر اقاوم كنت ممكن اكون زيهم،او كنت ممكن انتحر كمان،لكن انتى كنتى قويه وشجاعه ياهمسه،حسبى الله ونعم الوكيل فيهم الاشرار دول

لؤى:الحمد لله ان ربنا نجاكى منهم، وانك بخير ،ان شاء الله تقدرى توصلى لوالدك

همسه: ازاى بس وانا معرفش عنه حاجه معرفش هوا فى مصر ولا برا مصر،معرفش هوا عايش ولاا...واخفضت رآسها لاسفل فى الم

لؤى:متخافيش انتى مش لوحدك ،كلنا معاكى ،وهنساعدك ،بس احنا لازم نبلغ البوليس

ثريا فى خوف على همسه: انت بتقول ايه يا لؤى،كده همسه ممكن يتقبض عليها وهيا ملهاش ذنب

همسه فى محاولة تظاهر القوة: دكتور لؤى معاه حق،لازم الحق يرجع لاصحابه،وكل واحد ياخد جزاءه حتى لو كنت انا اولهم،ثم التفتت للؤى وقالت: دكتور لؤى،انا مستعده اقول كل حاجه للبوليس
لؤى مطمئنا اياهم: متقلقوش صحيح انا مش بفهم فى القانون،بس أعتقد ان همسه تقدر تخرج منها اذا قومنا لها محامى كويس وخاصه انها ضحيه ،انا هكلم سيف صاحبى وهحكيله وهشوف هيقولنا نعمل ايه ثم وجه كلامه لهمسه: متقلقيش سيف صاحبى ضابط شرطة ممتاز ،هيدعمنا وهيوجهنا بحيث تخرجى انتى برا الموضوع

*****
فى الصباح
كانت اروى تستعد للذهاب للمدرسه فسمعت خبط على باب الشقه

اروى: ماما الباب بيخبط

زينب: اه يمكن عم سالم بتاع اللبن ،هروح افتحله

ذهبت زينب لفتح الباب فوجد منه هى الطارق تقف فى الخارج ودموعها تنهمر على وجهها

زينب بخضه : منه فى ايه يا حبيبتى مالك،تعالى ادخلى

ارتمت منه فى احضانها: الحقينى ياماما زينب ،انا مبقتش عارفه اعمل ايه

اروى بلهفه على صديقتها:منه ،مالك حصل ايه ،بتعيطى ليه

منه: انا جيت اودعكم يمكن تكون اخر مرة اشوفكم فيها

صدمت زينب وابنتها ونظروا لمنه فى زهول

قصت لهم منه ماحدث واخبرتهم على نيتها فى الهرب

حزن الجميع على حال منه التى ما ان بدأت تتحسن اوضاعتها حتى ما لبثت أن تسوء من جديد
زينب: بس اللى بتقوليه ده يا منه مينفعش،هتهربى تروحى فين ،انتى حتى متعرفيش ليكى قرايب خالص