نسختي الرمادية

حلقة 3

#نسختي_الرمادية 🖤✍ حلقة 3

_________________________
_______فاتو سنين _______________
______ و كبرت 👇🏻_____________
_________________________

وفالسنين هادو كنت مررة مرررة صحاب بابا فالإذاعة يعطو فيا ف دور نمتّل فيه ولاّ نتكلم بصوتي ف شخصية كرتون لبرامج رمضانية يجيبو فيها عالتلفزيون🙃❤

ومن كتر ما نحب نتكلم عالمايك بديت ف اذاعة المدرسة نعطي ف برامج صباحية وندير ف فقرات 😍
معاي إزدهار زميلتي كانت شغوفة بالتقديم زيني .. أما رويدة و رحمة كانو يقولولي مبعدك كيف إنّ متفوقة ف قرايتي و ندير ف برامج ومعبية وقتي ..
كنت من صغري مخططة لمستقبلي بأدق تفاصيله و بانية أهدافي درجة بدرررجة 👌🏻🔥

------------------------------------------------------------

أمّا خليل تزوج وعنده ولد 7س وبنت6 س

و جدي عمر مرض بالقلب بدي كل يوم التالي 💔 قعدت نمشيله ونهتم بيه..
عمي مفتاح يزن على جدي يبي يقسمو الورثة والأراضي وهو قاعد حي بش ياخد الأرض اللي بحدانا وإحني القطعة هادي ضامينها لحوشنا عاد حاط عينه عليها 🤷‍♀️ مشى صار عراك بينه وبين بوي قاله شاريها من جدي عمر بالفلوس ومخلصه غر جدي مزال متنازلاش بالورق قاله نعطيك حق ما خلصت فيها وبناخدها ف متفاهموش 💔👌🏻

معتصم تخرج من برا و روح لليبيا 🇱🇾وبدي يخدم دكتور ..

مالك كمل قرايته وتخرج من المحاسبة بدي يجهز ف نفسه بش يسافر و يستقر البرا ف مالطا حصل من يدعمه ف الملاكمة

زيد يقرا فالجامعة هندسة اتصالات

------------------

فيوم كنت فالمدرسة و جت الإستراحة ،، طلعت اني و رويدة و رحمة وباقي البنات كنا مدايرين خلّيطة
نزلنا ف الساحة فرشنا المفارش ع العشب وبدينا نحطّو ف الاكلات ،، ورويدة ورحمة يراجو ف البيتزا اللي اني مطيبتها بيديا يبو يذوقو تطييبي
قتلي رويدة سعدودك تعرفي تطيبي تعلمتي بكري
قلتلها خديت ع المسؤولية خلاص 14 سنة هوا هذاكا كبرنا 😊✋🏻
قعدت رحمة تقولي ردي بالك تتعلمي بعتالي يقعدو يندهو فيك عالحاجة عيشي حياتك مزااااال
قلتلها حمد لله عايشة حياتي واللي ندير فيه مساعدة لأمي منبيهاش تتعب ..

ف سني ،، كنت مختلفة ع جيلي بكل شيء👌🏻

كنت نبي نكبر ،، وهما يبو يقعدو صغار
كنت نشيل ف المسؤولية ،، أما همّا يتهربو منها
كنت نحب انوض بكري،، و هما ينوضو متأخر

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

كنت لابسة بوتيل جلد بني طويل طلعت من تحته تيليفوني النوكيا القديم جايباته بالدرقة 😁 وقعدت نصور أني والبنات و وحدة تعس علينا بش ميفرمطوش فينا البنات الشوشيدات..