نسختي الرمادية

حلقة 2

#نسختي_الرمادية 🖤✍ حلقة 2

وإحني مروحين بالسيارة ،، قلبي غامني ويعصر فيا عصر💔 خايفة من بابا وخوتي 😭 قلت تراهم يتحلفو فيا وحيضربوني ،، شن بنقوللهم وشن بندير 😣
قعدت نجهز ف كلامي اللي حنقوله ،، خايفة من تكشيخهم والله ما نتحمل 💔🥺
بنقوللهم هربت من عمي ؟؟ ولا نقوللهم شبحت خانب وجي بيقتلني ف اني هربت 😭 تي اني منندريش على روحي حتى كيف ركبت فالسيارة ومشت بيا 🤦‍♀️😤
عمو الراجل/ السيارة وقفت بينا 😣
اني خفت وزاد توتري ،، فاتت نص ساعة واني مسبوهة وشارذة 😔 لين جي خوه وروحو بيا وجت رافعة قامت السيارة

وصلت لشارعنا وقلبي متطبّق 🥺 نشبح ف جدي و ولاد عمامي وخوتي واقفين وعمامي والشرطة
حي شكله الموضوع كبر ،، 😱
نزل عمو الراجل ونزلت معاه
بويا شبحني وكان وجهه ميتفسّرش
عمو الراجل/ لقتيها لابدة وراء السيارة وطلعت بيها و منندريش😣 ،، سامحوني رعشتكم على مافيه شيء

اني جيت نمشي بخطوات مهدودة ،، روحي تنزف وقلبي متقطع ،، بابا يقرب مني وأني نقرب منه ❤
جي ملاذي وجي حضني الدافيء،، جي سندي اللي حاميني
أهو بيمسكني وبيطبطب عليا 😌❤ اهو بنحظنه وبننسى اللي شفته ،، 😍
جيته نجري ونبكي ،،
ويعطيني كف👋 لين طحت عالأرض
جدي/ متمسهاش يا عادل،، متضربهاش😤 💔
عمي مفتاح/ خلتتربى 😡 دارتلنا العار 😤
اني نشبح لبابا ونبكي😭 ،، نشوف لسراج ❤ حب قلبي اللي يشبحلي ومتحشمة كيف ضربني بوي قدامه ،، انحرجت قدام الكل وقدام عمو الراجل 😣
نزلت عيوني لوطة وخانقتني العبرة وجهي احمر وعيوني نااااار 🔥 شدني بابا من شعري واني نبكي ،، وجي عمي خليل
وناض يكشخ عليا وضربني ويقوللي هربتي من الحووش 😡😡 اااه ،، تسكري عليا الباب وتهربي يا حيوانة 😡😡
مفتاح/ بري خشي الحوش وحسابك بعتالي
الراجل/ والله ما تستاهل ،، مرات تلعب ولبدت ومتندريش ..
عادل/ سامحني ي وخيي بالله عليك تعبناك معانا ..
الراجل/ معش تضربها بالله عليك 💔
عادل/ نحسابه خطفوها ولا ابصر وين راحت ،، قسم بالله قريب متت 😔💔
اني نشبح لخليل كيف مخلي روحه عادي،، ويكشخ عليا قدامهم 🥺 جلادي اللي قتلني بيده ،، طلع بطل قدام عيلتي ،، وركّب اللوم عليا👌🏻😔
مسكني خليل بقوة قوته وقعد يكركر فيا يبي يدخلني الداخل ،،
اني/ معش تمسني ،، سيبني 😭
خليل/ هكي اتردي عليا الدوة اااه 😡 لسانك يبي القطع هااااه 👊🤛 وهاااااه 👊👊 وهااااااه 🤛🤛👊 واني نعيط من الضرب ،، جي سراج وجدي يحزو بيناتنا واني نعيط بقوة قوتي انهررررت 😭😭
طلعت أمي وجداي وعماتي ونساوين عمامي واني انقز من مكاني ونعيط نحس بخنقة وضبابة ع عيوني .. ونطيح ويغمى علياااااا ،،،
،
،
،
،
،
قعدو يفيقو فيا و وجهي كله مية💦 ،، يكلمو فيا واني مش قادرة نتكلم ،، قلبي يغلي💔 ومعصور 😔
حاسة باختناق شديد نشبح لعمامي وعيلتي كأن شبحت شياطين 🔥🔥

امي تكلم فيا وتبكي منردش علاها
بابا يكلم فيا ويقوللي سامحيني منردش عليه
خوتي التلاتة .. منردش عليهم
،
،
،
،
خفّت الزحمة ،، وروح كل واحد لحوشه ،، استمرت عليا نوبة البكاء اللي نعاني منها والانهيار الشديد حتى فالليل متأخر ..
منندريش حتى كيف صار،، فجأة لقيت روحي ف مكان فالشارع ..
أني وين ؟!!!
وشن هالمكان؟؟؟؟!!!
جردينة ع طريق السريع قعدت مقعمزة تحت شجرة وخايفة،، نشبح لكلاب الشوارع تنبح وتتعارك ف بعض
اني خفت ،، وفنفس الوقت حسيت بروحي ف حلم اعصابي متخلبطة ،،، ورقبتي توجع فيا من كتر البكاء وغصة العبرة 🥺💔
بس عجبني الهدوء والمكان🖤✍ جلادي مش معاي واللي ضربوني ومدو يديهم عليا بعيدين عليا،،
نبي نهرب ومعش نبي نشبح خليقة حد 👌🏻
،،
،،
جي الصبح
**/شن اديري هنايا ؟؟
اني مرديتش عليه وهوا يحاول يقيمني ويفيقني كان مصاب بالهلع والصدمة اما اني قعدت نتكاسل ونرعش من الصقع🥺
**/ يا ماما ردي عليا خيرررك؟؟ شن اديري هنايا؟؟
اني/ نعرفش 🥺 اني وييين 😭😭
رفعني للمصحة ،، وكل مرة حد يخش يكشف عليا
الدكتورة/ هادي عندها حالة انهيار وقاعدات الأعراض ضاهرات عليها ،، تو ندخلها لدكتور نفسي ..
الراجل/ تعرفي رقم امك ولا بوك ؟؟ انتي عندك اهل؟؟
أني مقدرتش نتكلم فمي مسكر ونحس ف روحي ف عالم تاني ،،
دخلوني ع دكتور نفسي وقعد يحكيله كيف لقاني
قعد يكشف على دقات قلبي وشاف لبؤبؤة عيني وتحاليل .. لقى عندي انزيمات مرتفعة الخاصة بالأعصاب
الدكتور/ هادي عندها متلازمة التخيل جتها زي الصدمة وخلتها يا اما تهرب من حوشهم وهادي ديما تصير لأغلب الحالات ويفقدو النطق ،، يا اما تقعد تتخيل ف اشخاص مش موجودين .. بس هيا متتخيلش يعني حالتها زي النسبة الشائعة
الراجل/ وكيف حنوصل ف اهلها ..
الدكتور/ توا نضربلها يبرة لين تبدا تتجاوب معانا،، وكان عجزنا نصوروها وانزلوها ف الاخبار .. ونفتحو بلاغ ..
الراجل / تمام
،
،
،
الدكتور/ شن تحسي توا؟
اني/ نبي ماما 😭
الدكتور/ حافظة رقمهم
اني/ ايييه
اتصل الدكتور بيهم وشرحلهم ع وضعي