نسختي الرمادية

حلقة 37

#نسختي_الرمادية 🖤✍ حلقة 37

بديت كل مرة نبتت في حاجة ..
خديت أرواب بالهبل 🔥😂 ،، رغم رحمة قتلي فوتيهم متكتريش منهم لأن دوتهم فاضية 🤪
قلتلها ... إنلا 😤 معاوية متأتر بالأفلام هلبااااا وأني زيه 😌❤ لازم من حاجات الساتان 😑
قالتلي .. تو تشوفي .. و هاه يا شيراز هذا وجهي قدامك👌🏻 .. تي الا ما تلقيه راقد بسروال توتة وكنتيرا .. توا من عقلك ليبي و بيلبسلك بيجامة ساتان 🤨؟!!
قلتلها بخبث 😈 .. امالا فراس شن يلبس؟
قالتلي .. تو لما تتزوجي نقولك 😏 أما كلام الكبار منقولوشي للصغار 😂😂 ... 😋😋
حدفتها بالوسادة وقعدنا نضحكو ❤❤

الكاتبة|:- 💜 خ ـــلـــود شــــــــــلابـــــي 💜

👑🎶Kd Sha La Bi🎶👑

كلمني معاوية فالليل ❤❤
قلتله .. مش مصدقة حبيبي إنّ عرسنا قريب 😍..
قالي.. مش عارف امتى بتصدقي بسس 😂..
قلتله.. تحبني ؟🥺💜
قالي.. نموت فيك يا روحي إنتي 😘😚 تي اني اللي مش مصدق وحدة زيك حبتني بعصبيتي و بخدمتي ال24 ساعة وشوق ما مقصر معاك لكن طلعتي معاي بنت ناس ..
قلتله.. لا صدّق 😘 تعرف علاش ؟؟
قاللي.. علاش ؟ ❤
قلتله.. لأني حبيت راجل ،، 👌🏻❤ ربي ميحرمني منك 🤲🏻
قالي.. ويخليك ليا 🤲🏻..
قلتله.. شن جو الخدمة اليوم؟
قالي.. غدوة بنمشي لمصراتة بنقعد أسبوعين عندي حالات .. وبناخد عطلة من المصحتين للعرس ..
قلتله .. ربي يفتحها عليك ع قد تعبك ..
قالي.. امالا شنو !! قرش الحلال لازم يتعب فيه الواحد.. ريتي هذا كله باش نجيبك يا منجوهة 😂😋
قلتله.. مدامها هكي ع خاطري 😚 مقبولة منك الكلمة يا منجوهي حتى انت 😘😘
قالي.. ايييه 😳... وين ماشية بيه لسانك 😑؟
قلتله.. خلاص توا ادّبست 😎 معش تقدر اتوخّر 🤪 امك وبوك يشنقوك بعتالي ؟؟ 😂😂
قالي.. هما من توا وميرضو فيك شيء 😁 شورك مكترتيه ف طاجين البسبوسة ..🤔
قلتله.. ايه بش تعرف 😂😂
قالي.. هي بري سكري وكلمتك زيدي فكري فيها 😤
قلتله.. كلمة شنو ..؟ منجوهي ؟ 😂😂
قالي.. و تعاودي فيها ؟ 😡
قعدت نضحك عليه.. كنت عارفاته يحرقلي ف دمي ويبصر 😂😂
قالي.. هي باي .. امسحي رقمي واللي بيناتنا انسيه ..
قلتله.. انت الخاسر .. اللي خسرت وحدة زيي 😎 ف امان الله ومعش تتصل بيا بككل .. 😁
قالي.. تي ماشي ماشي 😡😡 ..
اني .. هههههه 😂😂😂😂
قالي.. تضحكي ؟؟
قلتله.. شن تسمع فيا نبكي ؟؟ 😂😂
قالي.. مية مية نظمي امورك
قلتله.. تي نقتلك لو نلقاك مع غيري 😂😍 مستحيل نسيبك اني..
قالي.. ياما قالو مستحيل وف الاخير طلع مجرد كلام انقال وبسس ..
قلتله.. هذوكا هما .. اما اني لا .. تي انت لما متكلمنيش نهبل يا بال نقعد من غيرك 🥺 خيرك معاوية !! ولا متعرفنيش !!
قالي.. معش جاتك النوبة ؟
قلتله.. هي مرة وحدة جتني لما تعاركت اني ووياك لانك ضايقتني 💔 والباقي الحمد لله ..
قالي.. قصدك كل ما تزعلي هكي يصيرلك؟
قلتله.. هكي لما كنت صغيرة 😣 تعرضت لصدمة و اغمي عليا .. و منها لما نكبت فقلبي ونتضايق هلباااا تصيرلي نقعد واني راقدة نتحرك ونتخيل اني فحلم و اني طبعا نتحرك فالواقع ..💔
قالي.. ان شاء الله معش يتكرر الشيء هوا .. قلتله ان شاء الله..
سكتنا ..
مشى قلتله.. معاوية ❤؟ ..
قالي .. نعم
قلتله.. نسيبك ف حالة وحدة ..
قالي .. شن هيا ؟
قلتله.. لما نلقى قلبك فيه بنت غيري ! 👌🏻
قالي.. كيف مفهمتش
قلتله.. يعني لما نلقاك مغافلني وتخون ف ثقتي ..
قالي.. اممممم .. يحليلي ❤ ربي يحفظك
قلتله.. ويحفظك برا نني توا وارتاح 💜😘 ليلتك سعيدة
قالي.. ديري بالك على روحك يا مرتي ني 💜💜
قلتله.. مرتك بسس ؟؟
قالي.. امالا مرت منو ؟ 😡
قلتله.. لا 🤦‍♀️ نقصدلك زيدني عبارات غزل .. يا مرتي يا حبيبتي ..!؟ يا عمري؟!؟ نبضي؟ انفاسي ؟ وانت تفكيرك مشى لبعيد 🤨↖️↖️