#نسختي_الرمادية 🖤✍ حلقة 25
وف عز الضرب والطرايح .. افكار ترفع وتجيب .. زعما حاتم حكاله حاجة ؟؟!
زعما بشير شهدر بيا 😭😭 ؟
معتصم: تكلمي يا كلبة ..
قتله شنووو ؟؟ 😭😭 قالي تيليفونك هذا ؟؟ 😡🤬🤬
قتله والله ما ليا .. والله ما متعي 😭😭
قالي مدايرة بيلة للولاد و كرتك وتعالى يا ساقطة يا خامرة ااااه 🤬🤬 والله اليوم الا مانقتلك
قتله والله ما أني .. مش ليا الجهاز .. 😭😭
ع قد ما حلفت وتجديت لكن كان زي الثور الهايج و ع قد ما حاولو يفكوني منه مقدروش 💔
الكاتبة|:- 💜 خ ـــلـــود شــــــــــلابـــــي 💜
👑🎶Kd Sha La Bi🎶👑
من كتر حرارة الوجع ،، تخدرت 💔
الضرب معاش نحس بيه ،، كل اللي صار وكل اللي نشبح فيه إنّي طايحة وقلبي يغلي ناااااار 🔥🔥 ..
حسيته بأي لحظة حيوقف.. و يا ريته يوقف بش نرتاح 😔
امي تعيّط تقوله خلاها ،، وزيد يقوله مش هكي خلينا نتأكدو
معتصم يكشخ ويقوله اهو ارقام الولاد والرسايل ..
زيد : هات نشوفه ..
جي بيمسني تاني امي قتله تجي ناحيتها والله الا منغضب عليك .. بنتي ما اديرش هكي ..
قاللها كله منك .. انتي وبوي فسدتوها 😡 دلعتوهااااا ..
مربيتوهاش .. كان جبتي ولد خير منها ..
امي تعيط .. بنتي اشرف منك ومن الدنيا كلها ..
اني طايحة ممدة عالارض متهسترة وصوتي هارب خانقتني العبرة .. قعمزت ع ركابها وحطت راسي ع صدرها الدافي وحضنتني وتبكي ..
تقولي نوضي يا بنيتي نووضي 😭😭
اقلب وجهك من علياااااا .. براااا اطلع 😭
زيد : وربي يطلع الكلام الا ما اني نقتلك..
معتصم مدله البيلة : تي اهو قدامك الرسايل مسمية روحها مرام ..
--
-----
---------
فكيت روحي من امي .. ونضت انقز ونعيط ..
تي مش اني 😭😭 مش اني 😭😭
باعلى صوت نعيط قتلهم حسبي الله ونعم الوكيل فيكم .. حسبي الله ونعم الوكيل فيك يا معتصم
😭😭 ان شاء الله ما تربح .. ان شاء الله اللي درته فيا تلقاه فصحتك وف دنيتك .. 😭😭
وكيف بنعايره ب شذوذه مقدرتش .. مقدرتش نفضحه ..
هو طلعني ساقطة لكن اني مرضيتش نعريه قدام خوه و امه ..
معتصم.. سكري فمك .. و ربي ما عاد طالعة منه الحوش الا وانتي ميتة .. وقرايتك انسي امها 👌🏻غدوة نجيب ملفك ونمزقه قدام وجهك .. 🤬😤
قعد زيد يشبحلي كيف مكسورة حن عليا بعيونه وشده وطلعو اما امي جت حضنتني وقعدنا نتباكو 😭😭
يما و الله ما دخلي بحاجة 😭😭 علاش بيحرمني من قرايتي 😭
وهي تحضن فيا وتقولي نعرفك يا بنتي نعرفك ..
قلتلها يماااا تعبت والله تعبببببت 😭😭
قتلي ديما واني ندعيلك باش يجيك ولد حلال يطلعك من هنايا 😭 هذا خلاص طغى 💔💔
قلتلها كله منك .. خليتيه هكي 😭😭😭 وتسايري فيه 😭😭
ااااااااه 😭😭
طلعت نجري للحمام نرجع وبطني ناضت عليا ..
---
--------
-------------
تلاتة ايام واني ميتة بحالة يرثى لها ،، بطني توجع ونرجع 🤢🤮 ومتلوحة ما حد حن عليا و عايني ..
امي تقوللهم عاينوها يقولولها خلتقعد تموت .. لا نقدر ناكل لا نشرب .. نبكي وبس 😭😭 خشيت ف حالة اكتئاب شديدة 💔💔
واللي فهمته من القصة ان لقى ضياء البيلة فبريزة الشحن تحت المندار و لما شاف العار اللي فسطه🔞 قعد يكشخ ومعتصم وعمتي فطوم سمعوهم يتعاركو... ف سلسبيل قالتلهم ان متعي اني.. و تبلت عليا ..
خشلي زيد وجهه اسود .. شاد البيلة و ورالي رقم ..
قالي حتى هذا مسلمش منك ؟؟
قتله مني 💔 شدني من حاشية فانيليتي .. قالي خطيب وسن 😠 .. قتله منعرفاش 🥺 ..
قالي كلمناه وشبحنا الرسايل والرصيد .. وقاعد نقصقص وشاد عليك معتصم .. 👌🏻
قتله انت تصدق ان ندير هكي ؟
قالي قبل ايه .. لكن من لما شديتك تتكلمي نتوقع منك ..
قتله مية مية 👌🏻💔😔 صحيت 😭
شبحلي زيد بحسرة و كيف ناض بيطلع ..
قتله بصوت مخنوق اسمع .. 🥺
قالي هاه ..
قتله مهما نغلط .. مستحيل ندير زي هكي .. و سيورة ليّام تثبت 👌🏻
هع .. 🥺 و لو خايف عليا بجديات
راهو سامحتني لما تجديتك قبل من اول غلطة .. هع 😔
الغلطة الاولى والوحيدة والتافهة... انت اللي كبرتها وخليت معتصم معاي هكي .. واني مش مسامحاتك 👌🏻💔
مردش عليا .. كان عارف ان كلامي حق .. حسيت بهكي 😔
