همسة_أمل

بارت 4

انتهى الاسبوع وعاد طارق وثريا من السفر
وجاء ياسين ليعلم القرار الاخير فيما يخص ريما وزينه
استدعى طارق البنتين وسالهم عن رايهم
ياسين : ها يا زينه لسه عايزة تكملى مع زياد
خجلت زينه واخفضت بصرها وقالت : زياد زوجى واحنا متفقين الحمد لله
ابتسم ياسين وقال : طيب الحمد لله ،وانتى ياريما عايزة تكملى مع عمر
ريما: انا اسفه يا عمو ،حضرتك عارف رأيي من الاول
طارق: يعنى رايك متغيرش خلال الاسبوع ده
نظرت ريما الى عمر وعينيها تتطاير غضبا: لا ده اكدلى رايى يا عمو
ياسين : وانت يا عمر
عمر بتحدى لريما: انا معاها فى رايها يا بابا الظاهر اننا مش مناسبين  لبعض
كانت ريما ترفض عمر ولا تريده ،لكنها حزنت عندما اكد كلامها ولم يتمسك بها ،لكنها لم تظهر هذا
********
المتصل1: عايزك توصل لمراد قبل ما هما يوصلوا ليه فاهم
المتصل2: بس ياباشا محدش يعرف له طريق
المتصل1:اقلب عليه الدنيا ،اتصرف،والا انت عارف ايه اللى هيحصل لك
المتصل 2: علم وينفذ ياباشا

*****
فى بيت زينب

رامى بصراخ: اروى أنا قلت لك متكلميش البنت دى ولالا

اروى بانفعال: ليه ،ليه الكل بيعاملها كده،حرام عليكم كده

رامى بغضب: عشان اهلها نصابين ،والكل عارف ده

اروى بحزن: بس هيا غيرهم، منه مش زيهم ليه محدش راضى يفهم

رامى وقد امسك بكتفها: اسمعى انتى تعملى اللى بقولك عليه ،انتى لسه صغيرة ومش فاهمه حاجه ،متعرفيش اللى زيهم بيتلونوا ازاى

اروى بغضب وقد سحبت يدها: وانا مش هتخلى عنها مهما حصل ،انتوا متعرفوش هيا بتعانى قد ايه ، بتعانى مع اهلها عشان عايزينها تشتغل معاهم  وهيه بترفض،بتعانى من كلام البنات عليها فى المدرسه ،والكل بيتجنبها ،مش ذنبها ان اهلها كده، مش ذنبها انها غيرهم، حرام سيبوها فى حالها بقا
ثم نظرت لامها برجاء: منه انا لو سبتها هتضيع ،هتكون لوحدها وممكن تضعف وتعمل زيهم
رامى وقد قلل من حدته: اروى انا خايف عليكى من كلام الناس ،الناس هنا مش بترحم حد
اروى : ميهمنيش كلام حد ،طالما مش بعمل حاجه غلط ،هيفيدنى بايه كلام الناس لو منه ضاعت منى

تدخلت ياسمين: اروى انتى متاكده انها غيرهم ،مش يمكن بتضحك عليكى

اروى: متاكده طبعا يا ياسمين ،منه صاحبتى من ابتدائى ومشفتش منها حاجه وحشه ،طول عمرها كانت بتقابل الاساءه بالحسنى
تعرفى لما بدات تطلب من اهلها يبطلوا اللى بيعملوه ده ، هددوها انهم يطردوها من البيت لو فتحت بؤقها بحاجه ،كتير كانت بتفكر تسيب البيت ،لكن هتروح فين متعرفش اقارب خالص
مينفعش اسيبها

زينب وقد رقت لحال صديقتها:يا حبيبتى يا بنتى ،ربنا معاها ،خليكى جمبها متسيبيهاش ،مش هيكون احنا والزمن عليها