همسة_أمل

بارت 13

عمر: عمى انا كمان عايز اعقد (يكتب الكتاب)،،اشمعنى رعد

ياسين: عمر اعقل شويه

عمر: يا بابا   ريما بنت عمى واحنا عارفين بعض يبقى ايه لازمة الخطوبه بس

طارق: ايه رايك ياريما

ريما: وهى تنظر ارضا ،،انا مش موافقه يا عمو

عمر وقد قام من مقعده: نعم ياختى

ياسين: اقعد والا هحلف مفيش جواز

جلس عمر على مضض: اهو هنكتم ،بدل ما ارتكب جنايه

طارق: مش موافقه على ايه بالظبط

ريما بحزن: ياعمو مش عايزة اتخطب وبابا مش موجود ومنعرفش هوا فين

ياسين بحزن مماثل: يا بنتى ان شاء الله هنلاقيه ،وعلى ما ده يحصل ،لازم تعيشوا حياتكم ،الدنيا مش هتقف ،انا فاهم قصدك بس تفتكرى هيبقى مبسوط لو لقانا موقفين كل حاجه وفى انتظاره ،لازم يرجع يلاقيكم فى احسن حال والا هيتحسر على اللى فات من عمركم في انتظاره

ريما: بس يا عمو
طارق: عمك ياسين معاه حق يا ريما ،، انا عشت التجربه دى ،وبحمد ربنا انى رجعت لقيتكم كويسين وعايشين حياتكم، مراد اخويا هيرجع وقريب ان شاء الله،عندى يقين بده ،وعلى ما ده يحصل هنكمل حياتنا عادى ونسال الله الصبر على انتظاره وانه يرجع بالسلامه

ريما بتنهيده خفيفه: ماشي ياعمى اللى تشوفوه

عمر وقد قام مرة أخرى: الله اكبر ،، اخيرا هتجوز يا جدعان

ياسين بحزم: اتنيل اقعد بدل ما اوريك شغلك قدام البنت

عمر: حاضر يا حج ،يا مشرفنى قدام البونيه

ياسين وقد ضاق ذرعا: عمممررر

طارق: خلاص يا ياسين،انت عارف عمر بيحب يهزر ،متبقاش قفش كده
عمر: قوله يا عمى ،دايما ....فنظر فوجد والده ينظر له بحده وفغير كلامه وقال:  ده الحج ده سكرة ،،ثم وجه حديثه لوالده: ها كده كويس؟
ياسين: مفيش فايدة
ضحت ريما على تصرفات عمر

لاحظها عمر فقال : ياااه اخيرا الدنيا نورت

ياسين وقد لكز ابنه فى جانبه : اتلم يا زفت ،كلها كم ساعه وتكتب كتابك،بعدها قول اللى انت عايزه

تحرجت ريما كثيرا ووضعت راسها ارضا
فى حين قال عمر: حاضر يا حج ، انا اسف
*****

عمر:  كيمو يلا البس عشان نلحق نشترى  هدوم للبنات

كريم: بنات مين

عمر وهو يسحب الغطاء من عليه: لا ده انت تفوق كده وتقوم معايا ،ده النهارده يومى

كريم بلا مبالاة: ولما ده يومك جاى تقرفنى ليه

عمر: اخلص يا كريم مفيش وقت