نسختي الرمادية

حلقة 10

#نسختي_الرمادية 🖤✍ حلقة 10

قبل كل شيء لايك وتعليق 👌🏻

حاولت نغمض عيوني ونستسلم للنوم ،، بس مقدرتش 💔😭
نضت من ع سريري ،، نحيت ملابسي وقعدت شبه عارية
مسكت القفطان وقعدت نتأمل فيه ،،
بهذا القفطان شافك بيه ،، وبهذا كنتي قريبة منه
نشم فريحة القماش وكأني ندور على ريحة عطره المدفونة بين طياته ،، غمضت عيوني ونردد بداخلي لا ياااااربي خليني نشوووفه 💔😭

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

خشيت دوشت بمية فاترة وقلبي قابضني ،، مش عارفة علاش 💔
طلعت بروب الدوش درت كريم وجففت شعري بالفوطة ولبست شنط وكنتيرا وقعدت نتنفس بعمق ..
قررت نحط يدي على قلبي 👈❤ ونعاود اللي درته قبل
اححححح أووووووف (شهيق زفير)
اححححححح أوووووووف
غمضت عيوني وهدّيت من أنفاسي و فتحت الأفاق لمخيلتي ،، كالعادة ملامحه تخطر عليا ،، إنت وين يا معاد وأني وين؟؟؟!!
زعما راقد ولا تفكر فيا زي ما نفكر فيك
زعما تعشيت ولا راقد بدون عشاء ،،
زعما وين ؟؟ مرتاح ؟؟ متضايق؟؟ ترسم ؟؟
زعما شبحوه بنات ؟ اكيد شبحوه 😭🤦‍♀️
واكيد انعجبو بيه 😡 ويجرو وراه .. نضت مفزوعة وقلبي يدق ..
تي خيرك يا شيراز ،، معقولة تغاري عليه للدرجة هادي !!
غمضت عيوني ونزلت مني دمعة ،، لا عرفتها من مدمع العين ولا عرفتها نزلت من قلبي 👈❤
رجعت اتكيت وغمضت عيوني ،، وقلت
يا جامع الناس في يوم لا ريب فيه ،، اجمع بيني وبين من أحببت ،، بيني وبين من اخترت ،، بيني وبين اللي يخافك فيا يا الله ،، ياااارب لو هو المناسب ليا قربه ،، ولو شر ليا ابعدني عنه وابعدني عليه ..
لالالا ياربي لااااا .. حتى لو شر ليا بقدرتك تقدر تخليه خير ليا وتهديه لصراطك المستقيم ..

