نسختي الرمادية

حلقة 41 والأخيرة

#نسختي_الرمادية 🖤✍ حلقة 41 والأخيرة ⭐

قلتله فيه سؤال من مدة طويلة يخطر على بالي ونبيك تجاوبني عليه بصراحة ..

قالي .. شنو ؟

قعدت متلبكة😥 و حايرة كيف بنعاتبه على شيء من سنين فاتو ،، 💔

قررت نحتفظ بعتابي لنفسي و قلتله : تعرف اهنايا زحمة 😅 خلينا نمشو جيهة النافورة فاضية مفيهاش هذيكا الزحمة ..
قالي... هي ☺ ..

___________☆خلود K••Sh شلابي☆___________

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

قعدنا نتمشو .. و نشربو فالقهوة عالطريق

اني نمشي معاه و مرة مرة نشم فالوردة .. ريحتها تهبببل 🌹

قالي.. شن وضعك توا .. و كيف حال اماليك؟
قلتله.. بخير كويسين الحمد لله 😅 بنجري على وراق امي الفترة الجاية بنجيبها تقعد معاي ..
قالي.. ربي يحفظهالك ان شاء الله ..
قلتله.. سلمك

وصلنا عالنافورة .. قعمزنا وقعدنا نهدرزو
حاولت نجبد منه الدوة على حياته و على سبب طلاقه .. لكن كان التوقيت مش مساعد ..
طلبت منه يشتغل معاي هو و عبدو .. ف رفض
قالي.. اني اموري الحمد لله منبيش نتعبك معاي
قلتله.. تعب شنوو!! اني نبي ناس نوثق فيها و مش حنلقى خير منكم .. و بالشوي شوي لين اديرو وراقي .. بالله عليك متعارضش معاذ ..
قالي.. و الله ما نعرف
شديت فيه .. و قتله زيد فكّر كويس.. 🥺🥺 و كلم عبدو معاك 🥺
قالي.. ان شاء الله..

خطمو بحدانا زوز متزوجين راجل كبير فالسن و مرته..
كلمونا يبونا ناخدولهم صورة 📸📷
مسكت الكاميرا و دروحني بنصوّر 😋..
قعدت نديرلهم ف لقطات 😂 ديرو هكي .. و تفرجو اهني و اشبح لهكي وقيملها هكي ..
جاني معاذ .. و قالي غر هاتي جاي و انتي شورك زي عبدو بالك واسع 😂😁
قعدت نلاحق فيه نبي نشوفهم كيف طالعين عالشاشة ..
قالي .. غر راجي نصور و نوريلك يا درية 😉
قلتله.. القصر هيبة 😎 و الطووووول نقط .......
قالي.. نقط؟؟ 🤔 غر دقيقة و تو نلهى بيك ..

مدلهم الجهاز .. مشى سالتهم اما احسن لقطات متعي و لا متعه ..؟
قعدو يقولولنا الزوز ..
مشى شديت فالصحيح .. و قلتلهم اختارو احلى صورة و مش حنزعلو ..
قعد معاذ يشبحلي و يضحك 😁
قالي.. قصدك مدايرتيه تحدي ؟؟
قلتله.. ايه ..😎 لو فزت حتوافق عالعرض توا ..
قالي.. و لو فزت اني امممم شن بنطلب زعما 🤔 ولا نقولك !!! لما نفوز تو نفكر في شرط مليح ..
قلتله.. تمام .. 😁
قعدنا نراجو فيهم يختارو اما احلى صورة .. و اني نقوله وتي روحك 😁
مشى قالولي لقطاته هو احسن من لقطاتي
اني قلتلهم كيف 😱 ..
قالي.. غلبتك 🤪😋😂

..
..
رجعنا عالنافورة ..
قلتله.. معاذ بالله عليك 🥺
قالي.. خلاص نشوف عبدو و وضعي و نرد عليك..
قلتله.. وين تسكن توا ؟
قالي.. مأجر حجرة اني و عبدو وستة ولاد ..
قلتله.. أها ..
شبحت لدفتر رسوماته ..
مشى قلتله.. تره هات نشوفه
قالي.. بعدين خليه توا
حسيت بحاجة غلط وانه يتهرب ..🙄
قلتله.. لا نبيه توا اني
قعد يدس فيه بين ايديه و اني نضت وقفت قدامه نجبد فيه منه ..
يقولي .. راهو يتمزق 😰..
قلتله.. مدامك متبيش تعطيه خليتمزق 😤😡
فلت الدفتر من ايديه .. و اني قعدت انقز فرحانة و نغيض فيه 😜😛
رجعت قعمزت بحداه و نشوف ف رسماته 😍
قلتله.. الله 😍😍