نسختي الرمادية

حلقة 11

#نسختي_الرمادية 🖤✍ حلقة 11

قبل كل شيء لايك وتعليق 👌🏻 دعمكم يا بنات هو اللي يفرّح فيا و مخليني نستمر 🔥❤ درتهالكم حلقة طويلة 😉

قعدت نتقلب ف مكاني ،، راقيلي وماخاطريش فالمشية 😭💔
مش قصة انّي انّكّد فيها ،، لكن محلاه الشعور الأول ف كل شيء .. 👌🏻🔥
•• لما تجهز نفسك لمكان إنت مخططله ،، وف الأخير تمشيله وتعيش الأجواء زي ما متوقعها بالضبط ..
•• لما تتفاهم إنت و شخص على موعد ،، وف الأخير الموعد يصير منه ف التوقيت اللي حاسبهوله انت !!
،،،
نحب المفاجآت الحلوة لما تجيني ،، لكن لما نخطط لحاجات و تتعرقلي نتضايق 😣 و بدال ما تكون مفاجأة حلوة نلقاها مفاجأة محبطة تستهلك فمشاعري 💔

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

مقدرتش نرقد من كتر ما راقيلي
ولا جهزت لبستي متع بكرة ولا درت اقنعة ولا كريم ترطيب بعكس الليلتين اللي فاتو ،، اللي من كتر ما كنت متحمسة لين معلقة ملابسي الداخلية بجنب لبسي الكاجوال ..
اكتفيت بأني ندير منبه وللنوم طول 😴
فقت الصبح من غير نية ،، خشتلي امي وقعدت تنوض فيا تقولي هياااا نوضي جهزي روحك
واني بعيون مغمضة غالبها النعاس قلتلها شنو صارله اليوم ؟ 😒
قتلي بإذن الله .. طلعت امي واني قعدة بنرقد ،، مش عارفة علاش انصب عليا النوم ف هذيكا اللحظة لدرجة فكرت ان نقعد مع عمي مفتاح وجداي نعانيها ومنبيش نمشي ،، المهم خلوني نكمل نومي 😥
خش بابا وقعد ينوض فيا ،، وصب على وجهي قطرتين مية وأني حايسة بين الورغان ،،
اااااه الصبر وخلاص ... 🤦‍♀️
فقت شبحت وجهي فالمرايا ،، لقيت طالعتلي حبة حمراء منفختلي فمي 🤦‍♀️ يا والله نهار مقربع اسود على روس اليهود 🤬 درت شاور خفيف لجسمي بس ،، وطلعت درت كريم عالسريع ،، ولبست مصليتي وصليت ،،
كملت صلاتي اللي كانت بخشوع ❤🤲🏻
وفتحت الدولاب بش نطلع لبستي ...
وين الجاكيت الوردية 🤨
فاتت ال5 دقايق
ال7 دقايق ،،
قلبت الدولاب فوقاني تحتاني من غير ما نلقاها ولا لقيت البلوزة البيضاء .. 😤
خشتلي امي وهيا ف كلمة هيااا هياااا بوك يراجي
تي صبح يا نهار المبارك 🤦‍♀️
اتصلت بيا تقوى تسأل فينا امتى جايين مشى سألتها على لبستي بحكم هما كانو بايتين معاي قبلها مشى قتلي وسن واخدتها و لابستها ،، سكرت الخط و اني عاد يرقالي 😤😤😡 نحارف ونجارف 🤬
قعدت انسق فاللبس بين عيوني ،، لقيت سروالي الجديد مهناش قلت اكيدة حتى هوا واخدينه 🤦‍♀️
ملقيتش قدامي إلا قفطاني هذاكا لبسته
ولبست تحته سكليز بش كان ريح ولا هواء منتعراش 😤
درت شوية كونسيلر تحت عيوني اما فمي تقول ضاربتله خمسة يبر فيلر 😭 الصبر يا ربي وخلاص 🤦‍♀️
نسمع ف التوكة تقول تتتتق .. تكسرت
والله ما وقتك يا توكة قسم بالله 😭 انفتح شعري مشى خديتله يستيك ولفيته بيه والوشاح خاش بعضه 🤦‍♀️
اتصل بينا بوي يكشخ ،، فقولت هيااا هياااا ..
طلعت نجري وشعري يطيح ووشاحي مش مساوي و نسيت فلوسي ومدرتش ريحة ولا درت مسكرة اااااااخ 🤦‍♀️😭
ركبت فالسيارة ومشينا لحوش الايجار
لقينا عمي مفتاح واقف البرا ،، بدل هوا وبوي السيارات واني حاولت ننزل بس بوي مخلانيش قاللنا وقت قريب التسعة على موعد الرحلة .. ركبو بنات عمي ولقيت عمتك وسن طارحة بلبستي اللي بنلبسها وتقوى لابسة سروالي وسوسن واخدة شنطة من شنطاتي واني ليا رب كريم ،، سمعتهم وسخ ودانهم 😒 وهما يضحكو المهزبات 😂 😤😤
ركبنا ف التراجيت (نوع سيارة هونداي) من خلف المقعد التالت ومرت عمي كوثر وسهام و سوسن فالمستوى التاني وامي وبوي من قدام ..