همسة_أمل

بارت 11

سمع حوارها مع جودى وعلم انها ستكون بالقصر هذا اليوم ولن تذهب للجامعه فقرر ان يتأخر قليلا عن الشركة ليتحدث معها، وخاصه ان لؤى فى الشركه ينجز عمل مهما

******
خرجت  جودى لتلحق بريما وزينه لتركب معهم للجامعه ،فلم تجد احد ولا اثر للسيارة
قررت الاتصال بريما
جودى: ريما انتوا فين ،اوعوا تقولوا انكم مشيتوا وسبتونى؟!
ريما بلا مبالاه: انتى اللى إتأخرتى ،اتصرفى بقا
جودى: دون خمس دقايق كنت بشوف نور مش جايه النهارده ليه ؟
اعمل ايه انا دلوقتى

ريما :عادى بقا ياجيجى ،اركبى تاكسى
جودى بغضب: والله حرام عليكى ،كل مرة تعملى كده وتقوليلى اركب تاكسى ،طب والله لاقول لرعد يجيب لى عربيه
ريما: انا وصلت سلام
جودى: ماشى يا ريما ،،اووف
كان كريم فى طريقه الى سيارته فسمع مكالمتها دون عمد منه

كريم: وتركبى تاكسى ليه وانا موجود
ارتبكت جودى من وجود كريم ،هى لا تريد الاحتكاك به وخاصه بعد ما ظنت انه يريد خطبة اختها ،فقالت : شكرا يا كريم ،تقريبا عربيه رعد لسه هنا ،هطلع اشوفه

كريم: استنى ياجودى ،انتى بقالك فترة بتتهربى منى ليه،انا عملت حاجه زعلتك
جودة بحرج: لا ابدا ، عادى مفيش حاجه

كريم: طالما مفيش حاجه،اركبى يلا عشان اوصلك ،رعد شكله مش هينزل دلوقتى ،وانتى كده هتتأخرى
جودى : انا اسفه ،مش هينفع ،عن اذنك ،فهمت بالذهاب فاعترض طريقها وراته يتحدث فى الهاتف

كريم:ايوة يارعد، ريما وزينه مشيوا قبل جودى ،،بستأذنك اوصل جودى لانها أتأخرت
رعد عبر الهاتف: مفيش مشكله، خد بالك منها ياكريم ،مفهوم
كريم بفرحه : مفهوم طبعا يا وحش
جودى: من من فضلك عدينى
كريم : انا كلمت رعد استأذنت منه،اظن مفيش عندك حجه
جودى بنرفزة: انت ازاى تعمل كده ،انا مش عايزة اركب معاك
كريم: جودى من فضلك اركبى، عايز اتكلم معاكى
جودى بحدة : كريم ان عايز منى ايه ،لو سمحت سبنى فى حالى
كريم فى نفسه زى ما كنت حاسس ثم قال بحده: قلت اركبى مش هنفضل واقفين كده كتير
جودى بحده مماثله: وانت مش هتجبرنى على حاجه مش عايزاها ،انا مش هركب معاك
اخذ كريم نفس عميق ليتحكم فى غضبه: ماشى يا جودى زى ما تحبى ،اتفضلى اوقف لك تاكسى
اوقف لها تاكسى وظل يتبعها بسيارته ليطمئن انها وصلت بامان

كانت جودى تريد ان تقطع على نفسها اى سبيل قد يلين قلبها من جديد ،فهى اقسمت ان تفرح لفرح اختها ريما دون وجود حائل فى قلبها بينهما
اما كريم فقد عزم على التحدث مع رعد بشأن خطبة جودى
******
نور: ريما ممكن ادخل ،عايزة اشوف البنت متشوقه جدا
ريم باستغراب: نور ،انتى لسه هنا ،وملبستيش ليه ،هتتاخرى على الجامعه
نور: لا ما هو انا عطيت لنفسى اجازة النهارده عشان اتعرف ع البنت
ريم بعدم تصديق: بجد انتى ملكيش حل ،ماانتى لما ترجعى هتتعرفى عليها
نور: مبقيش رخمه بقا يا ريم خلينى ادخل
ريم: يابنتى هيه لسه نايمه ، لما تصحى وامهد لها الموضوع هخليكى تشوفيها ،انتى نسيتى حالتها
نور بامتعاض: امممم ،طيب
********
نروح عند زياد وزينة