همسة_أمل

بارت 32

كانت مروة تجلس مع اخوتها فى الاسفل عندما جاء لؤى
شاهدته همسه ووجهه متورم جرت بسرعه نحوه

همسه: لؤى ايه اللى عمل فيك كده ، ثم أكملت بعتاب انا مش قلت لك متروحش لرعد كده ،انا هروح اجيب علبة الاسعافات

ثريا بخوف: فى ايه يا لؤى ورعد فين ،انتوا اتخانقتوا؟!

لؤى: مفيش حاجه يا ماما ،رعد جاى ورايا دلوقتى ،متقلقيش
ثريا بتشكك فى كلامه: مفيش حاجه ازاى امال ايه اللى وشك ده ،فهمنى
تنهد لؤى بنفاذ صبر : كنا بتدرب من اكتر يا امى

كانت مروة تنظر الى لؤى بكره شديد ،تظن انه السبب فيما حدث لوالدها
جاءت همسه وطهرت جرح وجه لؤى

فى هذه اللحظه دخل رعد ،شاهده ياسين ووجهه متورم ايضا ويديه يبدوا انها ليست على مايرام

فنادى عليهم بصوت جهورى غاضب : لؤى ورعد تعالوا هنا حالا

زياد : استر يارب

ياسين بحده:ممكن تفهمونى ايه اللى بيحصل هنا،وشكم عامل كده ليه ،كنتوا خلصتم على بعض وارتحنا

تنهد رعد بحزن
فى حين قال لؤى : عمى ،صدقنى مفيش حاجه
ياسين: انت تسكت خالص ،انا كنت بعتبركم القدوة للبقيه

،ثم نظر لرعد :تقدر تفهمنى ايه اللى عملته مع نور ده ،تطلقها يا رعد ،انت يارعد تعمل فى بنت عمك كده،ازاى تأخد قرار زى ده من غير ماترجعلنا

اخفض رعد رأسه الى اسفل : انا اسف ياعمى ،انا غلط وهصلح غلطتى ،انا كنت....قصدى سوء تفاهم

ياسين: باستخفاف ، سوء تفاهم،يخليك تطلقها ،ورينى هتصلحه ازاى ،ثم نظر الى عمر :وانت يازفت تعالى هنا

عمر: استر يا ستير،،نعم ياوالدى

ياسين: وانت كمان،ايه حكايتك مع ريما،البنت جت لى وطالبة انها تنفصل للمرة التانيه وشكلها كده بتتكلم بجد

نظر رعد الى عمر بدهشه فى حين أن لؤى وزياد يعرفون السبب

اخفض عمر رأسه بحزن: مفيش يا بابا خناقة بسيطة،وهطلع اصالحها حالا

صرخ بهم ياسين:انا مش عارف ايه حكايتكم ،ايه اللى حصلكم من امتا وانتوا بالقسوة دى ،اسمع انت وهو بنات البيت ده خط احمر لإما تحطوهم فى عينيكم ،لإما تبعدوا عنهم وتفضوها سيرة وتركهم ورحل

صعد عمر الى اعلى حيث غرفه ريما
ظل رعد كما هو يفكر في الخطوة التالية،جاءت اليه مروة ورتبت عليه بحنان ثم تركته واقتربت من لؤى على حين غفلة من الجميع،وضربته على وجهه وهى تقول:انت انسان شرير اوى،انا مش بحبك ابدا
تفآجأ لؤى وفتح فمه من الصدمة وكذلك فعلت الفتيات،همسه وريم وجودى وزينه
نهرها  رعد :مروة ايه اللى عملتيه ده ،اعتذرى حالا
مروة: لا يستاهل ،،شايف عمل فيك ايه،وهو السبب فى اللى حصل لبابا ،،انا مش مسامحاه ابدا