همسة_أمل

بارت10

دخل القصر وهو يحمل همسة وهى نائمه بفعل المهدئ الذى اعطاه لها

ثريا : لؤى مين دى ، وهى مالها شايلها كده ليه ،،فى ايه يا لؤى فهمنى ايه اللى بيحصل

لؤى : مش وقته ياامى ،خلينى بس اطلعها فوق ،مش هفضل شايلها كده

ثريا : ماشى يا لؤى لما نشوف اخرتها.

لؤى وهو يصعد الدرج نادى ع ريم

ريم : نعم يالؤى ،ثم شهقت : لؤى مين دى

لؤى بصوت عالى: مش وقته افتحى اوضتك هخليها معاكى

ريم : بصدمة ،،وكمان فى اوضتى

لؤى: ريم اخلصى

فتحت ريم غرفتها ،دخل لؤى ووضع همسه على السرير بهدوء وما ان رفع رأسه ،وجد امه وريم ينظران اليه بنظرات كلها شوق لمعرفه هويه تلك الفتاه التى احضرها لؤى بهذه الطريقه

ثريا: لؤى فهمنى ايه اللى بيحصل ده ،والبنت ليه غايبه عن الوعى بالشكل ده، كويس ان ابوك وعمك مش موجودين، كانت هتبقى مصيبه

لؤى : ماهو الكل هيعرف ياامى عشان البنت هتفضل هنا لحد ما تسترد صحتها،،قص عليهم كل ما حدث

ثريا: لو كنت عايز حمايتها كنت بلغت البوليس،مش تجيبها هنا،احنا منعرفش عنها حاجه ولا اخلاقها ايه

لؤى : ياامى البنت بتقول انهم هيأذوا ابوها عشان هربت ،،معنى كده انها وابوها ف خطر ،مينفعش ابلغ البوليس غير لما تفوق وافهم منها كل شئ ،ولحد ده ما يحصل هتفضل معانا هنا

ريم : بس يا لؤى ده مش فيه خطر كمان علينا هنا ،،،طالما بيلاحقوها يبقى اكيد هيعرفوا انها هنا

لؤى: ان شاء الله مش هيوصلوا ليها هنا ،ولو ده حصل احنا هنمنعهم، انا هكلم رعد يبعت حراسه على القصر

ثريا: ليه يابنى كل ده ،انت حتى متعرفش اسمها

لؤى : حضرتك اللى بتقولى كده ياماما ،انتى نسيتى طنط زينب عملت ايه مع بابا ،دخلته بيتها وهيه متعرفش عنه حاجه، مابالك دى بنت لا حول لها ولا قوة
ثريا بتأثر: معاك حق يا ابنى ،،ماشى هنخليها هنا،ربنا يشفيها يا رب ،هتقول ايه لابوك وعمك

لؤى: هقول الحقيقه طبعا ،لازم الكل يعرف ،البنت هتفضل معانا هنا لحد ما نحل مشكلتها،، ريم من فضلك خدى بالك منها ولما تفوق قوليلى علطول

ثم اكمل بجديه: معلش يا ريم انا جبتها عندك لانك الاعقل بينهم وعارف انك قد المسؤليه

ريم: حاضر يا لؤى متقلقش، ثم نظرت الى همسه باشفاق : هيه هتفوق امتا ،،شكلها تعبانه اوى

لؤى: ممكن تفوق كمان شويه، او بكرة الصبح ،،اتمنى تفضل نايمه للصبح
******

عمر: ازيك يا ملاكى وحشتينى اوى ،غبت عليكى معلش ،وقام بوضع الطعام والشراب لها(كان لعمر قفص به عصافير جميله الالوان،من بينهم عصفور يفضله عن البقيه ويميزها عنهم يسميها ملاك لانها كانت حقا جميله ،كان يتحدث معها وكانها تسمع له وتفهم كلامه