همسة_أمل

قصر الصياد بارت ١

كانت تجلس فى القاعه الخاصه بعمل همسة حيث توجد بها العديد من اجهزت الحاسوب المختلفه الانواع والاشكال والاحجام ايضا التى تعمل عليهم همسه فى مجال برمجيات الحاسب
مرام (فتاة فى الحاديه عشر عاما)وهى تدون ما تقصه لها همسة عما حدث معهم منذ سنوات مضت _ها يا عمتو همسة كملى ،احنا وقفنا عند لما عمتو منه رجعت لجدو يا سين خلاص وحضرتك ربنا نجاكى وصحتك اتحسنت ورجعتى القصر تانى ،ايه اللى حصل بعد كده

همسه بتذكر _ياا يا مرام على قد ما كانت ايام صعبه بس كانت ايام حلوة اوى والحمد لله ربنا كرمنا فى الاخر
هحكيلك ياستى ايه اللى حصل بعدها

مرام بفرحه غامرة_وانا متشوقه اسمع ايه اللى حصل بعد كده ،

همسه وهى تحكى ما حدث قبل اربعه عشر عاما
________________
######

كان الجميع فرحا بنجاة همسه وعودتها للحياه من جديد وكذلك بعودة منه الى ابيها ليقر عين ياسين ومرفت بها بعد انتظار طال لاكثر من ثمانيه عشر عاما
كان جميع من بالقصر سعيدا بعودة الاوضاع لمجراها الطبيعى دون وجود اى ضغينه او شىء يعكر صفوها

لذا قرر الجميع بعد ان استعادت همسة ولؤى صحتهم ،التخطيط للزواج

جلس الشباب معا فى الحديقه ليتفقوا على امور الزواج

لؤى_انا قررت انى اتجوز

زياد ومازن _احنا معاك

رعد _واكيد انا كمان

عمر وكريم _واحنا طبعا ،معاك

لؤى_كريم انت لسه بتدرس وجودى كمان هتتجوز ازاى استنى لما تخلص

كريم بضيق_ياسلام وفيها ايه ،عادى

زياد _وهتصرف على البيت منين يا ذكى وانت لسه مش بتشتغل

كريم_صدق صح ،بس مليش فيه انا عايز اتجوز زيكم

عمر_ياشيخ اتلهى ياشايفنا عارفين نتنيل مااحنا لسه بنشوف اهو

لؤى_ تمام اللى جاهز حاليا ،انا وزياد ومازن وعمر

رعد بعصبيه_ وانا قدامك خفى يا استاذ لؤى ولا ايه

لؤى_رعد انت ناسى ان نور لسه بتدرس

رعد _وايه المشكله ،هتكمل بعد الزواج عادى

فرح كريم فى رعد كثيرا _ايوة هو ده الكلام

رعد بحدة_كريم ،بلاش انت

كريم بتراجع_وانا مالى لؤى اللى بيقول

رعد _لؤى ،انا الكبير هنا استحالة استنى بعدكم

مازن_ياشباب ،انتو ناسين شىء مهم

نظروا له الجميع باهتمام ،فاكمل مازن_ هنتجوز فين

عمروكريم_هنا فى القصر طبعا

مازن ولؤى ورعد فى نفس واحد_لا طبعا