نسختي الرمادية

حلقة 27

#نسختي_الرمادية 🖤✍ حلقة 27

قعد معاذ يفرك ف لحيته وباين عليه مصدوم زيني ..
أما أني شرذت ،، شرذت في سبيدروه ،، ف بنطلونه ،، ف ريحته اللي نميّز فيها ولو على بعد كيلومتر

قعدو يتناقشو على حالة الغش ،، وهو يقوللهم سامحوها آخر مرة ..

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

قمت ورقتي مشى قالي المشرف كملتي؟
قتله ايه تفضل ..
نضت من عالكرسي وحطيتله الورقة عالمكتب ومعاذ مقابلني ،، المرة هادي لا تلبكت لا رعشت .. قعد يشبحلي اما اني طلعت وخليته ..
قعدت مقعمزة على مرشبيدي قدام بوابة المدرسة .. فاتت من بحداي اخت معاذ وطلعت ..
اما اني اتكيت على الحيط وكان نلقى نروح نرقد من التعب 💔..
طلع معاذ و خطم من جنبي ..
قعد واقف بحداي ويعصر ف قبضة يده وكأنه متردد 💔 أني قمت راسي وشبحتله 🥺
مشى تلفتلي .. و قالي الحمد لله عالسلامة ..
قتله الله يسلمك ..
قالي خيرك لا باس يومتها ؟
قتله مرضت شوية وتوا الحمد لله 😌💜..
مشى سكت ..
نضت وقفت قدامه وقتله .. مكنتش نعرف ان اختك ألاء اللي تقرا معاي 😌 تكون اختك..
قالي ياريتني حتى ني عرفت قبل هكي ان اختي تقرا معاك ..
قتله علاش ..
قالي خليها في سرك .. اهو يلاااا .. وتنهد اااه ..
قتله وين تسكن قريب هنايا ؟
قالي ايه اهنايا ف قرجي جيهة .....
قتله باهي كويس ..
قالي شن تحسي توا حالك؟
قتله الصحية ولا النفسية ؟
قالي الزوز ..
قتله الزوز الحمد لله 😌💜 ..
وانت شن تحس ؟
قالي خليها ف سرك 💔 ..
قتله اممم 🤔 .. باه كيف حال صحابك هدوكا ؟
قالي ماشي حالهم ..
قعدت نبي نجبد منه الدوة بس كأن ميبيش يحكيلي شيء على سهام وعلاقته ب صاحبه ..
خشت اخته من الباب لقتنا واقفين على بعض ..
قتله ووينك ؟ وقعدت تفنص فيا 🤨
قاللها بري وتو نلحقك ..
لكن بحكم متحبنيش جت بحداي ومسمعتش كلامه ..
قتلي هذا خوي 🤨 .. قلتلها نعرف ..
قتلي عرسه بعد الامتحانات .. قلتلها ربي يهنيه
حاول ينقد الموقف .. و قاللها هادي شيراز و بوها نعرفه ..
قالتله اه باه ..
اني رقالي الحق 💔 قتله هي امالا منعطلش عليك معاذ ..
قعد يشبحلي وكأن ميبيش يسمع مني الجملة هادي متع التوزيعة ..
قالي هي امالا وقال لاخته اطلعي ..
طلعو واني قلبي يغلي 🔥
معش قدرت حتى نقعمز من غلي عليه وعلى اخته.. 😤
لقيته خاش تاني وجاي .. حسيته بلعاني يبي يوزع اخته وفرحت ..
جاني ومتحشم ☺ .. قررت نستغل الفرصة النادرة وحبيت نودعه 💔
قعد يقرب من ناحيتي واني نقدم ناحيته .. لين جينا قراب من بعض ❤ واقفة تحته وعيوني فعيونه ..
قالي اختي جت ومعاش عرفت شن اندير 😅 .. بجديات فرحت اني شفتك ..
قتله بس اني زعلت ..
قالي بخبث علاش ..؟
قتله خليها فسرك 😉..
قالي ترديلي فيها؟
قتله اممممم🤔 نعرفش 😊
قعد يشبحلي وساكت .. وجهه أحمر وفعيونه كلاااااام ..
كان محرووووق وواضح عليه .. واني زاد ما قلبي انحرق معاه 🔥🔥😭 ..
قعدنا نشبحو فبعض ..
من برا منظرنا ساكن وهاديء .. ومن داخلنا براكين وزلازل وكوارث .. ما يعلم باللي فينا إلا ربنا ..
خش الشيباني متع الباص قعد ينادي عليا ..
قتله هي اني جاية ..
حسيت بزعل وتمنيت لو نقعد نهدرز عليه اكتر من هكي 😭
قالي نبي نطلب منك طلب .. 🥺
قتله تفضل ..
قالي بالله عليك ديري بالك على روحك .. بالله عليك ..
قتله حتى انت .. دير بالك على روحك ..
عيونه العسليات تحولو لحمررر 🔥
قالي ااه ان شاء الله 😔
طلعنا مع بعض .. و كان بودي نوقف كل شيء ف هذيكا اللحظة .. نمسكه من يده ونقوله راني نحبك وعارفاتك تحبني .. بس ليش مصارحنيش ليشش😤😣
لانه خلاص خطب وف رقبته بنت ناس يا شيراز 💔 اللي مترضيشي لروحك مترضيشي للغير ..
رغم غيرتي وكرهي للبنت اللي منعرفاش ومريت منها شيء .. بس قررت نتنازللها عن حبي 😔❤.. وتمنيتلهم كل الخير 🤲🏻..
خلاني لين ركبت فالباص بعدها ركب فسيارته واني قعدت نشبحله من الروشن .. نودع فيه بعيوني ..
نزلت مني دمعة ..
وقلت ف نفسي .. {و عسى ان تحبو شيئا وهو شر لكم وعسى ان تكرهو شيئا وهو خير لكم،، والله يعلم وانتم لا تعلمون }
اللهم استودعتك نصيبي 🤲🏻❤ ،،