نسختي الرمادية

حلقة 35

#نسختي_الرمادية 🖤✍ حلقة 35

جت العطلة و بدت رحمة تجهّز لعرسها ،، ❤🙈

وأني و رويدة معاها أول بأول نخططولها ف كل شيء ..

نخطم عليهم بالسيارة ونطلعو نحجزو من كذا .. ونعربنو بش نأجرو من كذا ...

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

الضغط النفسي بدا يخف ،، ❤🌹 وتعودنا على وضعنا 😌 ..

معتصم حالته الصحية تحسنت بعد آخر وعكة مر بيها .. و امي تتصل بيه كل يوم ..

طلب منها ان يكلمني و يوصل فيا لكن اني رفضت مبيتش نكلمه 💔 .. مقدرتش نتغاضى عالماضي 🥺 مش عاااارفة علاااااش 💔😣 ...

فيوم بنطلع للمحلات لان رحمة بتحجز ف فيلو.. كلمت معاوية وقلتله جيبلي شنطة الأوراق نباها ..
فالبداية رفض لانه مشغول .. بس قعدت انق عليه لين وافق يجيني قدام المحل ..😁

خشينا اني ورحمة ورويدة للمحل وقعدت رحمة تشبح للموديلات كلهم ..
رويدة : اسمعي يا بنت 😑 هذا آخرلك محل ياسر كسرتيلنا رجلينا 😤 مش معقولة معجبكش ولا فيلو 🥺
رحمة: تو نشوفك في عرسك شن حتديري .. والله 😒
رويدة : اني حاجتي ناخدها على طول مش زيك تفوتاها وادوري عشرين محل وف الاخير توليلها 🤭
اني نضحك ههههه 😂😂
والعاملات يورولها ف العروض ويلخبطو فيها بش تحجز منهم ..
رحمة : خلاص يا بنات متوترونيش 😤 خير ما نطلع وترفعوني لمحل تاني ..
العاملة : حصلتلك موديل معلق هنايا .. تعالي شوفيه..
قربت رحمة .. واني ورويدة على اعصابنا .. لأن هادي ميعجبها العجب 😅 ..

رحمة تتفحص فيه بعيونها .. و واضح عليها التوتر 😣
العاملة: هذا قاعد جديد مش ملبوس نهائي جايبينه من أربعة أيام فاتو ..

كيف بتتكلم رويدة قرصتها😁 قلتلها فوتاها 🤫

دقيقتين وهي تتأمل بعيونها و تقلب فالقماش وشبحت لطرحته .. وقالت نجرب نقيسه ..

تنفسنا الصعداء .. و قعدنا نراجو فيها تطلع من حجرة القياس..

طلعت رحمة و عيونها قلوب 😍 .. وقفت قدام المرايا بشعرها المفتوح والطرحة والتاج ع راسها .. احني من جمالها لين وقفنا ونسمو باسم الله ❤🙈🌹
رويدة: طالع عليك يجنن🙈 بالله عليك متقوليش لا 😭
قلتلها .. والله ماتقول الا متسمي عليك .. جايك بالتمام ..
رحمة : محلاااااااه 😍😍 هو هذا الفيلو اللي نبيه ..
رويدة تزغرط واخيراااا .. 😂 ..
والعاملات يضحكو ..

رن تيليفوني لقيته معاوية قالي مقدرتش نطلع مشغول يا شيراز ..
قلتله باهي 😤 ..
قالي هيا روحي سادكم .. غر جو صاحباتك والباقي ما مخليك عافستيه اكتر من هكي .. وانتو مقعدتوش فالحوش بككل 😡
قلتله بتوشويش.. حبيبي نروح ونتفاهمو 😑
معاوية: متخلبطينيش بالدوة .. لا حبيبي لا عمري .. روحي توااا المغرب قريب 😤
قلتله .. باهي
قالي.. توا اني قلت ..
قلتله .. هي ماشي ..
قالي.. بنتصل بيك شوية تانية .. منلقاكش مروحة بعتالي حسابك 😡
قلتله.. قلتلك تمام 😤
قالي.. ديري بالك على روحك يا روحي..
قلتله من غير نية .. حتى انت 😑
قالي .. يا شنو !! 🤨
قلتله.. بحداي البنات فالمحل ان شاء الله نروح ونكلمك 🤦‍♀️ ..
معاوية .. باهي .. حقا فيه فيلم ع ال MBC2 متع تايتنك نبيك تتفرجي عليه معاي .. رووووحي بكري فاااهمة 😤 ..