نسختي الرمادية

حلقة 5

#نسختي_الرمادية 🖤✍ حلقة 5

أحبائي قبل كل شيء ،،💜💜 و قبل متقري✋🏻
ديري نجمة 🌟🌟 للدعم وتعليقك عالرواية☺ نبي نعرف اللي متبعتني أول بأول 😘😘

السرد👇🏻👇🏻

كنّا مكسدين أني وأمي وبوي و زيد نتفرجو على مسلسل العمارة😍 و مالك يتدرب ف غرفة مدايرها زي صالة جيم.. اما معتصم ف طالع مع صحابه

اشرلي زيد عالتلفزيون وقعد يوشوشلي : غر ركززي ركززي .. مش رجب نفس حركات عمي مفتاح 😂 ،،
قعدت نضحك وقتله نفس الملة دينهم فلوس ونصبات 😂 ..
بوي: خيركم تضحكو شن تقولو..
قعد زيد ساكت لكن اني نوعيتي منسكتش بكككل 🤣👌🏻 قتله بشبحة مكر 😁 رجب اللي فالمسلسل يشبه لواحد 😉.. أمي سكتت وزبطتني نلقّح قعدت تفنص فيا🤨 .. مشى بوي قالي اكيدة لعمك مفتاح 😁 قتله والنبي مش نفس حركاته هههه ... مشى قاللنا بوي جملة مستحيل ننساها 💔
•• قال
فكل عيلة تلقي فيها نوع زي رجب 👌🏻🔥يبي يكون هو المسيطر وكلمته اللي متطيحش ،، يحب شعور انه يصفقوله و مكبرين بيه 🔥يكسب فالناس بالنفاق والمجاملة واللسان المصري ،،
قعد الجرس يرن .. نضت بنشوف لقيت عمي مفتاح 😂

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑
قالي ناديلي على بوك نبيه البرا .. قتله تمام
خشيت قتله بابا بااابا .. قالي نعم .. قتله عمي مفتاح عمره طويل اهو عالباب يبيك ..
طلع بوي وخلانا مقعمزين .. ناض وقف زيد وشبح من الروشن وقال اكيد على نفس الموضوع 🤦‍♂️ اهو عمامي التلاتة البرا ..
قتله امي ربي يهدي ان شاء الله ..
تم المسلسل نضت وقعدت نحوس
خطمت من بحدا غرفة مالك الرياضية 🔥🔥
نشوف فيه واقف قدام كيس الملاكمة
كله عرق ،، داهش ،، يلقط ف أنفاسه
عضلات بطنه السكس باك يتحركو مع كل نفس💜
قعد يشحط ف القفاز و كمل تدريبه ،، يضرب فالكيس بقبضات يده و مرة برجليه .. لين دهش تاني
قربت منه وقتله .. ياسرك خود راحة .. قداش ليا مشفتكش لا طلعت اتدهورت ولا قعمزت حتى رويحة ...!!
••• قاللي اللي يبي يوصل لأهدافه ميرتاحش✋🏻🔥
قتله أكيد لكن حتى نفسك عليها حق ،، قاللي خليها فسرك 😣 مشى قام من فوق الطاولة زي الكيس فيه من تالي قبضة قاللي تعالي شدي الكيس وطبعا زي كل مرة نقعد واقفة وماسكة بيديا الزوز وهوا يقعد يضرب فيه واني نرعش خايفة تجيني ضربة 😂
قتله رد بالك تنوشني لا تخربلي ديكور وجهي ...🤪 قاللي عالاقل بعتالي يبدا وجهك مزوق بالوان طبيعية 🙃 قتله كان عالأزرق يا ودي ما نبيه لكن كان احمر مدبيا 😂😂 قعد يضحك .. قتله سادك خلاص دوري خاطري حتى ني بنتعلم..
قعد هوا ماسك الكيس واني لبست القفازات وبدي يوري فيا كيف نسكر ف قبضات يدي ..
ضربت الضربة الاولى يدي وجعتني😭 قتله خيره الكيس يابس هلباااا.. قاللي امالا شن تحسابيه 😑
قتله ماشاء الله عليك الحق كيف متحمل ،، قالي باهي تعالي اضربي على كيس الملاكمة ..
وقفت وقعد يقولي لا متوقفيش هكي ومديريش هكي .. افردي ضهرك وساوي قبضة يدك وميول كتافك .. قتله كيف بنركز على هذو الحاجات كلهم 😤
قالي شن تحسابيها غر اوقفي واضربي وخلاص ،، هادي الرياضة تنقرا حتى القرايا 😑 قتله باه .. قعدت نضرب ونعاود مرة بيديا ومرة برجليا .. قتله هاه شن رأيك
قاللي مبدئيا كويس ،، عرق الملاكمة يجري فدمك طالعتيلي 😆😉 قعدت نضرب تاني .. قاللي خلاص سادك قتله لا خاطري نزيد تاني ..🥺
قاللي ريتي كيف ؟؟ الملاكمة لما تمارسيها مرة معش تقدري تسيباها .. الملاكمة تعلمك هلبااا حاجات
قتله زي شنو ؟؟ قاللي تو لما تبدي كل مرة تجربي فيها تو تعرفي شن حتتعلمي منها 🔥👌🏻
قتله تمام .. بس حسيت بالضغط والطاقة السلبية كلها تنحت😌 نفست عليا هلبااااا ... قاللي أكيدة تتخايلي في الكيس معتصم هههههه
قتله والله لا .. لكن فكرة 😉💡 فالجديد يدرهلي كبدي نقعد نضرب ونتخايله هوا ههههه
...
.....
........
...........
................
الكاتبة|:- 💜 خ ـــلـــود شــــــــــلابـــــي 💜