مرت ليلتها و أحلامي كلها أضغاث ،،
نشوف في روحي واقفة عالمرايا نشبح لأذاني لقيتهم من غير خراص قعدت نبكي ونقول وين خراصاتي ووووين .. طلعت قدام الباب ونشوف بلكي طايحين مني لوطة لكن ملقيتهمش .. لقيت خراصات فضة وفالصو مبيتش نقيمهم وقعدت مصرة ندور على خراصاتي الذهب 💔
شفت جدي عمر جاي من بعيد و قاللي على شنو ادوري ؟؟
قتله ندور على خراصاتي يا جدي .. قاللي اهو عندي داسهملك ❤ اني لما قاللي جدي هكي فرحت وارتحت😌 .. نضت على صوت المنبه ساعة 8
سكرت التيليفون و رجعت اتكيت ،، بس خلاص النوم طار 💔😤 ملقيتي مديري فروحك يا شيراز ،،
مشى ضربت ف راسي فكرة قلت خن نمشي نرجع غاديكا للمكان مرات نلقاه صدفة يرسم او حاجة .. خن نجرب مانيش خاسرة شيء 🥺
نضت جهزت نفسي ،، لبست سروال وبلوزة وصندلي أسود ،، وووه السروال مطلعني سمينة 😬🤦‍♀️ لالا انتي حلوة ضمي فمك واسكتي 🤫 درت زبدة كاكاو وملمع وردي وكحلت جفني العلوي من الداخل بش يبان كأن رموشي كثيفات .. وهذا مكياجي بحكم امي متبينيش ندير 😅 ..
خديت نظاراتي و شنطتي وحطيت فيها فلوس ،،
وطلعت من غرفتي قعدت نتمشى نشوف ف زباين الفندق مقعمزين ف الكافي يفطرو واللي مقعمز ع كراسي تحت المظلات والمسبح معبي ..
أني طلبت كبتشينو خديتها ف يدي و out البرا 🤚
قعدت نتمشى ونشرب ،، أشعة الشمس والهواء البحري الللله الللله يا دنيا ،، و مع تمشي بروحك شعور م الأخير 😍😍
زعما معاذ جي لهني ؟؟ خطم ف الأزقة هادو ،،؟
زعما حنلقاه بالصدفة ولا خلاص معش بنشوفه 🥺
زعما راقد لتوا ،، ولا نايض 💔😥
شفت ليبيين يعاكسو فبنات ومطيحين قدرهم ف سبيل المتعة،،
هزيت عليهم وكملت طريقي ،، خطمت بحدا البيّاعة والصناعة اليدوية ،، لفتني خنجر جمييييل ❤❤
فكرت نشريه بش كان تعرضت لموقف زي موقف أمس نلقى بشن ندافع على روحي 🔥
ساومته وقالي تبيه محفور باسمك قتله مدبيا قالي ارجعي بعد نص ساعة قتله خلاص نخلصك فالنص ولما نرجع نكملك الباقي وناخده ،، قالي تمام ..
طلعت كملت فطريقي والقهوة تمت لوحتها ف القمامة ..
وصلت لنفس الكياس و نفس البركيدجو ،، ركبت للدرج ومن الدرج صعدت لنفس المكان ،، خطواته 👣 مشيته ،، نبرة صوته ،، كلهم على الدرج هوا
وصلت لقيت الكرسي فاضي قعمزت نشوف فالإطلالة .. منظر الشمس كيف نازل على البحر والسياح اللي يتمشو يجنن🔥🔥❤
نزلت ع السريع طلبت شاهي بالنعناع وبريوش بلدي ،، ورجعت نراجي ،،
جت ساعة 11 ومعاها ،،
فاتت ساعة 12 ،،
جت ساعة 1
الدنيا تعبت بالزحمة ،، و الشمس دوختني ،،
قررت نروح ونرجع العشية لنفس مكان الكافي اللي كان مداير وصلة الغنائية ،، بلكي نلقاه غاديكا 💔
روحت خطمت على صاحب المحل لقيته مسكر حتى هوا 😡 اياااااح علينا ،، لكن عنده حق 😔
اني عطلت وتوا ضهر اكيد روح بيصلي ويتغدا 🤲🏻
رجعت للفندق لقيت امي وبوي مقعمزين ف صالة الفندق الخارجية على كنبة وفوق منهم مظلة ..
قعمزت بحداهم وجي القرسون حطلنا الغداء
اني بحكم لا عشاء امس ولا فطور اليوم ،، جعت 😁
طلبت باستا وقعدت ناكل ..
اتصل زيد وقعدت نغيظ فيه ،، قاللي اهو نوتي ف روحي بنمشي مع صحابي لمصيف صبراتة ،، قتله رد بالك على روحك ،، وخدت مني امي الموبايل وقعدت اتكلم فيه هيا وبوي..
كملنا غداء خشينا بنرتاحو ،، أما أني مش جايني نوم ،، قررت نطلع من جديد ..
وهووووبا طلعت ،، خطمت على محل الصناعات اليدوية لقيته الراجل .. خلصته فالباقي مشى قاللي سامحيني الراجل اللي ينقش مجاش ،، قتله باهي كيف الحل 😥 نعتني على مكان وقاللي قوليله فلان الفلاني تو يديرهولك .. قتله باهي
خديته بعد ما حطهولي ف باكو مزخرف و راقي و مشيت للمكان المعلوم ،، عطيتهوله وقالي تعاليلي غدوة خوديه اليوم زحمة .. قتله باهي 😡
رجعت نتمشى بين الأزقة اتصل بيا بوي قالي روحي بنطلعو لمكان بعيد شوي بالسيارة قتله تمام ..