همسة_أمل

بارت١٦

عمر بداخل غرفته يتحدث الى عصفورته المفضله
عمر: صباح الخير ياملاكى، معلش انشلغت عنك امبارح ،لكن انتى فى قلبى مستحيل انساكى ،بتوحشينى اوى
وقام بوضع الطعام والماء لها
*****
زياد  يجلس بالاسفل ،لم يذهب الى العمل بسبب اصابة يده

زياد: ريم مش بتروحى الشركه يعنى،كنتى هتموتى وتشتغلى ،غيرتى رايك ولا ايه ؟

ريم:لا يا زياد انا لسه عند رايي ،بس مقدرش اسيب همسه فى حالتها دى،لما اطمن عليها هنزل الشغل ان شاء الله

زياد بحزن على ما تمر به همسه: ربنا معاها ،شافت كتير،خايف لتروح فى الرجلين بسبب العمليات اللى اجبروها عليها

ريم بحزن ايضا: وانا كمان مرعوبة جدا ،انت متعرفش انا حبيتها قد ايه ،همسه بنت رقيقه وحساسه اوى

*******
سمع طرقات على باب بيته فذهب ليفتحه ،فوجد زينات زوجته السابقه "ام مروة "ومعها حقيبه سفر ومروة الصغيره

فتحى باندهاش: زينات، خير ....مروة حبيبتى وحشتينى اوى وقام باختضان ابنته

زينات بجمود قلب: خد بنتك اهى ودى شنطه هدومها ..خليها عندك
فتحى بصدمة: بتقولى ايه يازينات

زينات: بقول اللى سمعته ،جوزى مبقاش عايزها فى البيت ،وانا مش هخرب على نفسى عشانها ...عندها ابوها يربيها بقا هوا

لم يكد يصدق فتحى ما يسمعه ،ياالا قسوة قلب هذه الام ،اتتخلى عن ابنتها بهذه السهولة،،اى ام هى

فتحى: زينات، انتى عارفة انه لولا مرضى مكنتش سبتها تعيش مع حد غيرى ، بس مش هينفع ،انا مش هقدر اخد بالى منها،انا بقيت اتعب اكتر فى الفترة الاخيرة ووعيى مبقاش مظبوط

زينات بلا مبالاه: مليش فيه ،اتصرف ،،سلام ياخويا

وانصرفت تحت انظار ابنتها وصدمة فتحى على هذه الام متحجرة القلب

لاحظ فتحى بكاء صغيرته

فتحى: قرة عين ابوها بتعيطى ليه

مروة: انت وماما محدش فيكم عايزنى ،انتوا مش بتحبونى

فتحى بمحاولة التماسك: لا طبعا يا بنتى انا وماما بنحبك جدا ،انتى بنتنا يا مروة

مروة ومازالت تبكى: بس انت مش مبسوط انى هعيش معاك ،انا شفت ده فى عينيك ،،انا مش زعلانه انى مش هعيش مع ماما ،لانى مش برتاح لجوزها ده ابدا ،لكن كنت فرحانه انى هفضل معاك

فتحى ببكاء فقد فقد السيطرة على زمام قلبه: انتى متعرفيش فرحتى بوجودك هنا قد ايه،بس انا خايف عليكى يامروة،،انا مريض ،بفقد وعيي فى اى لحظه وبنسى اوقات كتير كل حاجه،وساعات افتكر حاجات غريبه،خايف انساكى يا مروة ،خايف اسيبك لوحدك ومعرفش اخد بالى منك

مروة وهى تحاول مسح دموع والدها: متقلقش يابابا،ان شاء الله هتخف وهتكون كويس ،انا اللى هاخد بالى منك وهفضل جنبك علطول،حتى لو نسيتنى ،هتحمل لحد ما تفتكرنى تانى