همسة_أمل

بارت١٧

لؤى اخبر همسه انه عليها الذهاب معه الى قسم الشرطة ،فوافقت
ريم: انا جايه معاكم يا لؤى ، مش هسيب همسه لوحدها

لؤى: تيجى فين ،ده احنا رايحين القسم، انا مضطر اخد همسه عشان اقوالها
لؤى: هتيجى معانا يا رعد

رعد: اسبقونى انتم وانا هحصلكم

طارق: كريم فين مش باين على غير عادته

لؤى: ما هو لو خرج انا هعلقه، عنده ميد تيرم وعايزه يذاكر كويس

ضحك ياسين: هههه عشان كده ، الولد بيجى من الجامعه على اوضته على طول

*****
اتصل سيف بلؤى
سيف : لؤى عندى ليك خبرين لازم تعرفهم
لؤى: قول الخبر الكويس الاول ياسيف،بعدين اصدمنى
سيف بأسف: للاسف الاتنين مش حلوين
لؤى بقلق: سامعك ،ربنا يستر

سيف: همسه متهمه فى قضيه سرقه بنك وللأسف لما راقبنا حسابها البنكى لقينا المبلغ المسروق فيه

لؤى: اكيد طبعا مش صح،والا مكانتش وافقت انى ابلغ البوليس،كمان هيه مستخدمتش اى جهاز كومبيوتر من يوم ما جت القصر

سيف: انت متأكد

لؤى:ايوة طبعا

سيف: يبقى هما بيثبتوا التهمه عن نفسهم وبيحاولوا يتخلصوا من همسه
لؤى: وهتعمل ايه

سيف: هنعمل لهم اللى هما عايزينه،،هفهمك لما تيجي

الموضوع التانى ،،للاسف،وجدنا كل مواصفات والد همسه بس
لؤى وقد بلع ريقه من التوتر: بس ايه
سيف: للاسف، لقيناه مقتول ومرمى فى الصحرا
لؤى بحزن شديد: لاحول ولا قوة الا بالله،،،قتلوه المجرمين،والعمل ايه دلوقتي ،البنت لو عرفت ممكن تروح فيها،حالتها النفسيه متسمحش
سيف: علشان كده،هنخبى امر موته لحد ما القضيه تنتهى
*****
قضى لؤى ليله حزينا على والد همسه،وما ستأول اليه حالتها عندما تعرف الخبر
*
ذهبت همسه مع لؤى، شعرت بالرعب يدب اوصالها هذه المرة الاولى التي تدخله ،خشيت انها لن تخرج منه بعد ما ستعترف بالحقيقة

عرف لؤى همسه على سيف

سيف: اهلا يا انسه همسه اتفضلى
لاحظ لؤى توتر همسه الشديد: متقلقيش ياهمسه حضرة الضابط سيف عايز يكشفهم ومحتاج مساعدتك

سيف: انسه همسه انتى لو ساعدتينا ده هيقلل من عقوبتك وان شاء الله نحاول نخرجك منها
هزت همسه رأسها في تفهم
ده الضابط اياد ،مسئول امن المعلومات الاكتروني:مطلوب منك تقوليله على كل حاجه

حكت همسه كل العمليات التي قامت بها
اياد بانفعال غير مقصود: يانهار اسود ،ده انتى طلعتى مصيبه وخطر على الامن الاكتروني

اخفضت همسه رأسها لاسفل وادمعت عينيها رغما عنها

تدخل لؤى : انا قلت لحضرتك انهم كانوا يبتزوها