نسختي الرمادية

حلقة 38

#نسختي_الرمادية 🖤✍ حلقة 38

#ملاحظة ... جماعة الساليطة بخصوص غريان خوان 😁 كملو باقي الرواية وتو تعرفو علاش .. باهي شن بندير هكي وصلني الكلام من صاحبة القصة بالحرف الواحد واني تعمدت نحطه بش ف نهاية الرواية نوضحلكم الغاية والغرض 🥺💔 أني معمريش تنمرت ولا جبدت منطقة .. ومتاكدة حتعجبكم ف الاخير ❤😘

نبدو فالسرد 👇🏻👇🏻👇🏻

حدفت التيليفون ونضت نلود ف هديكا الدار 😭 قلبي ناااااار 🔥🔥 و رقبتي تسطّر فيا من كتر ما خانقتني العبرة💔

نحس ف روحي نحلم 🥺 مش قادرة نصدق معاوية ايدير فيا هكي مستحييييل 😭😭
كلهم يخونو إلا هوا ..
كلهم كذابين إلا هوا ..
تي كان واقف معاي أكثر حتى من خوتي ،، و ف الاخير يرخي بيا بدون سبب!!؟ .. لالا 😭😭

عاودت اتصلت بيه من رقم تركيا نلقى فيه مقفل.. والنت مسكّر ...
شن بندير ياااا ربي 😭😭

فكرت نتصل برحمة ولا رويدة .. بس ترددت 😣
قلت هما توا متزوجات و عيب نشغلهم فهالليل ..

ملقيت روحي إلا طالعة من داري ونازلة للجردينة نبكي 😭 ..
كنت مخنوقة من الحوش .. نبي هواااااء ..
هواء ..
شيء ..
اي حاجة تخليني نفيق من اللي صار ..

رقدت عالعشب و ف عز الصقع .. ثانية رجليا وضامتهم بيديا وكأني نحضن في نفسي ونصبّر فيها 😭
جسمي سخن .. و رقبتي خلااااااص ..
فاتت النص ساعة لين صقعت و بديت نرعش مع بعضي😔
فتحت سيارتي وقعمزت فيها ..
المهم منبيش نرجع لدااااري .. منبيهاش 😭

قعدت نتأمل من روشن السيارة .. و شوية شووية حتى بدت المطر تصب 💦 لين تقوّت ...
نتأمل ف المطر وريحة التراب المبلول وأني نرجف ..

حسيته حيكون شتاء قاسي عليا .. شتاء حنصقع فيه ولو تغطيت ب مية بطانية ..👌🏻 لأن قلبي هو اللي تجمد خلاااااص 🥺💔...

قعدت نرعش و مرة مررة نتدروخ 😣 مش
قادرة لا نرقد و لا نتحرك .. فشلت مع بعضي 💔 ..

أذّن الفجر طلعت ورجليا يابسات نحرك فيهم بالسيف ..
خشيت للحوش.. الدنيا كلها ظلام وهدوء .. بس بداخلي فوضى عارمة و دوشة.. و ميعلم بحالي الا ربي ..💔

مش عارفة حتى كيف ركبت للدار .. 🤷‍♀️

صليت الفجر والصبح .. و خشيت لسريري ..

هادي أصعب ليلة نمر بيها ف حياتي ...

كنت نحس ب روحي مخنوقة و حنموت ..
الوقت بطيئ ... روحي تحتضر 💔 ...

جي الصبح

وأني مرررة نسهى .. و مررة تجيني الغفطة وانوض مخلوعة😣.. و مرررة نتخايل ف تيليفوني يرن ونقول أكيد حنلقاه معاوية❤ زي كل صبح يتصل بش يصبّح عليا ويبعتلي مسج ..!!
قمت جهازي .. ملقيت شيء 💔